നാല് വയസുകാരി​യെ ബലാത്സംഗം ചെയ്ത എസ്.ഐയെ സർവീസിൽ നിന്നും പുറത്താക്കി

ജയ്പൂർ: രാജസ്ഥാനിൽ നാല് വയസുകാരിയെ ബലാത്സംഗത്തിനിരയാക്കിയ എസ്.ഐയെ സർവീസിൽ നിന്നും പുറത്താക്കി. ഭൂപേന്ദർ സിങ്ങിനെയാണ് സർവീസിൽ നിന്നും പുറത്താക്കിയത്. രാജസ്ഥാൻ ഡി.ജി.പി ഉമേഷ് മിശ്രയുടെ നിർദേശപ്രകാരം ഐ.ജിയാണ് ഇയാളെ സർവീസിൽ നിന്നും പുറത്താക്കിയത്. സംഭവത്തിന് പിന്നാലെ ഇയാളെ സർവീസിൽ നിന്നും സസ്​പെൻഡ് ചെയ്തിരുന്നു.

ര​ഹു​വാ​സ്​ പൊ​ലീ​സ്​ സ്​​റ്റേ​ഷ​നി​ലെ സ​ബ്​ ഇ​ൻ​സ്​​പെ​ക്ട​ർ ഭൂ​പേ​ന്ദ്ര സി​ങ്​ ഒ​രു മു​റി​യി​ലേ​ക്ക്​ കൂ​ട്ടി​ക്കൊ​ണ്ടു​പോ​യി പെ​ൺ​കു​ട്ടി​യെ ബ​ലാ​ത്സം​ഗം ചെ​യ്ത സം​ഭ​വം വെ​ള്ളി​യാ​ഴ്ച ഉ​ച്ച​തി​രി​ഞ്ഞാ​ണ്​ ന​ട​ന്ന​ത്. കോ​പാ​കു​ല​രാ​യ നാ​ട്ടു​കാ​ർ പൊ​ലീ​സ്​ സ്​​റ്റേ​ഷ​ൻ വ​ള​ഞ്ഞു. എ​സ്.​ഐ​യെ പി​ടി​കൂ​ടി വ​സ്ത്ര​ങ്ങ​ൾ വ​ലി​ച്ചു​കീ​റി റോ​ഡി​ലൂ​ടെ വ​ലി​ച്ചി​ഴ​ക്കു​ന്ന​തി​ന്‍റെ​യും ചെ​രു​പ്പും കു​റു​വ​ടി​യും കൊ​ണ്ട്​ അ​ടി​ക്കു​ന്ന​തി​ന്‍റെ​യും വി​ഡി​യോ പു​റ​ത്തു​വ​ന്നി​ട്ടു​ണ്ട്. കു​ട്ടി​യെ മെ​ഡി​ക്ക​ൽ പ​രി​ശോ​ധ​ന​ക്ക്​ വി​ധേ​യ​മാ​ക്കി.

മാ​താ​പി​താ​ക്ക​ളു​ടെ പ​രാ​തി മു​ൻ​നി​ർ​ത്തി പ​ട്ടി​ക വി​ഭാ​ഗ സം​ര​ക്ഷ​ണ നി​യ​മം, പ്രാ​യ​പൂ​ർ​ത്തി​യാ​കാ​ത്ത കു​ട്ടി​ക​ൾ​ക്കു​നേ​രെ​യു​ള്ള അ​തി​ക്ര​മ​ത്തി​ന് പോ​സ്​​കോ നി​യ​മം എ​ന്നി​വ​പ്ര​കാ​രം കേ​സെ​ടു​ത്തു. പി​ന്നാ​ലെ അ​റ​സ്റ്റ് രേ​ഖ​പ്പെ​ടു​ത്തി. ഗെ​ഹ്​​ലോ​ട്ട്​ സ​ർ​ക്കാ​ർ ഭ​രി​ക്കു​ന്ന രാ​ജ​സ്ഥാ​നി​ലെ ക്ര​മ​സ​മാ​ധാ​ന നി​ല​യു​ടെ ഉ​ദാ​ഹ​ര​ണ​മാ​ണ്​ സം​ഭ​വ​മെ​ന്ന്​ ബി.​ജെ.​പി കു​റ്റ​പ്പെ​ടു​ത്തി. പ്ര​തി​യെ സം​ര​ക്ഷി​ക്കാ​നാ​ണ്​ സ​ർ​ക്കാ​ർ ശ്ര​മി​ച്ച​തെ​ന്നും ബി.​ജെ.​പി നേ​താ​ക്ക​ൾ ആ​രോ​പി​ച്ചു. ബി.​ജെ.​പി മു​ൻ നേ​താ​വാ​യ രാ​ജ​സ്ഥാ​ൻ ഗ​വ​ർ​ണ​ർ ക​ൽ​രാ​ജ്​ മി​ശ്ര നേ​രി​ട്ട്​ ഇ​ട​പെ​ടു​ക​യും ക​ർ​ക്ക​ശ ന​ട​പ​ടി​യെ​ടു​ക്കാ​ൻ ഡി.​ജി.​പി​യോ​ട്​ നി​ർ​ദേ​ശി​ക്കു​ക​യും ചെ​യ്തു. ബി.​ജെ.​പി എം.​പി ക​രോ​ഡി​ലാ​ൽ മീ​ണ സ്ഥ​ല​ത്തെ​ത്തി പെ​ൺ​കു​ട്ടി​ക്ക്​ നീ​തി ല​ഭ്യ​മാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ടു.