രാജസ്​ഥാനിലും കാർഷിക വായ്​പ എഴുതിത്തള്ളി

ജയ്​പൂർ: രാജ്​സഥാനിലും കാർഷിക വായ്​പ എഴുതിത്തള്ളി കോൺഗ്രസ്​ സർക്കാർ. രണ്ടുലക്ഷം രൂപ വരെയുള്ള വായ്​പയാണ്​ എ ഴുതിത്തള്ളിയത്​. ഇതുവഴി 18, 000​ കോടിയു​െട അധിക ചെലവാണ്​ സർക്കാറിനുണ്ടാവുക.

ലോൺ എഴുതിത്തള്ളിയ സംഭവം രാഹുൽ ഗ ാന്ധിയാണ്​ ട്വിറ്ററിലൂടെ അറിയിച്ചത്​. ‘അത്​ ചെയ്​തു. രാജസ്​ഥാൻ, മധ്യപ്രദേശ്​, ഛത്തിസ്​ഗഡ്​ എന്നിവിടങ്ങളിൽ കാർഷിക ലോൺ എഴുതിത്തള്ളി. പത്തു ദിവസമാണ്​ ഞങ്ങൾ ആവശ്യപ്പെട്ടത്​. എന്നാൽ രണ്ടു ദിവസം കൊണ്ട്​ പൂർത്തിയാക്കി’ - എന്നായിരുന്നു രാഹുലി​​​െൻറ ട്വീറ്റ്​.

കോൺഗ്രസി​​​െൻറ പ്രകടനപത്രികയിലെ പ്രധാനവാഗ്​ദാനമായിരുന്നു വായ്​പ എഴുതിത്തള്ളൽ. ഹിന്ദിഹൃദയ ഭൂമിയിൽ ബി.ജെ.പിയെ തറപറ്റിക്കാൻ കോ​ൺഗ്രസിനെ സഹായിച്ചതും ഇൗ വാഗ്​ദാനമായിരുന്നു.

മധ്യപ്രദേശിലും ഛത്തിസ്​ഗഡിലും മുഖ്യമന്ത്രിമാരായ കമൽ നാഥും ഭൂപേഷ്​ ബാ​േഘലും സത്യപ്രതിജ്​ഞ ചെയ്​ത്​ അധികാരമേറ്റ്​ മണിക്കൂറുകൾക്കുള്ളിൽ തന്നെ വായ്​പ എഴുതിത്തള്ളിയ ഉത്തരവിൽ ഒപ്പുവെച്ചിരുന്നു.

രാജ്​സഥാനിൽ വായ്​പ എഴുതിത്തള്ളാൻ അശോക്​ ഗെഹ്​ലോട്ട്​ സർക്കാർ പത്തു ദിവസത്തെ സാവകാശം തേടിയിരുന്നു. എന്നാൽ രണ്ടു ദിവസം കൊണ്ട്​ തന്നെ വാഗ്​ദാനം നടപ്പിലാക്കാൻ സർക്കാറിന്​ സാധിച്ചു.