Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightരാജസ്​ഥാനിലെ വിമത...

രാജസ്​ഥാനിലെ വിമത എം.എൽ.എമാർ നിയമസഭാ സമ്മേളനത്തിനെത്തുമെന്ന്

text_fields
bookmark_border
രാജസ്​ഥാനിലെ വിമത എം.എൽ.എമാർ നിയമസഭാ സമ്മേളനത്തിനെത്തുമെന്ന്
cancel

ഹരിയാനയിൽ കഴിയുന്ന രാജസ്​ഥാനിലെ വിമത എം.എൽ.എമാർ ആഗസ്​റ്റിൽ നടക്കുന്ന നിയമസഭാ സമ്മേളനത്തിനെത്തുമെന്ന്​ പറഞ്ഞതായി എൻ.ഡി.ടി.വി. തങ്ങൾ എല്ലാവരും സമ്മേളനത്തിനെത്തുമെന്ന്​ ഹരിയാനയിൽ കഴിയുന്ന ഒരു എം.എൽ.എ എൻ.ഡി.ടി.വി പ്രതിനിധിയോട്​ പറഞ്ഞു. എന്നാൽ, വിമത സംഘത്തി​​​െൻറ ജയ്​പൂരിലേക്കുള്ള മടക്കയാത്ര എന്നാണെന്ന്​ ഇനിയും നിശ്​ചയിച്ചിട്ടില്ല. ആഗസ്​റ്റ്​ 14 ന്​ നിയമസഭാ സമ്മേളനം തുടങ്ങാൻ ഗവർണർ കൽരാജ്​ മിശ്ര കഴ​ിഞ്ഞ ദിവസമാണ്​ അനുവാദം നൽകിയത്​. 

ഉപമുഖ്യമന്ത്രിയും പി.സി.സി പ്രസിഡൻറുമായ സചിൻ പൈലറ്റി​​​െൻറ നേതൃത്വത്തിൽ ഒരു സംഘം എം.എൽ.എമാർ വിമത ശബ്ദം ഉയർത്തിയതിനെ തുടർന്ന്​ രാജസ്​ഥാനിലെ ​കോൺഗ്രസ്​ സർക്കാർ പ്രതിസന്ധിയിലായത്​ ആഴ്​ചകൾക്കുമുമ്പാണ്​. സചിൻപൈലറ്റിനെ പിന്തുണക്കുന്ന 18 എം.എൽ.എമാർ ഇപ്പോൾ ബി.ജെ.പി ഭരിക്കുന്ന ഹരിയാനയിലാണ്​ തങ്ങുന്നത്​. ഇവരുമായി ബന്ധപ്പെടാൻ കോൺഗ്രസ്​ നേതൃത്വത്തിനായിട്ടില്ല. 

അതേസമയം, 200 അംഗ നിയമസഭയിൽ തനിക്കിപ്പോഴും ഭൂരിപക്ഷമുണ്ടെന്നാണ്​ രാജസ്​ഥാൻ മുഖ്യമന്ത്രി അശോക്​ ഗെഹ്​ലോട്ട്​ അവകാശപ്പെടുന്നത്​. സചിൻ പൈലറ്റ്​ വിമതശബ്​ദം ഉയർത്തിയ ഉടനെ എം.എൽ.എമാരുടെ സമ്മേളനം വിളിച്ച്​ ശക്​തി തെളിയിച്ചായിരുന്നു അശോക്​ ഗെഹ്​ലോട്ടി​​​െൻറ പ്രതികരണം. കോൺഗ്രസ്​ ദേശീയ നേതൃത്വത്തി​​​െൻറ പിന്തുണ ​ഉറപ്പാക്കിയും സചിൻ പൈലറ്റിനെ മുഴുവൻ പദവികളിൽ നിന്നും പുറത്താക്കിയും ശരവേഗത്തിൽ നടപടികളെടുത്തതോടെ എം.എൽ.എമാർക്കിടയിലെ വിമതശ്​ബദം ഒരു പരിധി വരെ ഇല്ലാതാക്കാൻ െഗഹ്​ലോട്ടിനായിരുന്നു. ആദ്യഘട്ടത്തിലെ പ്രതിസന്ധി അതിജീവിച്ചതോടെ വിമത എം.എൽ.എമാരെ അയോഗ്യരാക്കാനും വിശ്വാസവോ​ട്ടെടുപ്പിലൂടെ ശക്​തി തെളിയിക്കാനുമുള്ള നീക്കം ഗെഹ്​ലോട്ട്​ തുടങ്ങുകയും ചെയ്​തു. 

