സി.പി.എമ്മിന് പ്രത്യാശ; ‘‘ലാൽ ലാൽ ലഹർ ആയേഗാ...’’

ദാ​ത്താ​റാം​ഗ​ഡി​ലെ ബാ​യ് മാ​ർ​ക്ക​റ്റി​ൽ വൈ​കീ​ട്ട് നാ​ലു​മ​ണി ക​ഴി​ഞ്ഞ നേ​രം. ട്രോ​ളി ഘ​ടി​പ്പി​ച്ച ട്രാ​ക്ട​ർ ഇ​ടു​ങ്ങി​യ വ​ഴി​ക​ളി​ലൂ​ടെ ക​ട​ന്നു​വ​ന്ന് വി​സ്താ​രം കൂ​ടി​യ ഭാ​ഗ​ത്ത് നി​ർ​ത്തി. പി​ന്നെ, ട്രോ​ളി ഒ​രു​വ​ശ​ത്തേ​ക്ക് ത​ള്ളി വേ​ർ​പെ​ടു​ത്തി ട്രാ​ക്ട​ർ ഓ​ടി​ച്ചു പോ​യി. അ​പ്പോ​ഴേ​ക്കും ട്രോ​ളി​ക്കു മു​ക​ളി​ൽ വ​ലി​യ തു​ണി വി​രി​ക്കു​ക​യാ​ണ് കു​റെ​പ്പേ​ർ. സ്റ്റേ​ജ് ത​യാ​ർ. അ​തി​നു മു​ന്നി​ലെ റോ​ഡി​ൽ നീ​ള​ത്തി​ൽ ടാ​ർ​പാ​യ കൂ​ടി വി​രി​ച്ച​പ്പോ​ൾ അ​ക​ലെ മാ​റി​നി​ന്ന​വ​ർ ഓ​രോ​രു​ത്ത​രാ​യി വ​ന്ന് ഇ​രു​ന്നു​തു​ട​ങ്ങി.

ചെ​റു​സ​ദ​സ്സും റെ​ഡി. സ്പീ​ക്ക​റി​ൽ നി​ന്ന് കാ​ത​ട​പ്പി​ക്കു​ന്ന ശ​ബ്ദം മു​ഴ​ക്കി​വ​ന്ന വാ​ഹ​നം മു​ന്നോ​ട്ടു ക​ട​ന്നു​പോ​യി. തൊ​ട്ടു​പി​ന്നാ​ലെ വ​ന്ന വാ​ഹ​ന​ത്തി​ൽ​നി​ന്ന് ക​റു​ത്തു നീ​ണ്ട അ​തി​കാ​യ​ൻ നി​റ​ക്കൂ​ട്ടു​ള്ള ത​ല​പ്പാ​വ് നേ​രെ​യാ​ക്കി ഇ​റ​ങ്ങി. എ​ല്ലാ​വ​രെ​യും നോ​ക്കി കൈ​കൂ​പ്പി അ​ദ്ദേ​ഹം സ്റ്റേ​ജി​ലേ​ക്ക് ക​യ​റു​മ്പോ​ൾ കാ​ണി​ക​ൾ കൈ​യ​ടി​ച്ചും മു​ഷ്ടി​ചു​രു​ട്ടി വാ​യു​വി​ലെ​റി​ഞ്ഞും വ​ര​വേ​റ്റു. ‘‘അം​റാ റാം ​സി​ന്ദാ​ബാ​ദ്’’.

ദ​ത്താ​റാം​ഗ​ഡി​ലെ സി.​പി.​എം സ്ഥാ​നാ​ർ​ഥി​യു​ടെ പ്ര​ചാ​ര​ണ പ​രി​പാ​ടി ഇ​ങ്ങ​നെ​യാ​ണ് മു​ന്നേ​റു​ന്ന​ത്. സി.​പി.​എ​മ്മി​ന്റെ രാ​ജ​സ്ഥാ​ൻ സം​സ്ഥാ​ന സെ​ക്ര​ട്ട​റി​ക്ക് മ​ത്സ​ര​വും സ്ഥാ​നാ​ർ​ഥി​ത്വ​വും പു​തു​മ​യ​ല്ല. കു​ടി​വെ​ള്ളം പോ​ലും റേ​ഷ​നാ​യി കി​ട്ടു​ന്ന തൊ​ണ്ട​വ​ര​ണ്ട നാ​ടാ​ണ് സീ​ക്ക​ർ.

