ഒരു വ്യവസായിക്കായി റാഫേൽ കരാർ പ്രധാനമന്ത്രി മാറ്റിമറിച്ചു -രാഹുൽ

ന്യൂഡൽഹി: ഒരു വ്യവസായിക്ക്​ നേട്ടമുണ്ടാക്കാൻ റാഫേൽ യുദ്ധവിമാന കരാർ പ്രധാനമന്ത്രി മാറ്റിമറിച്ചതായി കോൺഗ്രസ്​ ഉപാധ്യക്ഷൻ രാഹുൽ ഗാന്ധി. ഇതേക്കുറിച്ച്​ മാധ്യമങ്ങൾ എന്തുകൊണ്ട്​ നരേന്ദ്ര മോദിയോട്​ ചോദിക്കുന്നില്ലെന്ന്​  അഖിലേന്ത്യ അൺ ഒാർഗനൈസ്​ഡ്​ വർക്കേഴ്​സ്​ കോൺഗ്രസ്​ ഭാരവാഹികളുടെ സംഗമത്തിൽ രാഹുൽ ചോദിച്ചു.
‘‘മാധ്യമങ്ങൾ ദിവ​േസന എന്നോട്​ ചോദ്യങ്ങൾ ചോദിക്കുകയും ആഹ്ലാദത്തോടെ ഞാൻ മറുപടി പറയുകയും ചെയ്യുന്നു. എന്നാൽ, പ്രധാനമന്ത്രിയോട്​ ഇൗ ഇടപാടിനെക്കുറിച്ച്​ ചോദിക്കാത്തതെന്താണ്​? അമിത്​ ഷായുടെ മകനെക്കുറിച്ച്​ ചോദിക്കാത്തതെന്താണ്​?’.

അനിൽ അംബാനിയുടെ റിലയൻസ്​ ഡിഫൻസ്​ ലിമിറ്റഡി​െന പ്രതിക്കൂട്ടിലാക്കിയാണ്​ രാഹുലി​​െൻറ ആരോപണം. റാഫേൽ ഇടപാടിൽ ഫ്രഞ്ച്​ യുദ്ധവിമാന നിർമാതാക്കളായ ഡസ്സോൾട്ട്​ ഏവിയേഷൻ റിലയൻസ്​ ഡിഫൻസുമായി സംയുക്​ത സംരംഭത്തിലേർപ്പെട്ടതിൽ സംശയം പ്രകടിപ്പിച്ച്​ നേരത്തെ രാഹുൽ ട്വീറ്റ്​ ചെയ്​തിരുന്നു. ‘‘വ്യോമയാനമേഖലയിൽ ഒരു പരിചയവുമില്ലാത്ത റിലയൻസ്​ കമ്പനി ഇടപാടിൽ എത്തിയത്​ എങ്ങനെയാണ്​?.’’ പ്രധാനമന്ത്രിയുടെ കോർപറേറ്റ്​ സുഹൃത്തുക്കൾക്കാണ്​ ഇതിലൂടെ നേട്ടമുണ്ടാക​ുന്നതെന്ന്​ രാഹുൽ പറഞ്ഞു.

2015 ഏപ്രിലിൽ പ്രധാനമന്ത്രിയുടെ ഫ്രാൻസ്​ സന്ദർശനവേളയിലാണ്​ 36 യുദ്ധവിമാനങ്ങൾ വാങ്ങാൻ ധാരണയായത്​. 20 വർഷത്തിനിടെയുണ്ടായ ഏറ്റവും വലിയ ഇൗ യുദ്ധവിമാന കരാർ 63,000 കോടി രൂപയുടേതാണ്​. ‘മേക്​​ ഇൻ ഇന്ത്യ’ പദ്ധതിപ്രകാരം യുദ്ധവിമാന ഭാഗങ്ങൾ ഇന്ത്യയിൽ നിർമിക്കണമെന്ന്​ കരാറിൽ നിർദേശമുണ്ടായിരുന്നു. റിലയൻസ്​ ഡിഫൻസിന്​ കരാർ തുകയുടെ സിംഹഭാഗം ജോലിയും നൽകണമെന്ന്​ ഡ​േസ്സാൾട്ട്​ ഏവിയേഷനുമായി ധാരണയിലെത്തിയെന്നാണ്​ ആരോപണം. ഒരു വർഷം മുമ്പ്​ സ്​ഥാപിച്ച റിലയൻസ്​ ഡിഫൻസിന്​ ഇതുവരെ ഒരു ​പ്രധാന പ്രതിരോധ കരാറും ലഭിച്ചിട്ടില്ല. ഡസ്സോൾട്ട്​ ഏവിയേഷനും റിലയൻസും കഴിഞ്ഞ വർഷം കരാറിലെത്തുകയും ചെയ്​തു. പൊതുമേഖല സ്​ഥാപനമായ ഹിന്ദുസ്​ഥാൻ എയറോനോട്ടിക്​സ്​ ലിമിറ്റഡിനെ അവഗണിച്ച്​ റിലയൻസി​ന്​ കരാർ നൽകി എന്നാണ്​ കോൺഗ്രസ്​ ആരോപണം.     

ആരോപണം റിലയൻസ്​ നിഷേധിച്ചു. രണ്ട്​ സ്വകാര്യ കമ്പനികൾ തമ്മിലുള്ള കരാറാണിതെന്നും കേന്ദ്ര സർക്കാറിന്​ പങ്കില്ലെന്നും റിലയൻസ്​ പറയുന്നു. അഗസ്​റ്റ വെസ്​റ്റ്​ലൻഡ്​​ ഇടപാടിൽനിന്ന്​ ശ്രദ്ധ തിരിക്കാനാണ​് ആരോപണമെന്ന്​ ബി.​െ​ജ.പി പറഞ്ഞു. ഇരട്ട എൻജിനുള്ള വിവിധോദ്ദേശ്യ യുദ്ധവിമാനമാണ്​ റാഫേൽ. അയൽരാജ്യത്തെത്തി ആക്രമണം നടത്താനും യുദ്ധക്കപ്പലുകളെ നേരിടാനും ആണവായുധം വഹിക്കാനും ശേഷിയുള്ള വിമാനമാണിത്​.