Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightവിവാഹിതയായ സ്​ത്രീ...

വിവാഹിതയായ സ്​ത്രീ മറ്റൊരാൾക്കൊപ്പം താമസിക്കുന്നത്​ നിയമവിരുദ്ധമെന്ന്​ രാജസ്​ഥാൻ ഹൈകോടതി

text_fields
bookmark_border
Live-in relationship
cancel

ജയ്​പൂർ: വിവാഹിതയായ സ്​ത്രീ മറ്റൊരാൾക്കൊപ്പം ഒരുമിച്ച്​ താമസിക്കുന്നത്​ നിയമ വിരുദ്ധമാണെന്ന്​ രാജസ്​ഥാൻ ഹൈക്കോടതി. ആഗസ്റ്റ്​ 12ന്​ ജസ്റ്റിസ്​ സതീഷ്​ കു​മാർ പുറപ്പെടുവിച്ച ഉത്തരവിൽ ഹരജിക്കാരിക്ക്​​ ഭർത്താവിൽ നിന്ന്​ പൊലീസ്​ സംരക്ഷണം നൽകാനാവി​െല്ലന്നും വ്യക്തമാക്കി.

ഭർത്താവിന്‍റെ ഗാർഹിക പീഡനത്തെ തുടർന്നാണ്​ താൻ വീട്​ വിട്ടതെന്നും പൊലീസ്​ സംരക്ഷണം വേ​ണമെന്നും ആവശ്യ​പ്പെട്ടായിരുന്നു ജുൻജുനു ജില്ലയിൽ നിന്നുള്ള 30കാരി ഹരജി നൽകിയത്​. ഒരുമിച്ച്​​ താമസിക്കുന്ന 30കാരിയും 27കാരനായ പങ്കാളിയും പ്രായപൂർത്തിയായവരാണെന്നും അതിന്​ അനുവാദം നൽകണമെന്നും​ അഭിഭാഷകൻ കോടതിയെ ബോധിപ്പിച്ചു. സ്​ത്രീ വിവാഹിതയാണെങ്കിലും ഭർത്താവിന്‍റെ പീഡനം മൂലം പിരിഞ്ഞ്​ താമസിക്കുകയാണെന്നും ഹരജിയിൽ പറഞ്ഞിരുന്നു.

'രേഖകൾ പരിശോധിക്കു​​േമ്പാൾ ഹരജിക്കാരി വിവാഹിതയാണെന്ന്​ വ്യക്തമാണ്​. വിവാഹമോചനം നേടിയിട്ടില്ലാത്ത പരാതിക്കാരി 27കാരന്‍റെ കൂടെ ഒരുമിച്ച്​ താമസിക്കുകയാണ്​. ഇത്തരമൊരു സാഹചര്യത്തിൽ ഇരുവരും തമ്മിലുള്ള ബന്ധം നിയമവിരുദ്ധമാണ്' -കോടതി നിരീക്ഷിച്ചു.

വിധി പ്രസ്​താവിക്കവെ സമാനമായ ​കേസിൽ അലഹബാദ്​ ഹൈകോടതി പൊലീസ്​ സംരക്ഷണം നിഷേധിച്ച സംഭവം കോടതി ചൂണ്ടിക്കാട്ടി. ​നേരത്തെ ജൂണിലും രാജസ്​ഥാൻ ഹൈകോടതി ഇത്തരം ഒരു കേസിൽ കമിതാക്കൾക്ക്​ സംരക്ഷണം നിഷേധിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:rajasthan high courtIllicit relationlive in relationship
News Summary - Rajasthan HC says Live-in relationship between man, married woman 'illicit'
Next Story