രാജസ്ഥാനിലും വാഗ്ദാനം നടപ്പാക്കി കോൺഗ്രസ്; രണ്ടുലക്ഷം വരെയുള്ള കാർഷിക കടങ്ങൾ എഴുതിത്തള്ളി

ജയ്പൂർ: മധ്യപ്രദേശിനും ഛത്തീസ്ഗഢിനും പിന്നാലെ രാജസ്ഥാനിലും കാർഷിക വായ്പകൾ എഴുതിത്തള്ളി കോൺഗ്രസ് സർക്കാർ. ഇ തിനുവേണ്ട 8,000 കോടിയുടെ സാമ്പത്തിക ബാധ്യത സർക്കാർ വഹിക്കും. അശോക് ഗെഹ്​ലോട്ട് മുഖ്യമന്ത്രിയായതി​​​​െൻറ രണ്ടാംനാളിലാണ്​ തീരുമാനം.

രണ്ടുലക്ഷം രൂപ വരെയുള്ള വായ്പകളാണ് എഴുതിത്തള്ളിയത്​. ഛത്തിസ്ഗഢിലും മധ്യപ്രദേശിലും കാർഷിക വായ്പകൾ എഴുതിത്തള്ളിയതായി അതത് സർ‌ക്കാറുകൾ പ്രഖ്യാപിച്ചിരുന്നു. ഇരു സംസ്ഥാനങ്ങളിലും മുഖ്യമന്ത്രിമാർ സത്യപ്രതിജ്ഞ ചെയ്തതിനു തൊട്ടുപിന്നാലെയായിരുന്നു തീരുമാനം. രാജസ്ഥാനിലും കർഷകർക്ക് അനുകൂലമായ തീരുമാനമുണ്ടാകുമെന്ന് നേതൃത്വം നേരത്തേ വ്യക്​തമാക്കിയിരുന്നു.