ചായക്കപ്പിലും ‘ചൗക്കീദാർ’; പിൻവലിച്ച് റെയിൽവേ
text_fieldsന്യൂഡൽഹി: മോദിയുടെ ചിത്രവുമായി ഇറങ്ങിയ ബോർഡിങ് പാസുകൾ പരാതിയെ തുടർന്ന് എയർ ഇന്ത്യയും ഗോ എയറും പിൻവലിച്ചതിനു പിന്നാലെ ‘മേം ഭി ചൗക്കീദാർ’ (ഞാനും കാവൽക്കാരൻ) എന്ന വാചകം അച്ചടിച്ച ചായക്കപ്പുകൾ റെയിൽവേയും പിൻവലിച്ചു. തെരഞ്ഞെടുപ്പ് പെരുമാറ്റച്ചട്ടലംഘനമാണെന്ന ആക്ഷേപത്തെ തുടർന്നാണ് കടലാസ് കപ്പ് റെയിൽവേ പിൻവലിച്ചത്.
നേരേത്ത ടിക്കറ്റിൽ മോദിയുടെ പേരുവെച്ചത് വിവാദമായതിനെ തുടർന്ന് റെയിൽവേ പിൻവലിച്ചിരുന്നു. കത്കോഡം ശതാബ്ദി ട്രെയിനിലെ യാത്രക്കാരൻ പോസ്റ്റ് ചെയ്ത ചായക്കപ്പിെൻറ ഫോട്ടോ സമൂഹമാധ്യമങ്ങളിൽ വൈറലായതോടെയാണ് നടപടി.
റെയിൽവേയുടെ സമ്മതമില്ലാതെ കരാറുകാരനാണ് ഇതിനുപിന്നിലെന്നാണ് അധികൃതരുടെ വിശദീകരണം. കരാറുകാരൻ ലക്ഷം രൂപ പിഴ അടക്കണമെന്ന് നിർദേശിച്ചിട്ടുണ്ടെന്ന് റെയിൽവേ അധികൃതർ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.