Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightവയനാട്ടിൽ രാഹുൽ...

വയനാട്ടിൽ രാഹുൽ ജയിച്ചത്​ 40 ശതമാനവും മുസ്​ലിംകൾ ആയതിനാൽ -ഉവൈസി

text_fields
bookmark_border
വയനാട്ടിൽ രാഹുൽ ജയിച്ചത്​ 40 ശതമാനവും മുസ്​ലിംകൾ ആയതിനാൽ -ഉവൈസി
cancel

ഹൈദരാബാദ്​: വയനാട്​ ലോക്​സഭാ മണ്ഡലത്തിൽ കോൺഗ്രസ്​ അധ്യക്ഷൻ രാഹുൽ ഗാന്ധി വിജയിച്ചത്​ അവിടെ 40 ശതമാനവും മുസ്​ ലിംകളായതിനാലാണെന്ന്​ ഓൾ ഇന്ത്യ മജ്​ലിസെ ഇത്തിഹാദു​ൽ മുസ്​ലിമീൻ(എ.ഐ.എം.ഐ.എം) അധ്യക്ഷനും എം.പിയുമായ അസദുദ്ദീൻ ഉ​ ൈവസി. ജീവിക്കാനായി ആരുടേയു​ം ഔദാര്യം ആവശ്യമില്ലാത്ത സമുദായമെന്ന നിലയിൽ രാജ്യത്തെ മുസ്​ലിംകൾക്ക്​ ലഭിക്കുന്ന സ്ഥാനത്തിൽ പ്രതീക്ഷയുണ്ടെന്നും അദ്ദേഹം പറഞ്ഞു. ഹൈദരാബാദിൽ ഒരു പൊതു സമ്മേളനത്തിൽ സംസാരിക്കുകയായിരുന്നു അദ്ദേഹം.

‘‘1947 ആഗസ്​റ്റ്​ 15ന്​ നമ്മുടെ പൂർവികർ കരുതിയത്​ ഇതൊരു പുതിയ ഇന്ത്യ ആവുമെന്നാണ്​. ആസാദി​േൻറയും ഗാന്ധിയുടേയും നെഹ്​റുവി​േൻറയും അംബേദ്​ക്കറി​േൻറയും അവരുടെ കോടിക്കണക്കിന്​ അനുയായികളുടേതുമായിരിക്കും ഈ ഇന്ത്യ​. ഈ രാജ്യത്ത്​ ഞങ്ങൾക്ക്​ മതിയായ സ്ഥാനം ലഭിക്കുെമന്ന്​ എനിക്കിപ്പോഴും പ്രതീക്ഷയുണ്ട്​. ഞങ്ങൾക്ക്​​ ആരുടേയു​ം ഔദാര്യം വേണ്ട, ഞങ്ങൾക്ക്​ നിങ്ങളുടെ ഔദാര്യത്തിൽ ജീവിക്കേണ്ട ആവശ്യമില്ല.’’ ഉവൈസി പറഞ്ഞു.

നിങ്ങൾ കോൺഗ്രസോ മറ്റ്​ മതേതര പാർട്ടികളേയോ വിടേണ്ടതില്ല. പക്ഷെ അവർക്ക്​ ശക്തിയില്ലെന്ന്​ ഓർക്കണം. അവർ കഠിനാധ്വാനം ചെയ്യുന്നി​ല്ല. എന്തുകൊണ്ട്​ പഞ്ചാബിൽ​ ബി.ജെ.പിക്ക്​ നഷ്​ടം സംഭവിച്ചു.? അവിടെ ആരാണ്​? സിഖുകാരാണ്​. ഇന്ത്യയിൽ മറ്റിടങ്ങളിൽ ബി.ജെ.പി തോറ്റതിന്​ കാരണം പ്രാദേശിക പാർട്ടികളാണെന്നും കോൺഗ്രസല്ലെന്നും ഉവൈസി പറഞ്ഞു.​ രാഹുൽ ഗാന്ധിക്ക്​ അമേത്തി നഷ്​ടപ്പെ​ട്ടെങ്കിലും വയനാട്ടിൽ വിജയിച്ചു. അവി​െട ജനസംഖ്യയുടെ 40 ശതമാനവും മുസ്​ലിംകളല്ലേയെന്നും അദ്ദേഹം ചോദിച്ചു.

വയനാട്ടിൽ 7,05,034 വോട്ടുകൾ നേടിയ രാഹുൽ സി.പി.ഐ സ്ഥാനാർഥി പി.പി സുനീറിനേക്കാൾ 4,31,063 വോട്ടുകളുടെ ഭൂരിപക്ഷമാണ്​ നേടിയത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:asaduddin owaisimalayalam newsindia newsmuslim poppulationRahul Gandhi
News Summary - Rahul gandhi won in wayanad due to 40 percent muslim poppulation said Asaduddin owaisi -india news
Next Story