Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightവിഷം...

വിഷം വമിപ്പിക്കുന്നവർക്ക്​ പരസ്യമില്ല; മൂന്നു ചാനലുകൾ കരിമ്പട്ടികയിൽ -രാജീവ്​ ബജാജ്​

text_fields
bookmark_border
വിഷം വമിപ്പിക്കുന്നവർക്ക്​ പരസ്യമില്ല; മൂന്നു ചാനലുകൾ കരിമ്പട്ടികയിൽ -രാജീവ്​ ബജാജ്​
cancel

ന്യൂഡൽഹി: സമൂഹത്തിൽ വിഷവും വിദ്വേഷവും പരത്തുന്ന മൂന്നുചാനലുകൾക്ക്​ പരസ്യം നൽകുന്നില്ലെന്ന്​ പ്രമുഖ വ്യവസായി രാജീവ്​ ബജാജ്​. ഈ ചാനലുകളെ കരിമ്പട്ടികയിൽ പെടുത്തിയിട്ടുണ്ടെന്നും സി.എൻ.ബി.സി ചാനൽ ചർച്ചക്കിടെ രാജീവ്​ ബജാജ്​ ​പ്രതികരിച്ചു.

ടെലിവിഷൻ റേറ്റിങ്​ പോയൻറിൽ (ടി.ആർ.പി) തിരിമറി നടത്തിയതിന്​ റിപ്പബ്ലിക്​ ചാനൽ ഉൾപെടെ മൂന്നു ടെലിവിഷൻ ചാനലുകൾക്കെതിരെ മുംബൈ പൊലീസ്​ അന്വേഷണം പ്രഖ്യാപിച്ചതിന്​ പിന്നാലെയാണ്​ രാജീവ്​ ബജാജി​െൻറ പ്രതികരണം. രണ്ടുപേരെ കേസിൽ ഇതിനകം അറസ്​റ്റ്​ ചെയ്​തതായും അർണബ്​ ഗോസ്വാമി ഉൾപെടെ റിപ്പബ്ലിക്​ ചാനൽ മേധാവികളെ ചോദ്യം ചെയ്യുമെന്നും​ പൊലീസ്​ വ്യക്​തമാക്കിയിരുന്നു.

''ബിസിനസിൽ ബ്രാൻഡ്​ വളർത്തുന്നത്​ പ്രധാനമാണ്​. എന്നാൽ ലാഭം മാത്രമാകരു​ത്​ ബിസിനസ്​ സ്ഥാപനങ്ങളുടെ ലക്ഷ്യം. സമൂഹത്തി​െൻറ നന്മയും പ്രധാനമാണ്​. മൂന്ന്​ ചാനലുകളെ കരിമ്പട്ടികയിൽപെടുത്തുന്നതുമായി സംസാരിച്ചപ്പോൾ എ​െൻറ മാർക്കറ്റിങ്​ മാനേജർ പ്രതികരിച്ചത്​ ഞാനത്​ ഒൻപത്​ മാസം മു​േമ്പ ചെയ്​തു എന്നായിരുന്നു. അത്​ കേട്ട്​ ഞാൻ ആശ്ചര്യപ്പെട്ടു'' -രാജീവ്​ പ്രതികരിച്ചു. 2005 മുതൽ രാജീവാണ്​ ബജാജ്​ ഓ​ട്ടോയുടെ തലപ്പത്തുള്ളത്​.

റിപ്ലബ്ലിക്​ ടി.വി ഉൾപ്പെടെയുള്ള ചാനലുകളുടെ ബാങ്ക്​ അക്കൗണ്ടുകളും അന്വേഷിക്കുമെന്ന്​ മുംബൈ പൊലീസ്​ മേധാവി പരംവീർ സിങ്​ വാർത്തസ​മ്മേളനത്തിൽ പറഞ്ഞിരുന്നു. പരസ്യം വഴി സ്വീകരിക്കുന്ന ഫണ്ടുകളും അന്വേഷണത്തി​െൻറ പരിധിയിൽ വരും. റിപ്ലബികിനു പുറമെ ഫക്​ത്​ മറാത്തി, ബോക്​സ്​ സിനിമ ചാനലുകളാണ്​ തിരിമറി നടത്തിയതെന്നും​ അദ്ദേഹം വ്യക്​തമാക്കി.

Show Full Article
TAGS:Rajiv Bajaj republic tv 
Next Story