ഇനിയും പറയുമോ ഇന്ത്യ മെച്ചപ്പെട്ട നിലയെന്ന് –രാഹുൽ
text_fieldsന്യൂഡൽഹി: കോവിഡിനെതിരായ പോരാട്ടത്തിൽ രാജ്യം മികച്ച നിലയിലാണെന്ന കേന്ദ്ര ആഭ്യന്തരമന്ത്രി അമിത് ഷായുടെ പ്രസ്താവനക്കെതിരെ കോൺഗ്രസ് നേതാവ് രാഹുൽ ഗാന്ധി. ഈ ആഴ്ച രോഗബാധിതരുടെ എണ്ണം പത്തുലക്ഷം കടക്കുമെന്ന് പറഞ്ഞ രാഹുൽ, ഇന്ത്യ മെച്ചപ്പെട്ട നിലയിലാണെന്ന് ഇപ്പോഴും പറയുമോ എന്ന് ചോദിച്ചു.
കോവിഡ് രോഗികളുടെ വർധന രേഖപ്പെടുത്തിയ ഗ്രാഫ് ട്വീറ്റ് ചെയ്താണ് ഷാക്കെതിരായ ഒളിയമ്പ്. ഇന്ത്യക്കൊപ്പം യു.എസ്, ദക്ഷിണ കൊറിയ, ന്യൂസിലൻഡ് തുടങ്ങിയ രാജ്യങ്ങളുടെ കോവിഡ് വ്യാപന നിരക്ക് പ്രതിപാദിക്കുന്ന ഗ്രാഫും ലോകാരോഗ്യ സംഘടന മേധാവിയുടെ കോവിഡ് പ്രതിരോധ നടപടികളുടെ വാർത്തയും ട്വീറ്റിനൊപ്പമുണ്ട്. കോവിഡിനെ പ്രതിരോധിക്കുന്നതിൽ സർക്കാർ അേമ്പ പരാജയമാണെന്ന് അദ്ദേഹം വിമർശിച്ചു.
130 കോടി ജനങ്ങളുള്ള രാജ്യത്ത് കോവിഡിനെ പ്രതിരോധിക്കുന്നതിൽ ആശങ്ക ഉണ്ടായിരുന്നുവെന്നും പക്ഷേ രാജ്യം മുഴുവൻ ഒറ്റക്കെട്ടായി പോരാടുകയാണെന്നും അമിത് ഷാ പറഞ്ഞിരുന്നു. ലോകത്ത് കോവിഡ് വ്യാപനത്തില് മൂന്നാം സ്ഥാനത്താണ് ഇന്ത്യ. യു.എസും ബ്രസീലുമാണ് ഒന്നും രണ്ടും സ്ഥാനത്ത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.