ഗെ​ഹ്​​ലോ​ട്ട്​-​സ​ചി​ൻ പോ​രി​ൽ കു​രു​ങ്ങി രാ​ജ​സ്ഥാ​ൻ കോ​ൺ​ഗ്ര​സ്​

ന്യൂ​ഡ​ൽ​ഹി: രാ​ജ​സ്ഥാ​നി​ൽ കോ​ൺ​ഗ്ര​സ് വീ​ണ്ടും അ​ധി​കാ​ര​ത്തി​ലെ​ത്തി​യാ​ൽ മു​ഖ്യ​മ​ന്ത്രി​പ​ദ​ത്തി​ൽ തു​ട​രു​മെ​ന്ന് വ്യ​ക്ത​മാ​ക്കി അ​ശോ​ക് ഗെ​ഹ്​​ലോ​ട്ട്. പ​ദ​വി ഒ​ഴി​യ​ണ​മെ​ന്നാ​ണ് ത​ന്റെ ആ​​ഗ്ര​ഹം. പ​ക്ഷേ, എ​ന്നെ വി​ട്ടു​പോ​കു​ന്നേ​യി​ല്ല. ഭാ​വി​യി​ലും വി​ട്ടു​പോ​കു​മെ​ന്ന് തോ​ന്നു​ന്നി​ല്ലെ​ന്നും ഗെ​ഹ്​​ലോ​ട്ട്​ പ​റ​ഞ്ഞു.

സ്ഥാ​നാ​ർ​ഥി​നി​ർ​ണ​യ​വു​മാ​യി ബ​ന്ധ​പ്പെ​ട്ട് ഡ​ൽ​ഹി​യി​ൽ ഹൈ​ക​മാ​ൻ​ഡു​മാ​യി ന​ട​ത്തി​യ ച​ർ​ച്ച​ക്കു​ശേ​ഷം എ.​ഐ.​സി.​സി ആ​സ്ഥാ​ന​ത്ത് ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ലാ​യി​രു​ന്നു മു​ഖ്യ​മ​ന്ത്രി താ​ൻ ത​ന്നെ​യാ​യി​രി​ക്കു​മെ​ന്ന് ഗെ​ഹ്​​ലോ​ട്ട്​ പ​രോ​ക്ഷ​മാ​യി പ്ര​ഖ്യാ​പി​ച്ച​ത്.

ഹൈ​ക​മാ​ൻ​ഡ് മൂ​ന്നു ത​വ​ണ സം​സ്ഥാ​ന​ത്തെ ന​യി​ക്കാ​ൻ ത​ന്നെ തെ​ര​ഞ്ഞെ​ടു​ത്ത​ത് ത​ന്നി​ൽ എ​ന്തെ​ങ്കി​ലും ക​ണ്ടി​ട്ടാ​യി​രി​ക്കു​മ​ല്ലോ എ​ന്നും ഇ​തു​സം​ബ​ന്ധി​ച്ച ചോ​ദ്യ​ങ്ങ​ൾ​ക്ക് ഗെ​ഹ്​​ലോ​ട്ട്​ മ​റു​പ​ടി ന​ൽ​കി. സം​സ്ഥാ​ന​ത്ത് ഭ​ര​ണ​വി​രു​ദ്ധ വി​കാ​ര​മി​ല്ല. കോ​ണ്‍ഗ്ര​സ് തീ​ര്‍ച്ച​യാ​യും അ​ധി​കാ​ര​ത്തി​ലെ​ത്തും. സ​ര്‍ക്കാ​ര്‍ ന​ട​ത്തി​യ സാ​മൂ​ഹി​ക​സു​ര​ക്ഷാ പ​ദ്ധ​തി​യി​ല്‍ ജ​ന​ങ്ങ​ള്‍ക്കു വി​ശ്വാ​സ​മു​ണ്ടെ​ന്നും അ​ദ്ദേ​ഹം വ്യ​ക്ത​മാ​ക്കി.

പാ​ർ​ട്ടി​ക്ക​ക​ത്ത് പ്ര​ശ്ന​ങ്ങ​ളൊ​ന്നു​മി​ല്ല. ക്ഷ​മി​ക്കു​ക, മ​റ​ക്കു​ക എ​ന്ന ന​യ​മാ​ണ് താ​ൻ സ്വീ​ക​രി​ച്ചി​രി​ക്കു​ന്ന​ത്. സ​ചി​ൻ ​പൈ​ല​റ്റ് പ​ക്ഷ​ക്കാ​ർ​ക്ക് സീ​റ്റ് ന​ൽ​കു​ന്ന​തി​നെ താ​ൻ എ​തി​ർ​ത്തി​ട്ടി​ല്ല. ​അ​വ​ർ ചോ​ദി​ക്കു​ന്ന​ത് ഞാ​ൻ ന​ൽ​കു​ന്ന​തി​നാ​ൽ അ​വ​ർ ഇ​പ്പോ​ൾ ന​ല്ല ബ​ന്ധ​ത്തി​ലാ​ണ്. അ​തു​കൊ​ണ്ടാ​ണ് സം​സ്ഥാ​ന​ത്ത് ഭ​ര​ണം ന​ഷ്ട​മാ​കാ​തി​രു​ന്ന​ത്.

