പാകിസ്താൻ വിജയം ആഘോഷിച്ച സ്കൂൾ ടീച്ചറെ അറസ്റ്റ് ചെയ്തു

ജയ്പുര്‍: ഇക്കഴിഞ്ഞ ഞായറാഴ്ച ട്വന്റി 20 ലോകകപ്പില്‍ ഇന്ത്യയ്‌ക്കെതിരായ പാകിസ്താന്‍ ക്രിക്കറ്റ് ടീമിന്റെ വിജയം ആഘോഷിച്ച അധ്യാപികയെ പൊലീസ് അറസ്റ്റ് ചെയ്ത് വിട്ടയച്ചു. രാജസ്ഥാനിലെ ഉദയ്പുരിലെ നീര്‍ജ മോദി സ്‌കൂളിലെ അധ്യാപിക നഫീസ അട്ടാരിയെ വ ിജയം ആഘോഷിച്ചതിന്‍റെ പേരിൽ നേരത്തേ സ്‌കൂള്‍ മാനേജ്‌മെന്‍റ് പിരിച്ചുവിട്ടിരുന്നു.

'ഞങ്ങൾ ജയിച്ചു' എന്ന അടിക്കുറിപ്പോടെ പാകിസ്​താനി താരങ്ങളുടെ ചിത്രം അവർ വാട്​സ്​ആപ്പ്​ സ്റ്റാറ്റസാക്കിയിരുന്നു. അധ്യാപികയു​ടെ വാട്​സ്​ആപ്പ്​ സ്​റ്റാറ്റസ്​ സോഷ്യൽ മീഡിയയിൽ വ്യാപകമായി പ്രചരിച്ചതോടെ ജോലിയിൽ നിന്ന്​ പിരിച്ചുവിടുകയായിരുന്നു.

അധ്യാപികയെ പിരിച്ചുവിടണമെന്ന് ആവശ്യപ്പെട്ട എ.ബി.വി.പി പ്രവർത്തകർ സ്കൂളിന് മുന്നിൽ പ്രതിഷേധസമരം നടത്തിയിരുന്നു.

ഞായറാഴ്ച ദുബൈയിൽ നടന്ന മത്സരത്തിൽ 10 വിക്കറ്റിനാണ്​ പാകിസ്​താൻ ഇന്ത്യയെ തോൽപിച്ചത്​. ഇന്ത്യ ഉയർത്തിയ 152 റൺസ്​ വിജയലക്ഷ്യം 13 പന്തുകൾ ശേഷിക്കേ വിക്കറ്റ്​ നഷ്​ടപ്പെടുത്താതെ പാക്​ ഓപണർമാർ അടിച്ചെടുക്കുകയായിരുന്നു. ഓപണർമാരായ മുഹമ്മദ്​ റിസ്​വാനും (79 നോട്ടൗട്ട്​) ബാബർ അസമും (68 നോട്ടൗട്ട്​) ഇന്ത്യൻ ബൗളർമാരെ നിലംതൊടാതെ പറത്തി. ലോകകപ്പിൽ ഇതാദ്യമായാണ്​ പാകിസ്​താൻ ഇന്ത്യയെ തോൽപിച്ചത്​.