റെയിൽവേ ബോർഡ്​ ചെയർമാൻ എ.കെ മിത്തൽ രാജിവെച്ചു

ന്യൂഡൽഹി: ഉത്തർപ്രദേശിൽ അടുത്തിടെയുണ്ടായ ട്രെയിൻ അപകടങ്ങളുടെ പശ്ചാത്തലത്തിൽ റെയിൽവേ ബോർഡ് ചെയർമാൻ എ.കെ മിത്തൽ രാജിവെച്ചു. അപകടങ്ങളുടെ ധാർമിക  ഉത്തരവാദിത്വം തനിക്കാണെന്നു ചൂണ്ടിക്കാട്ടിയാണ്​ മിത്തൽ റെയിൽവേമന്ത്രി സുരേഷ് പ്രഭുവിന്​ രാജിക്കത്ത് സമർപ്പിച്ചത്. എന്നാൽ, മിത്തലി​​​െൻറ രാജി മന്ത്രി സ്വീകരിച്ചിട്ടില്ല.

ശനിയാഴ്​ച യു.പിയിലെ മുസാഫർനഗറിൽ ഉത്​കൽ എക്​സ്​പ്രസ്​ പാളം തെറ്റി 24 പേർ മരിക്കുകയും നൂറിലേറെ പേർക്ക്​ പരി​ക്കേൽക്കുകയും ചെയ്​തിരുന്നു. സംഭവത്തി​​​െൻറ ഉത്തരവാദിത്വം റെയിൽവേ ബോർഡിനാണെന്നും ബോർഡി​​​െൻറ അശ്രദ്ധയാണ്​ അടിക്കടിയുള്ള അപകടങ്ങൾക്ക്​ കാരണമെന്നും റെയിൽവേ മന്ത്രി കുറ്റപ്പെടുത്തിതിരുന്നു. 
ഉത്​കൽ എക്​സ്​പ്രസ്​ അപകടത്തിനു പുറമെ ബുധനാഴ്ച രാവിലെ അസംഗ്രായിൽ നിന്ന് ഡൽഹിയിലേക്ക് പോയ കൈഫിയാത് എക്സ്പ്രസ് പാളം തെറ്റുകയും അപകടത്തിൽ 60 പേർക്ക് പരിക്കേൽക്കുകയും ചെയ്​തിരുന്നു. ഒരാഴ്​ചക്കുള്ളിൽ സമാനമായ രണ്ട്​ അപകടങ്ങളുണ്ടായ സാഹചര്യത്തിലാണ്​ റെയിൽവേ ബോർഡ്​ ചെയർമാൻ രാജി സമർപ്പിച്ചിരിക്കുന്നത്​. മുസാഫർനഗർ അപകടത്തിൽ പ്രഥമ ദൃഷ്​ട്യാ കുറ്റക്കാരെന്ന്​ കണ്ട 12 റെയിൽവേ ഉദ്യോഗസ്ഥരെ സസ്പെൻഡ് ചെയ്​തിരുന്നു.