തൊഴിലാളികൾക്ക്​ ടിക്കറ്റ്​ വിൽക്കുന്നില്ല; സംസ്ഥാന സർക്കാരിൽ നിന്ന്​ ഈടാക്കുന്നത്​ ചെലവി​െൻറ 15 ശതമാനമെന്ന്​ റെയിൽവേ

ന്യൂഡൽഹി: ലോക്​ഡൗണിനെ തുടർന്ന്​ വിവിധ സംസ്ഥാനങ്ങളിൽ  കുടുങ്ങിയ കുടിയേറ്റ തൊഴിലാളികളുടെ മടക്കയാത്രക്ക്​ ചെലവ്​ ഈടാക്കുന്നതിനെതിരെ ഉയരുന്ന വിമർശനങ്ങൾക്ക്​ മറുപടിയുമായി റെയിൽ വേ. യാത്രാക്കൂലിയില്‍ 85 ശതമാനം സബ്‌സിഡി കേന്ദ്ര സര്‍ക്കാര്‍ നല്‍കുന്നുണ്ട്. ബാക്കി 15ശതമാനം മാത്രമാണ്​ സംസ്ഥാന സര്‍ക്കാറുകളിൽ നിന്ന്​ ഈടാക്കുന്നതെന്നും റെയൽ വേ അധികൃതർ അറിയിച്ചു. 

തൊഴിലാളികളെ സ്വന്തം നാട്ടിലെത്തിക്കുന്നതിനായുള്ള പ്രത്യേക ​ട്രെയിനുകൾ ​ സാമൂഹിക അകലം പാലിച്ച്​ മൂന്നിലൊന്ന്​ സീറ്റുകൾ ഒഴിച്ചിട്ടാണ്​ സർവീസ്​ നടത്തുന്നത്​. തൊഴിലാളികളെ കയറ്റാൻ അതാത്​ സ്ഥലങ്ങളിലേക്ക്​ ഒഴിഞ്ഞ ട്രെയിനുകളാണ്​ അയക്കുന്നത്​. കൂടാതെ ​െതാഴിലാളികൾക്കുള്ള ഭക്ഷണവും വെള്ളവും റെയിൽ വേ നൽകുന്നുണ്ട്​. ഒരു റെയിൽ വേ സ്​റ്റേഷനിലും ടിക്കറ്റുകള്‍ വില്‍ക്കുന്നില്ല. സംസ്ഥാന സർക്കാറുകൾ നൽകുന്ന പട്ടിക  അനുസരിച്ചാണ്​ തൊഴിലാളികളെ ട്രെയിനിൽ കയറ്റുന്നതെന്നും ​അധികൃതർ വിശദീകരിച്ചു. 

കുടിയേറ്റ തൊഴിലാളികളിൽ നിന്ന് പിരിവ് ഈടാക്കുന്നതിനെ രാഹുൽ ഗാന്ധി ഉൾപ്പെടെയുള്ളവർ രൂക്ഷമായി വിമർശിച്ചിരുന്നു. തുടർന്ന്​ കേന്ദ്രസർക്കാർ 85 ശതമാനം ചെലവ്​ വഹിക്കുന്നുണ്ടെന്നും ബാക്കി 15 ശതമാനം പണം നല്‍കാന്‍ സര്‍ക്കാരുകള്‍ക്ക് സാധിക്കുമെന്നും ബി.ജെ.പി വക്താവ് സാംബിത് പാത്ര ട്വീറ്റ് ചെയ്​തിരുന്നു. കോണ്‍ഗ്രസ് ഭരിക്കുന്ന സംസ്ഥാനങ്ങളോട് നിര്‍ദേശം പാലിക്കാന്‍ പറയണമെന്നും പത്ര ട്വീറ്റിലൂടെ രാഹുൽ ഗാന്ധിയോട്​ ആവശ്യപ്പെട്ടിരുന്നു.                                                                                                                                                                     
151 കോടി പി.എം കെയേഴ്സ് ഫണ്ടിലേക്ക് നൽകുന്ന  റെയില്‍വേ, സ്വന്തം നാട്ടിലേക്ക്​ തിരിച്ചുപോകുന്ന തൊഴിലാളികളിൽ നിന്ന്​ ​ ടിക്കറ്റ് വില ഈടാക്കുന്നുവെന്നായിരുന്നു രാഹുലി​​െൻറ ട്വീറ്റ്​.