രാഹുൽ അവസരവാദി; ഹിന്ദുവെന്ന ഒാർമ​​ തെരഞ്ഞെടുപ്പ്​ കാലത്ത്​ മാത്രം - യെദിയൂരപ്പ

ബംഗളൂരു: കോൺഗ്രസ്​ അധ്യക്ഷൻ രാഹുൽ ഗാന്ധി അവസരവാദിയായ ഹിന്ദുവാണെന്ന്​ ​ബി.ജെ.പി നേതാവ്​ ബി.എസ്​ യെദിയൂരപ്പ. തെരഞ്ഞെടുപ്പ്​ അടുക്കു​േമ്പാൾ മാത്രമേ രാഹുലിന്​ സ്വന്തം മതത്തെ കുറിച്ച്​ ഒാർമ വരുന്നുള്ളൂവെന്നും അദ്ദേഹം വിമർശിച്ചു. കർണാടകയിലെ ഹിന്ദുക്ഷേത്രങ്ങൾ സന്ദർശിച്ച രാഹുൽ ഗാന്ധിയുടെ പ്രവർത്തി​െയ വിമർശിച്ചായിരുന്നു യെദിയൂരപ്പയുടെ ആരോപണം​. കർണാടകയിൽ ബി.ജെ.പി സംഘടിപ്പിച്ച പരിവർത്തൻ യാത്ര 75 ദിവസം പിന്നിട്ട ശേഷം ന്യൂസ്​ 18നോട്​ സംസാരിക്കുകയായിരുന്നു അദ്ദേഹം.

രാഹുൽ ഗാന്ധിക്ക്​ ഏത്​ ക്ഷേത്രം വേണമെങ്കിലും സന്ദർശിക്കാം. ഇത്​ വ്യക്​തിപരമായ തെരഞ്ഞെടുപ്പാണ്​. എന്നാൽ അദ്ദേഹം അവസരവാദിയായ ഹിന്ദുവാണ്​. തെരഞ്ഞെടുപ്പ്​ കാലത്ത്​ മാത്രമാണ്​ ഹിന്ദുവാണെന്ന കാര്യം അദ്ദേഹം ഒാർക്കുന്നത്​. അതിനുശേഷം സൗകര്യപൂർവം മറക്കുകയും ചെയ്യുന്നു. രാഹുലിനെ വിശ്വസിക്കാൻമാത്രം വിഡ്​ഢികളാണോ ജനങ്ങൾ എന്നും യെദിയൂരപ്പ ചോദിച്ചു. രാഹുലി​​െൻറ ​തന്ത്രങ്ങളൊന്നും കർണാടകയിൽ ചെലവാകില്ല. മുഖ്യമന്ത്രി സിദ്ധരാമയ്യ പോലും ഹിന്ദു വിരുദ്ധനാണെന്നും യെദിയൂരപ്പ വിമർശിച്ചു. 

28 സംസ്​ഥാനങ്ങളിലായി 203 നിയമസഭാ മണ്ഡലങ്ങൾ സന്ദർശിക്കുകയും 1.76 കോടി ജനങ്ങളുമായി സംവദിക്കുകയും ചെയ്​തെന്നും യെദിയൂരപ്പ അറിയിച്ചു. അഴിമതിനിറഞ്ഞ, കഴിവുകെട്ട കോൺഗ്രസ്​ സർക്കാർ അടുത്ത മൂന്ന്​ - നാല്​ മാസത്തിനുള്ളിൽ ചരിത്രമാകു​െമന്നും അദ്ദേഹം ഒാർമിപ്പിച്ചു. 

താൻ വർഗീയ രാഷ്​ട്രീയം കളിക്കില്ല. വികസനമാണ്​ തങ്ങളുടെ അജണ്ട. ബി.ജെ.പിയാണ്​ യഥാർഥ ഹിന്ദു പാർട്ടി. ഹിന്ദുക്കളു​െട അവകാശങ്ങൾക്ക്​ വേണ്ടി പോരാടു​​േമ്പാഴും ഇതര വിശ്വസികളെ എതിർക്കില്ലെന്നും അദ്ദേഹം പറഞ്ഞു.  പ്രീണന രാഷ്​ട്രീയത്തിന്​ എതിരാണ്​. കുറേക്കൂടി നല്ല ഹിന്ദു പാർട്ടിയാണ്​ കോൺഗ്രസ്​ എന്ന്​ അവർ അവകാശപ്പെടുന്നു. എന്നാൽ ഇത്​ വിശ്വസിക്കാൻ കർണാടകക്കാർ വിഡ്​ഢികള​െല്ലന്നും അദ്ദേഹം പറഞ്ഞു.