കോൺഗ്രസ്​ എം.എൽ.എമാരെ മുഴുവൻ ഹോട്ടലിലേക്ക്​ മാറ്റിയാണ്​ സചി​​​െൻറ വിമത നീക്കത്തെ ഗെഹ്​ലോട്ട്​ നേരിട്ടത്​. ഉടനെ നിയമസഭ വിളിക്കണം എന്നാവശ്യപ്പെട്ട്​ ഗവർണർക്ക്​ നിരവധി തവണ കത്തുകൾ നൽകിയെങ്കിലും ഗവർണർ കൽരാജ്​ മിശ്ര പല കാരണങ്ങൾ ചൂണ്ടികാട്ടി അനുവാദം നൽകുന്നത്​ നീട്ടികൊണ്ടു പോകുകയായിരുന്നു. കഴിഞ്ഞ ദിവസമാണ്​ ആഗസ്​റ്റ്​ 14 ന്​ നിയമസഭ ചേരാൻ ഗവർണർ അനുവാദം നൽകിയത്​. 

നിയമസഭ ചേർന്ന്​ ഭൂരിപക്ഷം തെളിയിക്കാനുള്ള നീക്കമാണ്​ ഗെഹ്​ലോട്ടി​​​െൻറ നേതൃത്വത്തിൽ നടന്നിരുന്നത്​. 200 അംഗ നിയമസഭയിൽ കേവല ഭൂരിപക്ഷത്തിന്​ ആവശ്യമായ 101 അംഗങ്ങളുടെ പിന്തുണ തങ്ങൾക്കുണ്ടെന്നു ത​െന്നയാണ് ഗെഹ്​ലോട്ട്​ പക്ഷത്തി​​​െൻറ ആത്മ വിശ്വാസം. 

അതേസമയം, ഗെഹ്​ലോട്ട്​ സർക്കാറിനെ താഴെയിറക്കാനുള്ള പിന്തുണ ആഗസ്​റ്റ്​ 14 നകം നേടിയെടുക്കാനാകുമെന്നാണ്​ സചിൻ ഗ്രൂപ്പ് കരുതുന്നത്​. ബി.ജെ.പിയുടെ പിന്തുണയോടെ കുതിരക്കച്ചവടത്തിനുള്ള നീക്കം അണിയറയിൽ നടക്കുന്നുണ്ടെന്ന്​ കോൺഗ്രസ്​ ആരോപിക്കുന്നുമുണ്ട്​. 

സഭയിൽ വിശ്വാസവോ​ട്ടെടുപ്പ്​ നടക്കു​േമ്പാൾ കോൺഗ്രസിലെ വിമത എം.എൽ.എമാർ സർക്കാറിനെ പിന്തുണച്ചില്ലെങ്കിൽ വിപ്പ്​ ലംഘിച്ചതിന്​ അവർക്കെതിരെ നടപടി എടുക്കാനാകും. എന്നാൽ, വിശ്വാസവോ​ട്ടെടുപ്പിൽ പരാജയപ്പെട്ടാൽ ആദ്യം സർക്കാറിന്​ രാജിവെക്കേണ്ടി വരും. വിപ്പ്​ ലംഘിച്ചതിന്​ എം.എൽ.എമാർക്കെതിരെയുള്ള നടപടി അതിന്​ ശേഷമാണ്​ ഉണ്ടാകുക. വിമത എം.എൽ.എമാരെ വോ​െട്ടടുപ്പിന്​ മുന്നെ അയോഗ്യരാക്കിയാൽ കേവല ഭൂരിപക്ഷ സംഖ്യ താഴുകയും സർക്കാറിന്​ അനായാസം മറികടക്കാനുമാകും. അതുകൊണ്ട്​ തന്നെ വിമതരെ അയോഗ്യരാക്കാനുള്ള നീക്കത്തിനാണ്​ ഗെഹ്​ലോട്ട്​ മുൻഗണന കൊടുക്കുന്നത്​. നിയമസഭാ സമ്മേളനം വരെ എം.എൽ.എമാരെ ഹോട്ടലുകളിൽ പാർപ്പിച്ച്​ നിലവിലുള്ള പിന്തുണയിൽ ചോർച്ചയില്ലെന്ന്​ ഉറപ്പാക്കുകയാണ്​ ഇരു പക്ഷവും. 

ആഗസ്​റ്റ്​ 14 നകം കൂടുതൽ എം.എൽ.എമാരെ തങ്ങളുടെ ക്യാമ്പിലെത്തിക്കാൻ ബി.ജെ.പിയുടെ പിന്തുണയോടെ സചിൻ പുറ​െത്തടുക്കുന്ന വിദ്യകൾക്കും അതിനെ പ്രതിരോധിക്കാൻ ഗെഹ്​ലോട്ടും ​േകാൺഗ്രസും  നടത്തുന്ന നീക്കങ്ങൾക്കുമാണ്​ അടുത്ത രണ്ടാഴ്​ച രാജസ്​ഥാൻ സാക്ഷിയാകുക. 

Show Full Article
TAGS:Sachin Pilot rajasthan 
Next Story