കോ​ണ്‍ഗ്ര​സ് സ്ഥാ​നാ​ര്‍ഥി​പ്പ​ട്ടി​ക വൈ​കു​ന്ന​തി​ല്‍ ബി.​ജെ.​പി​ക്കാ​ണ് അ​സ്വ​സ്ഥ​ത. എ​ല്ലാ​വ​രു​ടെ​യും അ​ഭി​പ്രാ​യ​ങ്ങ​ള്‍ പ​രി​ഗ​ണി​ച്ചാ​ണ് സ്ഥാ​നാ​ര്‍ഥി​ക​ളെ നി​ര്‍ണ​യി​ക്കു​ന്ന​ത്. സ​ചി​ന്‍ ക്യാ​മ്പു​മാ​യി കൂ​ടി​യാ​ലോ​ച​ന ന​ട​ത്തി​യ​ശേ​ഷ​മാ​ണ് സ്ഥാ​നാ​ര്‍ഥി​ക​ളെ തീ​രു​മാ​നി​ച്ച​ത്. പ്ര​ക​ട​നം അ​നു​സ​രി​ച്ചാ​ണ് സ്ഥാ​നാ​ര്‍ഥി​ക​ള്‍ക്ക് സീ​റ്റ് ന​ല്‍കു​ന്ന​തെ​ന്നും പ​ട്ടി​ക വൈ​കു​ന്ന​ത് സം​ബ​ന്ധി​ച്ച ചോ​ദ്യ​ത്തി​ന് അ​ദ്ദേ​ഹം പ്ര​തി​ക​രി​ച്ചു.

അ​തേ​സ​മ​യം, തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച് ദി​വ​സ​ങ്ങ​ൾ ക​ഴി​ഞ്ഞി​ട്ടും സ്ഥാ​നാ​ർ​ഥി​പ്പ​ട്ടി​ക വൈ​കു​ന്ന​ത് ഗെ​ഹ്​​ലോ​ട്ട്​-​സ​ചി​ൻ ഭി​ന്ന​ത രൂ​ക്ഷ​മാ​യ​ത് മൂ​ല​മാ​ണെ​ന്നാ​ണ് സൂ​ച​ന. ബു​ധ​നാ​ഴ്ച പാ​ര്‍ട്ടി​യു​ടെ കേ​ന്ദ്ര തെ​ര​ഞ്ഞെ​ടു​പ്പ് ക​മ്മി​റ്റി കൂ​ടി​യെ​ങ്കി​ലും 200 സീ​റ്റി​ലെ 106 സ്ഥാ​നാ​ര്‍ഥി​ക​ളു​ടെ കാ​ര്യ​ത്തി​ല്‍ അ​ന്തി​മ​തീ​രു​മാ​ന​മാ​യി​ട്ടി​ല്ല. ന​വം​ബ​ർ 25നാ​ണ് സം​സ്ഥാ​ന​ത്ത് തെ​ര​ഞ്ഞെ​ടു​പ്പ്.

സീറ്റിനുള്ള തമ്മിലടിയിൽ 40 കോടിയുടെ ഇടപാട് ആരോപണവും

ജ​യ്പു​ർ: രാ​ജ​സ്ഥാ​നി​ൽ നി​യ​മ​സ​ഭ തെ​ര​ഞ്ഞെ​ടു​പ്പി​ൽ സീ​റ്റ് കി​ട്ടാ​ൻ കോ​ൺ​​ഗ്ര​സി​ൽ ത​മ്മി​ല​ടി രൂ​ക്ഷ​മാ​കു​ന്നു. ടി​ക്ക​റ്റി​ന് ശ്ര​മി​ക്കു​ന്ന പാ​ർ​ട്ടി​യി​ലെ എ​തി​രാ​ളി 40 കോ​ടി രൂ​പ​യു​ടെ ഇ​ട​പാ​ട് ന​ട​ത്തു​ന്ന​തി​നെ​ക്കു​റി​ച്ച് സം​സാ​രി​ക്കു​ന്ന അ​ർ​ച്ച​ന ശ​ർ​മ​യു​ടെ വി​ഡി​യോ വി​വാ​ദ​മാ​യി. മാ​ള​വ്യ​ന​ഗ​ർ മ​ണ്ഡ​ല​ത്തി​ൽ മ​ത്സ​രി​ക്കാ​നു​ള്ള ശ്ര​മ​ത്തി​ലാ​ണ് സാ​മൂ​ഹി​ക​ക്ഷേ​മ ബോ​ർ​ഡ് ചെ​യ​ർ​പേ​ഴ്സ​ൻ​കൂ​ടി​യാ​യ അ​ർ​ച്ച​ന.

