Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഅർണബ്​...

അർണബ്​ സത്യസന്ധ​െനന്ന്​ രാജീവ്​ ചന്ദ്രശേഖർ; ഇങ്ങിനെ തമാശപറയരുതെന്ന്​ നെറ്റിസൺസ്​

text_fields
bookmark_border
അർണബ്​ സത്യസന്ധ​െനന്ന്​ രാജീവ്​ ചന്ദ്രശേഖർ;   ഇങ്ങിനെ തമാശപറയരുതെന്ന്​ നെറ്റിസൺസ്​
cancel

ടി.ആർ.പി തട്ടിപ്പ്​ കേസിൽ കുറ്റാരോപിതനായ മാധ്യമപ്രവർത്തകൻ അർണബ്​ ഗോസ്വാമിക്ക്​ പിന്തുണയുമായി ബി.ജെ.പി എം.പി രാജീവ് ചന്ദ്രശേഖര്‍, ഇങ്ങിനെ തമാശ പറയരുതെന്ന്​ നെറ്റിസൺസ്​.അർണബി​െൻറ സത്യസന്ധതയും ധൈര്യവും ചോദ്യം ചെയ്യപ്പെടാനാകാത്തതാണെന്നാണ്​ റിപ്പബ്ലിക്​ ടി.വിയുടെ കോ ഫൗണ്ടർകൂടിയായ രാജീവ്​ ചന്ദ്രശേഖർ സമൂഹമാധ്യമത്തിൽ കുറിച്ചത്​. തനിക്ക്​ അർബണിനെ 2010 മുതൽ അറിയാമെന്നും അന്നേ അദ്ദേഹം അസാധാരണ ധൈര്യം പ്രകടിപ്പിച്ചിരുന്നതായും രാജീവ് എഴുതുന്നു.

'അദ്ദേഹത്തി​െൻറ റിപ്പോർ‌ട്ട് ശൈലി നിങ്ങൾ‌ക്ക് ഇഷ്ടമാണോ ഇല്ലയോ എന്നത് പരിഗണിക്കേണ്ടതില്ല, പക്ഷെ അർണബി​െൻറ സത്യസന്ധതയും ധൈര്യവും ചോദ്യം ചെയ്യപ്പെടാനാകാത്തതാണ്​. 2 ജി, സിഡബ്ല്യുജി അഴിമതികൾ തുറന്നുകാട്ടാൻ അദ്ദേഹത്തിന് മാത്രമെ ധൈര്യം ഉണ്ടായിരുന്നുള്ളു. അറിയപ്പെടുന്ന കൗശലക്കാരനായ പൊലീസുകാരനും അർണബും തമ്മിലുള്ള ഇൗ യുദ്ധത്തിൽ അദ്ദേഹത്തെ - എന്റെ വോട്ടുകൾ അദ്ദേഹത്തിന് എ​െൻറ പിൻതുണ അർണബിനാണ്​'-രാജീവ്​ ചന്ദ്രശേഖർ കുറിച്ചു.ഇതിന്​ മറുപടിയുമായി ധാരാളംപേർ രംഗത്ത്​ വന്നിട്ടുണ്ട്​.

'ചന്ദ്രശേഖറി​െൻറ തമാശ ഒരു ചിരിയും ഉണ്ടാക്കുന്നില്ല. ന്യൂസ് ആങ്കർ എന്ന പേരിൽ അദ്ദേഹം എന്ത് വിഡ്​ഡിത്തം പ്രകടിപ്പിച്ചാലും അദ്ദേഹത്തെ പ്രതിരോധിക്കുകയല്ലാതെ നിങ്ങൾക്ക് മറ്റൊരു മാർഗവുമില്ല'-ഒരാൾ കുറിച്ചു.

'പത്രപ്രവർത്തനത്തെ നാലാം എസ്റ്റേറ്റ് എന്നാണ് വിളിക്കുന്നത്. പക്ഷേ, അർണബ് ഗോസ്വാമി എല്ലായ്പ്പോഴും ആക്രമണോത്സുകനും പരുഷസ്വഭാവമുള്ളവനുമാണ്. അയാൾ മറ്റുള്ളവരെ ഒരിക്കലും ബഹുമാനിക്കാറില്ല'-മറ്റൊരാൾ എഴുതുന്നു.

'റിപ്പബ്ലിക്​ ടി.വിയുടെ സഹ നിർമാതാവ്​ ത​െൻറ ആങ്കറെ സംരക്ഷിക്കാൻ എത്തിയിരിക്കുന്നു'-ചിലർ പരിഹാസത്തോടെ കുറിക്കുന്നു.

ടി.ആർ.പി റേറ്റിങ്ങിൽ കൃത്രിമം നടത്തുന്ന മാഫിയെ കുറിച്ചുള്ള വിവരങ്ങൾ പുറത്തുവിട്ടത്​ മുംബൈ പൊലീസി​െൻറ ക്രൈംബ്രാഞ്ച്​ വിഭാഗമാണ്​. ഇതുമായി ബന്ധപ്പെട്ട്​ ഫാസ്​റ്റ്​ മറാത്തി, ബോക്​സ്​ സിനിമ തുടങ്ങിയ ചാനലുകളുടെ മേധാവികളെ മുംബൈ പൊലീസ്​ അറസ്​റ്റ്​ ചെയ്​തു. കൃത്രിമം നടത്തിയ മൂന്നാമത്തെ ചാനലാണ്​ റിപബ്ലിക്​ ടി.വിയെന്ന്​ പൊലീസ്​ പറയുന്നു. റിപബ്ലിക്​ ടി.വിയുടെ റേറ്റിങ്​ വലിയ രീതിയിൽ കൃത്രിമമായി ഉയർത്തിയെന്നാണ്​ ആരോപണം ഉയർന്നിരിക്കുന്നത്​.

ഇന്ത്യയിടെ ടി.വി ചാനലുകൾക്ക്​ റേറ്റിങ്​ നൽകുന്നത്​ ബ്രോഡ്​കാസ്​റ്റ്​ ഓഡിയൻസ്​ റിസേർച്ച്​ കൗൺസിൽ (ബി.എ.ആർ.സി-ബാർക്) ആണ്​​. ഇതിൽ റിപബ്ലിക്​ ടി.വി കള്ളത്തരം കാണിക്കുന്നുണ്ടെന്ന സൂചനകൾ നേരത്തെ പുറത്ത്​ വന്നിരുന്നു. ബാർകിന്​ വേണ്ടി​ റേറ്റിങ്​ ബോക്​സുകൾ ഇൻസ്​റ്റാൾ ചെയ്യുന്നത്​ ഹൻസ റിസേർച്ച്​ എന്ന കമ്പനിയാണ്​. മുൻ ജീവനക്കാരുടെ സഹായത്തോടെ ചില ചാനലുകൾ ബോക്​സുകളിൽ കൃത്രിമം നടത്തുന്നുവെന്ന പരാതി ഹൻസ നൽകിയതോടെയാണ്​ തട്ടിപ്പ്​ പുറത്തായത്​.

Show Full Article
TAGS:Rajeev Chandrasekhar Arnab Goswami republic tv arnab 
Next Story