വെ​ള്ള​ത്തി​നാ​യു​ള്ള നീ​ണ്ട സ​മ​ര​ങ്ങ​ൾ മു​ന്നി​ൽ​നി​ന്ന് ന​യി​ച്ച് ജ​ന​കീ​യ​നാ​യാ​ണ് അം​റാ റാം ​കോ​ൺ​ഗ്ര​സി​നെ​യും ബി.​ജെ.​പി​യെ​യും തോ​ൽ​പി​ച്ച് നാ​ലു​വ​ട്ടം നി​യ​മ​സ​ഭ​യി​ൽ എ​ത്തി​യ​ത്. മി​ക​ച്ച എം.​എ​ൽ.​എ എ​ന്ന ബ​ഹു​മ​തി​യും നേ​ടി. പ്ര​ധാ​ന പാ​ർ​ട്ടി​ക​ളെ അം​റാ റാം ​മൂ​ന്നു​വ​ട്ടം തോ​ൽ​പി​ച്ച​ത് സ്വ​ന്തം ഗ്രാ​മം ഉ​ൾ​പ്പെ​ടു​ന്ന ദോ​ഡി​ലാ​ണ്. അ​ത് സം​വ​ര​ണ മ​ണ്ഡ​ല​മാ​യ​പ്പോ​ഴാ​ണ് തൊ​ട്ട​ടു​ത്ത ദാ​ത്താ​റാം​ഗ​ഡി​ലേ​ക്ക് മാ​റി​യ​ത്.

ഒ​രു​ത​വ​ണ ജ​യി​ച്ചെ​ങ്കി​ലും, ജാ​തി​രാ​ഷ്ട്രീ​യം കൂ​ടി​ക്കു​ഴ​ഞ്ഞ മ​ണ്ഡ​ല​ത്തി​ൽ 2013 മു​ത​ൽ അം​റാ റാം ​എ​ന്ന ജ​ന​കീ​യ ക​ർ​ഷ​ക നേ​താ​വ് മൂ​ന്നാം സ്ഥാ​ന​ക്കാ​ര​നാ​യി തോ​റ്റു നി​ൽ​ക്കു​ക​യാ​ണ്. എ​ന്നാ​ൽ, തെ​ര​ഞ്ഞെ​ടു​പ്പു​ക​ൾ പാ​ർ​ട്ടി​യു​ടെ സ​ന്ദേ​ശം പ്ര​ച​രി​പ്പി​ക്കാ​നു​ള്ള അ​വ​സ​രം കൂ​ടി​യാ​ണ്; പി​ന്മാ​റ്റ​മി​ല്ല. ഗം​ഗാ​ന​ഗ​ർ, ബി​ക്കാ​നി​ർ ജി​ല്ല​ക​ളി​ൽ​നി​ന്നാ​യി ര​ണ്ടു​പേ​രെ നി​യ​മ​സ​ഭ​യി​ലെ​ത്തി​ച്ച പാ​ർ​ട്ടി ഇ​ത്ത​വ​ണ 17 സീ​റ്റി​ൽ മ​ത്സ​രി​ക്കു​ന്നു.

സ്നേ​ഹം പ​ങ്കു​വെ​ക്കാ​ൻ പ​ഗ്ഡി​യും (ത​ല​പ്പാ​വ്) ബ​ന്ദി​പ്പൂ മാ​ല​ക​ളു​മാ​യി സ്റ്റേ​ജി​ൽ ക​യ​റി​യ​വ​ർ​ക്കി​ട​യി​ലെ വ​യോ​ധി​ക​നെ സ്വ​ന്തം ത​ല​പ്പാ​വ് അ​ണി​യി​ച്ചാ​ണ് അം​റാ റാം ​സ്വീ​ക​രി​ച്ച​ത്. നേ​താ​വി​നെ​യും പാ​ർ​ട്ടി​യെ​യും നൂ​റു​നാ​വു​കൊ​ണ്ട് പു​ക​ഴ്ത്തു​ന്ന എ​സ്.​എ​ഫ്.​ഐ സം​സ്ഥാ​ന പ്ര​സി​ഡ​ന്റ് സു​ഭാ​ഷ് ഝാ​ക്ക​റു​ടെ കൈ​യി​ൽ​നി​ന്ന് മൈ​ക്ക് വാ​ങ്ങി​യ അം​റാ റാം ​അ​ധി​ക​മൊ​ന്നും വി​സ്ത​രി​ക്കാ​ൻ നി​ന്നി​ല്ല. മോ​ദി ന​യി​ക്കു​ന്ന കേ​ന്ദ്ര​സ​ർ​ക്കാ​ർ പെ​ട്രോ​ളി​നും ഡീ​സ​ലി​നും വി​ല കൂ​ട്ടി. വെ​ള്ള​ത്തി​നും സീ​ക്ക​റി​ൽ തീ​വി​ല​യാ​ണ്. ക​ർ​ഷ​ക​ർ വി​യ​ർ​പ്പി​ന്റെ വി​ള​വെ​ടു​ക്കു​മ്പോ​ൾ, അ​തി​നു അ​ർ​ഹ​മാ​യ വി​ല ന​ൽ​കു​ന്നി​ല്ല. ഗെ​ഹ് ലോ​ട്ട് ന​യി​ക്കു​ന്ന സം​സ്ഥാ​ന സ​ർ​ക്കാ​റി​ന്റെ ക്ര​മ​ക്കേ​ടാ​യി ചോ​ദ്യ​പേ​പ്പ​ർ ചോ​ർ​ച്ച ന​ട​ക്കു​മ്പോ​ൾ വി​ദ്യാ​സ​മ്പ​ന്ന​രാ​യ യു​വാ​ക്ക​ൾ തൊ​ഴി​ലി​ന് അ​ല​യു​ന്നു. ക​ർ​ഷ​ക​രു​ടെ​യും തൊ​ഴി​ലാ​ളി​ക​ളു​ടെ​യും ന്യാ​യ​മാ​യ ആ​വ​ശ്യ​ങ്ങ​ൾ നി​യ​മ​സ​ഭ​യി​ൽ എ​ത്തി​ക്ക​ണ​മെ​ങ്കി​ൽ അ​രി​വാ​ൾ ചു​റ്റി​ക ന​ക്ഷ​ത്ര​ത്തി​ന് വോ​ട്ടു കു​ത്ത​ണം. പ്ര​സം​ഗം ക​ഴി​ഞ്ഞു.

