Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഎല്ലാ നഗരങ്ങളിലും 12...

എല്ലാ നഗരങ്ങളിലും 12 മണിക്കൂർ കർഫ്യു, കടകൾ വൈകീട്ട്​ അഞ്ചുവരെ മാത്രം; രാജസ്ഥാനിൽ കോവിഡ്​ നിയന്ത്രണം കടുപ്പിച്ചു

text_fields
bookmark_border
എല്ലാ നഗരങ്ങളിലും 12 മണിക്കൂർ കർഫ്യു, കടകൾ വൈകീട്ട്​ അഞ്ചുവരെ മാത്രം; രാജസ്ഥാനിൽ കോവിഡ്​ നിയന്ത്രണം കടുപ്പിച്ചു
cancel

ജയ്​പുർ: കോവിഡ് കേസുകൾ കുതിച്ചുയരുന്ന സാഹചര്യത്തിൽ സംസ്ഥാനത്തെ എല്ലാ നഗരങ്ങളിലും 12 മണിക്കൂർ കർഫ്യു പ്രഖ്യാപിച്ച് രാജസ്ഥാൻ സർക്കാർ. വൈകീട്ട് ആറു മുതൽ രാവിലെ ആറു വരെയാണ് കർഫ്യു. വെള്ളിയാഴ്ച ആരംഭിക്കുന്ന കർഫ്യൂ ഈ മാസം അവസാനം വരെ നീണ്ടുനിൽക്കും.

കച്ചവട കേന്ദ്രങ്ങൾ വൈകീട്ട് അഞ്ചു മണിക്ക് അടക്കണമെന്നും സർക്കാർ ഉത്തരവിട്ടിട്ടുണ്ട്​. എല്ലാവിധ വിദ്യാഭ്യാസ സ്ഥാപനങ്ങളും അടഞ്ഞു കിടക്കും. അതേസമയം, ഫാക്ടറികളെയും ബസ് സ്റ്റാൻഡുകളെയും ഉത്തരവിൽ നിന്നും ഒഴിവാക്കി. പൊതു ചടങ്ങുകളോ കായിക മത്സരങ്ങളോ അനുവദിക്കുകയില്ല. വിവാഹ ചടങ്ങുകളിൽ പരമാവധി 50 പേരെ വരെ പങ്കെടുപ്പിക്കാം. സംസ്ഥാന വിദ്യാഭ്യാസ മന്ത്രി ഗോവിന്ദ് സിങ്​ ധോതശ്രയാണ് ഇക്കാര്യം അറിയിച്ചത്.

6,200 പുതിയ കോവിഡ് കേസുകളാണ് രാജസ്ഥാനിൽ ഇന്ന് റിപ്പോർട്ട് ചെയ്തത്. തലസ്ഥാന നഗരമായ ജയ്‌പൂരിൽ മാത്രം 1,325 കേസുകളാണ് റിപ്പോർട്ട്​ ചെയ്​തത്​. ടെസ്റ്റ് പോസിറ്റിവിറ്റി നിരക്ക് കഴിഞ്ഞ മാസത്തെ രണ്ട് ശതമാനത്തിൽ നിന്ന് എട്ട് ശതമാനത്തിലേക്ക് കുതിച്ചുയർന്നു. കോവിഡ് കേസുകൾ കുതിച്ചുയരുന്ന സാഹചര്യത്തിൽ സംസ്ഥാനത്തെ പത്ത്, പന്ത്രണ്ട് ക്ലാസ്സുകളിലെ പരീക്ഷകളും റദ്ദാക്കിയിട്ടുണ്ട്​.

Show Full Article
TAGS:Rajasthan covid 19 covid surge night curfew 
News Summary - Rajasthan govt to impose 12-hr night curfew in all cities
Next Story