രാജീവ്​ഗാന്ധി വധം: ദയാവധത്തിന്​ ഹരജി നൽകി നളിനിയും മുരുകനും

ചെന്നൈ: മുൻ പ്രധാനമന്ത്രി രാജീവ്​ ഗാന്ധി വധക്കേസിൽ ജയിലിൽ കഴിയുന്ന നളിനി ശ്രീഹരൻ, ഭർത്താവ്​ ശ്രീഹരൻ എന്ന മുരുകൻ എന്നിവർ ദയാവധം അനുവദിക്കണമെന്നാവശ്യപ്പെട്ട്​​ മ​ദ്രാസ്​ ഹൈകോടതിയിൽ ഹരജി നൽകി. പ്രധാനമന്ത്രി നരേന്ദ്ര മോദിക്കും മ​ദ്രാസ്​ ഹൈകോടതി ചീഫ്​ ജസ്​റ്റിസ്​ അമരേശ്വർ പ്രതാപ്​ സഹിക്കും നവംബർ 27നാണ്​ നളിനി കത്തയച്ചതെന്ന്​ ‘ഇന്ത്യ ടുഡേ’ റിപ്പോർട്ട്​ ചെയ്​തു.

കഠിനമായ മാനസിക സംഘർഷമാണ്​ നളിനിയെ ഇത്തരമൊരു തീരുമാനത്തിലെത്തിച്ചതെന്ന്​ അവരുടെ അഭിഭാഷകനായ പുകഴേന്തി പറഞ്ഞു. ജയിൽ അധികൃതർ മുഖേന നളിനി പ്രധാനമന്ത്രിയുടെ ഓഫീസിന്​ കത്തയച്ചിരുന്നു. ദയാവധം തേടിയായിരുന്നു കത്ത്​. തങ്ങൾ വിട്ടയക്കപ്പെടുമെന്ന്​ 26 വർഷം അവർ പ്രതീക്ഷിച്ചു. എന്നാൽ ആ പ്രതീക്ഷക്ക്​ ഇപ്പോൾ മങ്ങലേറ്റതാണ്​ ദയാവധത്തിന്​ ഹരജി നൽകിയതി​ന്​ കാരണമെന്ന്​ പുകഴേന്തി വ്യക്തമാക്കി.

ജയിൽ അധികൃതർ അവരുടെ ഭർത്താവിനെ ദ്രോഹിക്കുകയാണ്​. ത​​െൻറ ഭർത്താവിന്​ ഏൽക്കേണ്ടി വരുന്ന ദ്രോഹം കണ്ടു നിൽക്കാൻ അവർക്ക്​ സാധിക്കുന്നില്ല. വെള്ളൂർ ജയിലിൽ നിന്ന്​ പുഴൽ ജയിലിലേക്ക്​ മാറ്റണമെന്ന്​ ആവശ്യപ്പെട്ട്​ തമിഴ്​നാട്​ സർക്കാറിനും അവർ ഹരജി നൽകിയിരുന്നുവെന്ന്​ അഭിഭാഷകൻ പറഞ്ഞു.

മുരുകനിൽ നിന്ന്​ മൊബൈൽ ഫോൺ പിടിച്ചെടുത്തതിനെ തുടർന്ന്​ ജയിൽ അധികൃതർ മുരുകനെ ഏകാന്ത തടവിലിട്ടിരിക്കുകയാണ്​. ഇതിൽ പ്രതിഷേധിച്ച്​ 10 ദിവസത്തോളമായി നളിനിയും മുരുകനും ജയിലിൽ നിരാഹാരം കിടക്കുകയാണ്​. നളിനി നിലവിൽ വെള്ളൂരിലെ വനിതകൾക്കുള്ള പ്രത്യേക ജയിലിലാണ്​.

രാജീവ്​ഗാന്ധി വധക്കേസിലെ കുറ്റവാളികളായ എ.ജി പേരറിവാളൻ, വി. ശ്രീഹരൻ എന്ന മുരുകൻ, ടി. സുദേ​ന്ദ്രരാജ എന്ന ശാന്തൻ, ജയകുമാർ, റോബർട്ട്​ പയസ്​, രവിചന്ദ്രൻ, മുരുക​​െൻറ ഭാര്യ നളിനി ശ്രീഹരൻ എന്നിവരെ ഭണഘടനയിലെ ആർട്ടിക്കിൾ 161 പ്രകാരം വിട്ടയക്കാനുള്ള തമിഴ്​നാട്​ സർക്കാറി​​െൻറ തീരുമാനം ഗവർണർ ബൻവാരിലാൽ പുരോഹിതി​​െൻറ പരിഗണനയിലാണ്​.