നരേന്ദ്രമോദിയെയും സ്റ്റാലിനെയും ചന്ദ്രബാബു നായിഡുവിനെയും അഭിനന്ദിച്ച് രജനീകാന്ത്

ചെന്നൈ: മൂന്നാംവട്ടം പ്രധാനമന്ത്രിയായി അധികാരമേൽക്കുന്ന നരേ​ന്ദ്രമോദിയെ അഭിനന്ദിച്ച് രജനീകാന്ത്. തെരഞ്ഞെടുപ്പിൽ ഉജ്വല പ്രകടനം കാഴ്ചവെച്ച തമിഴ്നാട് മുഖ്യമന്ത്രി എം.കെ. സ്റ്റാലിനെയും ​​ആന്ധ്രപ്രദേശ് മുഖ്യമന്ത്രിയായി ചുമതലയേൽക്കാനൊരുങ്ങുന്ന ടി.ഡി.പി നേതാവ് ചന്ദ്രബാബു നായിഡുവിനെയും രജനീകാന്ത് അഭിനന്ദിച്ചു.

''എന്റെ പ്രിയപ്പെട്ട സുഹൃത്തുക്കൾക്ക് അഭിനന്ദനങ്ങൾ...ബഹു. തമിഴ്നാട് മുഖ്യമന്ത്രി എം.കെ. സ്റ്റാലിൻ, ടി.ഡി.പി നേതാവ് ചന്ദ്രബാബു നായിഡു, ആദരണീയനായ പ്രധാനമന്ത്രി നരേ​ന്ദ്രമോദി...എന്നിവർക്ക് ഹൃദയംഗമമായ അഭിനന്ദനങ്ങൾ ...''-എന്നാണ് രജനീകാന്ത് എക്സിൽ കുറിച്ചത്.

ആന്ധ്രപ്രദേശിൽ 175 നിയമസഭ സീറ്റിൽ 135 ലും വിജയിച്ചായിരുന്നു ചന്ദ്രബാബു നായിഡുവിന്റെ തെലുഗു ദേശം പാർട്ടിയുടെ തിരിച്ചുവരവ്. തമിഴ്നാട്ടിലെ 39 ലോക്സഭ സീറ്റിൽ 22 എണ്ണത്തിൽ ഡി.എം.കെ വിജയിച്ചു.