രാ​ജ​സ്ഥാ​ൻ ചെ​റു​കി​ട വ്യ​വ​സാ​യ കോ​ർ​പ​റേ​ഷ​ന്റെ​യും ക​യ​റ്റു​മ​തി പ്രോ​ത്സാ​ഹ​ന കൗ​ൺ​സി​ലി​ന്റെ​യും ചെ​യ​ർ​മാ​നാ​യ കോ​ൺ​ഗ്ര​സ് നേ​താ​വ് രാ​ജീ​വ് അ​റോ​റ​ക്കും ഈ ​മ​ണ്ഡ​ല​ത്തി​ൽ ക​ണ്ണു​ണ്ട്. അ​റോ​റ​യെ​യാ​ണ് അ​ർ​ച്ച​ന ല​ക്ഷ്യ​മി​ട്ട​തെ​ന്നാ​ണ് സൂ​ച​ന. വൃ​ത്തി​കെ​ട്ട ക​ളി​യി​ലൂ​ടെ ജ​യി​ക്കാ​നാ​വി​ല്ലെ​ന്ന് രാ​ജീ​വ് അ​റോ​റ പ്ര​തി​ക​രി​ച്ചു.

2008 മു​ത​ൽ ബി.​ജെ.​പി​യു​ടെ കാ​ളീ​ച​ര​ൺ സ​റ​ഫാ​ണ് മാ​ള​വ്യ​ന​ഗ​റി​ലെ എം.​എ​ൽ.​എ. ഇ​ദ്ദേ​ഹ​വു​മാ​യി രാ​ജീ​വ് അ​റോ​റ ഗൂ​ഢാ​ലോ​ച​ന ന​ട​ത്തി​യെ​ന്നാ​ണ് അ​ർ​ച്ച​ന സൂ​ചി​പ്പി​ക്കു​ന്ന​ത്. ത​ന്റെ എ​തി​രാ​ളി തോ​ൽ​ക്കു​ന്നു​വെ​ന്ന് തോ​ന്നി​യ​പ്പോ​ൾ, പാ​ർ​ട്ടി​ക്കു​ള്ളി​ലെ എ​തി​രാ​ളി​യു​മാ​യി സ​ഖ്യ​മു​ണ്ടാ​ക്കാ​ൻ ആ​ലോ​ചി​ച്ചു​​വെ​ന്നും ഹോ​ട്ട​ലി​ൽ കൂ​ടി​ക്കാ​ഴ്ച ന​ട​ത്തി​യെ​ന്നും അ​നു​യാ​യി​ക​​ളോ​ട് അ​ർ​ച്ച​ന ശ​ർ​മ പ​റ​യു​ന്ന​താ​ണ് വി​ഡി​യോ​യി​ലു​ള്ള​ത്.

ചു​വ​രു​ക​ൾ​ക്ക് ചെ​വി​യു​ണ്ടെ​ന്നും 40 കോ​ടി​യു​ടെ ഇ​ട​പാ​ടാ​ണ് ന​ട​ന്ന​തെ​ന്നും ത​ന്നെ ത​ട​യാ​നാ​ണ് ഈ ​വ​ലി​യ ഇ​ട​പാ​ടെ​ന്നും അ​ർ​ച്ച​ന പ​റ​യു​ന്നു. സ്ഥാ​നാ​ർ​ഥി​പ്പ​ട്ടി​ക പ്ര​ഖ്യാ​പി​ക്കു​ന്ന​തി​നു മു​മ്പ് രാ​ജീ​വ് അ​റോ​റ ഡ​ൽ​ഹി​യി​ൽ സ​മ്മ​ർ​ദം ചെ​ലു​ത്തി​യ​താ​യി പ​റ​യ​പ്പെ​ടു​ന്നു. എ​ന്നാ​ൽ, രാ​ജീ​വ് അ​റോ​റ ജ്യേ​ഷ്ഠ​നെ​പ്പോ​ലെ​യാ​ണെ​ന്നും വി​ഡി​യോ​യി​ൽ ആ​രു​ടെ​യും പേ​ര് പ​റ​ഞ്ഞി​ല്ലെ​ന്നും അ​ർ​ച്ച​ന വ്യ​ക്ത​മാ​ക്കി.