Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅശ്ലീലമെന്ന്​:...

അശ്ലീലമെന്ന്​: ഖുശ്​​വന്ത്​ സിങ്ങിൻെറ പുസ്​തകം വിൽക്കുന്നത്​ തടഞ്ഞ്​ റെയിൽവേ ഓഫിസർ

text_fields
bookmark_border
അശ്ലീലമെന്ന്​: ഖുശ്​​വന്ത്​ സിങ്ങിൻെറ പുസ്​തകം വിൽക്കുന്നത്​ തടഞ്ഞ്​ റെയിൽവേ ഓഫിസർ
cancel

ഭോപാൽ: എഴുത്തുകാരൻ ഖുശ്​വന്ത്​ സിങ്ങിൻെറ പുസ്​തകം വിൽക്കരുതെന്ന്​ ഭോപാൽ റെയിൽവേ സ്​റ്റേഷനിലെ പുസ്​തക വിൽ പനക്കാരന്​ മുതിർന്ന റെയിൽവെ ഓഫിസറുടെ നിർദേശം. ഖുശ്​വന്ത്​ സിങ്ങിൻെറ ‘സ്ത്രീ, ലൈംഗികത, സ്​നേഹം, കാമം’ എന്ന പുസ് ​തകം വിൽക്കുന്നതിനാണ്​ വിലക്ക്​. ഇത്തരം അശ്ലീല സാഹിത്യം യുവാക്കളെ വഴിതെറ്റിക്കുമെന്ന്​ പറഞ്ഞാണ്​ റെയിൽവെ പാസഞ്ചർ സർവിസ്​ കമ്മറ്റി അധ്യക്ഷൻ രമേശ്​ ചന്ദ്ര രത്തൻ പുസ്​തകം വിൽക്കരുതെന്ന്​ നിർദേശം നൽകിയത്​.

ഗർഭ കാലത്ത്​ സ്വീകരിക്കേണ്ട മ​ുൻകരുതലുകളെ കുറിച്ച്​ പറയുന്ന പുസ്​തകം വിൽക്കുന്നതിനും വിലക്കുണ്ട്​. അത്തരം പുസ്​തകങ്ങളുടെ വിൽപന തുടർന്നാൽ പിഴ ഈടാക്കുമെന്ന്​ രമേശ്​ ചന്ദ്ര രത്തൻ വിൽപനക്കാരന്​ മുന്നറിയിപ്പ്​ നൽകി. അശ്ലീല വാചകങ്ങളും കാര്യങ്ങളും പ്രദർശിപ്പിക്കാൻ പാടില്ലെന്നും അത്തരം അശ്ലീല പുസ്​തകങ്ങൾ വിൽക്കുന്നില്ലെന്ന് ഉറപ്പാക്കാൻ​ അധികൃതർക്ക്​ നിർദേശവും മുന്നറിയിപ്പും ലഭിച്ചിട്ടുണ്ടെന്നും അദ്ദേഹം പറഞ്ഞു.

‘‘എഴുത്തുകാരാൻ ആരായാലു​ം നിയമമനുസരിച്ച്​ അത്​ ഇവിടെ സാധ്യമല്ലെന്നാണ്​ എനിക്ക്​ എല്ലാവരേയും അറിയിക്കാനുള്ളത്. വ്യവസ്ഥാപിതമായ രീതിയിൽ പ്രവർത്തിക്കുന്ന റെയിൽവെയു​ടെ സ്​റ്റാൾ ആണിത്​.’’ രമേശ്​ ചന്ദ്ര രത്തൻ പറഞ്ഞു. ആദ്യമായല്ല ഈ റെയിൽവേ ഓഫിസർ പുസ്​തക വിൽപന തടയുന്നത്​. രണ്ട്​ മാസം മുമ്പ് ഡൽഹി റെയിൽവേ സ്​റ്റേഷനിൽ​ ചേതൻ ഭഗത്തിൻ ‘ഹാഫ്​ ഗേൾഫ്രണ്ട്​’ എന്ന പുസ്​തകം വിൽക്കുന്നത് അദ്ദേഹം​ തടഞ്ഞിരുന്നു.

Show Full Article
TAGS:railway khushwant singh obscene book Bhopal india news malayalam news 
News Summary - Railway officer objects to Khushwant Singh’s ‘obscene’ book being sold at Bhopal station -india news
Next Story