സ്റ്റേ​ജി​ൽ​നി​ന്ന് ഇ​റ​ങ്ങു​മ്പോ​ൾ ‘മാ​ധ്യ​മ’​ത്തി​ന്റെ ചോ​ദ്യ​ങ്ങ​ൾ​ക്ക് മ​റു​പ​ടി.

ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പ് സാ​ഹ​ച​ര്യ​ങ്ങ​ൾ എ​ങ്ങ​നെ കാ​ണു​ന്നു?

-- ക​ർ​ഷ​ക​ർ, തൊ​ഴി​ലാ​ളി​ക​ൾ, വ്യാ​പാ​രി​ക​ൾ, വി​ദ്യാ​ർ​ഥി​ക​ൾ എ​ല്ലാം പ്ര​ശ്ന​ത്തി​ലാ​ണ്. അ​വ​ർ ബി.​ജെ.​പി​ക്കും കോ​ൺ​ഗ്ര​സി​നും എ​തി​രാ​ണ്. പാ​വ​പ്പെ​ട്ട​വ​രും പ്ര​യാ​സം നേ​രി​ടു​ന്ന​വ​രും സി.​പി.​എ​മ്മി​നൊ​പ്പ​മാ​ണ്. വി​ജ​യം നൂ​റു ശ​ത​മാ​നം ഉ​റ​പ്പ്.

ഇ​ൻ​ഡ്യ മു​ന്ന​ണി​യി​ൽ പെ​ട്ട​വ​ർ രാ​ജ​സ്ഥാ​നി​ൽ ഒ​ന്നി​ച്ചു നി​ൽ​ക്കാ​ത്ത​ത് എ​ന്തു​കൊ​ണ്ടാ​ണ്?

-- ഇ​ൻ​ഡ്യ​യു​ടെ ല​ക്ഷ്യം ലോ​ക്സ​ഭ തെ​ര​ഞ്ഞെ​ടു​പ്പാ​ണ്. ബി.​ജെ.​പി​യെ യോ​ജി​ച്ച് നേ​രി​ടു​ക​യാ​ണ്. നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ പ്രാ​ദേ​ശി​ക സാ​ഹ​ച​ര്യ​ങ്ങ​ളാ​ണ് പ്ര​ധാ​നം.

സെ​മി​ഫൈ​ന​ൽ ഐ​ക്യ​ത്തി​ന്റെ ആ​ദ്യ​ത്തെ ചു​വ​ടാ​യി കാ​ണേ​ണ്ട​ത​ല്ലേ?

-- കോ​ൺ​ഗ്ര​സ് വി​ട്ടു​വീ​ഴ്ച​ക്ക് ത​യാ​റാ​യി​ല്ല. മൂ​ന്നു സീ​റ്റു​വ​രെ ന​ൽ​കാ​മെ​ന്നാ​ണ് പ​റ​ഞ്ഞ​ത്. പാ​ർ​ട്ടി​ക്ക് അ​തി​നേ​ക്കാ​ൾ ഇ​ട​വും സ്വാ​ധീ​ന​വും രാ​ജ​സ്ഥാ​നി​ൽ ഉ​ണ്ടെ​ന്ന് ഞ​ങ്ങ​ൾ ക​രു​തു​ന്നു.

ചു​റ്റും നി​ന്ന​വ​ർ കൈ​യ​ടി​ച്ചു. അ​ടു​ത്ത സ്വീ​ക​ര​ണ കേ​ന്ദ്ര​ത്തി​ലേ​ക്ക് പോ​കാ​ൻ അം​റാ റാം ​വാ​ഹ​ന​ത്തി​ലേ​ക്ക്. ചു​ക​പ്പ​ൻ ആ​വേ​ശ​ത്തി​മി​ർ​പ്പി​ൽ അം​റാ​റാം ജ​യ്പു​രി​ലെ നി​യ​മ​സ​ഭാ മ​ന്ദി​ര​ത്തി​ൽ വീ​ണ്ടു​മെ​ത്തു​മെ​ന്ന പ്ര​വ​ർ​ത്ത​ക​രു​ടെ വി​ശ്വാ​സം വീ​റു​ള്ള മു​ദ്രാ​വാ​ക്യ​മാ​യി മു​ഴ​ങ്ങി: ‘‘ലാ​ൽ ലാ​ൽ ല​ഹ​ർ ആ​യേ​ഗാ, അം​റാ ജ​യ്പു​ർ ജാ​യേ​ഗാ.’’