Begin typing your search above and press return to search.
proflie-avatar
Login
exit_to_app
exit_to_app
രാഹുൽ പഞ്ചാബിലേക്ക്​; കർഷക യാത്ര നയിക്കും
cancel
Homechevron_rightNewschevron_rightIndiachevron_rightരാഹുൽ പഞ്ചാബിലേക്ക്​;...

രാഹുൽ പഞ്ചാബിലേക്ക്​; കർഷക യാത്ര നയിക്കും

text_fields
bookmark_border

ന്യൂഡൽഹി: പഞ്ചാബിൽ ഞായറാഴ്​ച ആരംഭിക്കുന്ന കാർഷിക ബില്ലിനെതിരായ പ്രതിഷേധ യാത്രക്ക്​ രാഹുൽ ഗാന്ധി നേതൃത്വം നൽകുമെന്ന്​​ കോൺഗ്രസ്​. ഒക്​ടോബർ നാലിന്​ ആരംഭിക്കുന്ന ത്രിദിന യാത്രക്കായി രാഹുൽ നാളെ പഞ്ചാബിലെത്തും.

ട്രാക്​ടർ റാലികളും പൊതുയോഗങ്ങളുമായി മൂന്നുദിവസങ്ങളിലായി 50ലേറെ കിലോമീറ്റർ ദൂരമുള്ളതായിരിക്കും പരിപാടിയെന്ന്​ പഞ്ചാബ്​ കോൺഗ്രസ്​ വക്താവ്​ ദേശീയ മാധ്യമങ്ങളോട്​ പ്രതികരിച്ചു. രാവിലെ 11 മണിക്ക്​ ആരംഭിക്കുന്ന റാലി കോവിഡ്​ ചട്ടങ്ങൾ പാലിച്ചുകൊണ്ടായിരിക്കും.

പഞ്ചാബ്​ മുഖ്യമന്ത്രി അമരീന്ദർ സിങ്​, പഞ്ചാബ്​ കോൺഗ്രസ്​ പ്രസിഡൻറ്​ സുനിൽ ജഖർ തുടങ്ങിയവരും റാലിയിൽ പങ്കുചേരും. കർഷക ​പ്രതിഷേധങ്ങൾ സജീവമായി നടന്നുകൊണ്ടിരിക്കുന്ന പഞ്ചാബിലേക്ക്​ രാഹുലിൻെറ വരവ്​ ഉൗർജമാകുമെന്നാണ്​​ കോൺഗ്രസ്​ വൃത്തങ്ങൾ പറയുന്നത്​.

ഉത്തർപ്രദേശിലെ ഹാഥറസിൽ കൂട്ടബലാത്സംഗത്തിനിരയായി കൊല്ലപ്പെട്ട ദലിത്​ പെൺകുട്ടിയുടെ വീട്​​ പ്രിയങ്ക ഗാന്ധിക്കും കോൺഗ്രസ് നേതാക്കൾക്കുമൊപ്പം രാഹുൽ സന്ദർശിച്ചിരുന്നു​.

പ്രിയങ്ക ഓടിക്കുന്ന വാഹനത്തിൽ രാഹുലും പിന്നാലെയുള്ള വാഹനങ്ങളിൽ കോൺ​ഗ്രസ്​ എം.പിമാരുമാണ്​ ഡൽഹിയിൽനിന്ന്​ ഹാഥറസിലേക്ക്​ പു​റപ്പെട്ടത്​​. 30ൽ അധികം ​എം.പിമാർ രാഹുൽ ഗാന്ധിയെ അനുഗമിച്ചിരുന്നു​. ഡൽഹി-യു.പി അതിർത്തിയിൽ പൊലീസ്​ തടഞ്ഞതോ​െട സംഘർഷം ഉടലെടുത്തിരുന്നു. ഒടുവിൽ രാഹുലും പ്രിയങ്കയും അടക്കമുള്ള അഞ്ച്​ കോൺഗ്രസ്​ നേതാക്കളെ ഹാഥറസിലേക്ക്​ കടത്തിവിടുകയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:congressfarm billsRahul Gandhi
Next Story