Begin typing your search above and press return to search.
exit_to_app
exit_to_app
Shivanand Tiwari
cancel
Homechevron_rightNewschevron_rightIndiachevron_right'തെരഞ്ഞെടുപ്പ്​...

'തെരഞ്ഞെടുപ്പ്​ സമയത്ത്​ രാഹുൽ വിനോദയാത്രയിൽ'; വിമർശനവുമായി​ ആർ.​െജ.ഡി നേതാവ്​

text_fields
bookmark_border

പട്​ന: ബിഹാർ തെരഞ്ഞെടുപ്പിൽ മഹാസഖ്യത്തി​െൻറ തോൽവിക്ക്​ പിന്നാലെ കോൺഗ്രസിനെതി​രെ രൂക്ഷ വിമർശനവുമായി ആർ.ജെ.ഡി നേതാവ്​. 70 സീറ്റുകളിൽ മത്സരിച്ച കോൺഗ്രസിന്​ 70 റാലികൾ നടത്താൻ കഴി​ഞ്ഞില്ലെന്നും നേതാവ്​ രാഹുൽ ഗാന്ധി തെരഞ്ഞെടുപ്പ്​ സമയത്ത്​ വിനോദയാത്രക്ക്​ പോയിരിക്കുകയായിരുന്നുവെന്നും ആർ.ജെ.ഡി ​നേതാവ്​ ​ശിവാനന്ദ്​ തിവാരി കുറ്റ​െപ്പടുത്തി.

'കോൺഗ്രസ്​ മഹാസഖ്യത്തെ ചങ്ങലകൊണ്ട്​ ബന്ധിക്കുകയായിരുന്നു. അവർ 70 സീറ്റുകളിൽ മത്സരിച്ചു, എന്നാൽ 70 റാലികൾ പോലും നടത്താൻ കഴിഞ്ഞില്ല. രാഹുൽ ഗാന്ധി മൂന്നുദിവസം മാത്രം വന്നു. പ്രിയങ്ക വന്നില്ല. ബിഹാറുമായി പരിചയമില്ലാത്തവരാണ്​ ഇവിടെയെത്തിയത്​. അതുശരിയല്ല' -ശിവാനന്ദ്​ തിവാരി പറഞ്ഞു.


'ഇത്​ ബിഹാറിൽ മാത്രം നടക്കുന്ന കാര്യമല്ലെന്ന്​ ഞാൻ കരുതുന്നു. മറ്റു സംസ്​ഥാനങ്ങളിലും കഴിയുന്നത്ര സീറ്റുകളിൽ കോൺഗ്രസ്​ മത്സരിക്കുകയും പരമാവധി സീറ്റുകളിൽ പരാജയമേറ്റു വാങ്ങുകയും ചെയ്യും. കോൺഗ്രസ്​ തീർച്ചയായും ഇതിനെപ്പറ്റി ചിന്തിക്കണം' -തിവാരി കൂട്ടിച്ചേർത്തു.

ബിഹാർ തെരഞ്ഞെടുപ്പിൽ 70 സീറ്റുകളിലാണ്​ കോൺഗ്രസ്​ മത്സരിച്ചത്​. എന്നാൽ 19 സീറ്റുകളിൽ മാത്രമാണ്​ കോൺഗ്രസിന്​ ജയിക്കാൻ കഴിഞ്ഞത്​. 243 സീറ്റുകളിലേക്ക്​ നടന്ന തെരഞ്ഞെടുപ്പിൽ 122 സീറ്റുകൾ നേടിയാൽ കേവല ഭൂരിപക്ഷം നേടാനാകും. എന്നാൽ കേവലഭൂരിപക്ഷത്തിനേക്കാൾ​ രണ്ടുസീറ്റുകൾ മാത്രം അധികം നേടി എൻ.ഡി.എ അധികാരം പിടിക്കുകയായിരുന്നു. മഹാസഖ്യത്തിന്​ 110 സീറ്റുകളും ലഭിച്ചു. മഹാസഖ്യത്തിലെ സഖ്യകക്ഷികളായ ആർ.ജെ.ഡിക്കും ഇടതുപാർട്ടികൾക്കും മികച്ച വിജയം നേടാനാകുകയും ചെയ്​തിരുന്നു.


'തെരഞ്ഞെടുപ്പ്​ പ്രചരണം കൊഴു​ക്കു​േമ്പാൾ രാഹുൽ ഗാന്ധി ഷിംലയിലെ പ്രിയങ്കയുടെ വീട്ടിൽ വിനോദയാത്രക്ക്​ പോയിരിക്കുകയായിരുന്നു. ഇതു​േപാലെയാണ്​ ​പാർട്ടി നടത്തികൊണ്ടുപോകേണ്ടത്​. കോൺഗ്രസ്​ പാർട്ടിയുടെ രീതി ബി.ജെ.പിക്ക്​ ഗുണം ചെയ്യുന്നുവെന്ന ആരോപണം ഇതിലൂടെ ശരിവെക്കുന്നു' -തിവാരി പറഞ്ഞു.

ബിഹാർ തെരഞ്ഞെടുപ്പ്​ സമയത്ത്​ സീറ്റുവിഭജനം തെരഞ്ഞെടുപ്പ്​ വിജയത്തെ പ്രതികൂലമായി ബാധിച്ചു. തെരഞ്ഞെടുപ്പ്​ ഫലം വിചാരിച്ചതിനേക്കാൾ മോശമായിരുന്നുവെന്നും കോൺഗ്രസ്​ ഇതിൽനിന്ന്​ പാഠം ഉൾക്കൊള്ള​ണമെന്നും അദ്ദേഹം പറഞ്ഞു.

മഹാസഖ്യത്തിൽ സീറ്റ്​ വിഭജനം നടത്തിയതിൽ പാളിച്ചകളുണ്ടായതായി കോൺഗ്രസ്​ ജനറൽ സെക്രട്ടറിയും ബിഹാറിലെ മുതിർന്ന നേതാവുമായ താരിഖ്​ അൻവർ സമ്മതിച്ചിരുന്നു. ആത്മപരിശോധനക്ക്​ ഹൈക്കമാൻഡ്​ തയാറാകണമെന്നും തെരഞ്ഞെടുപ്പ്​ വേളയിൽ നേതൃത്വം സാധ്യമായ എല്ലാ പിന്തുണയും നൽകി​യിട്ടുണ്ടെന്നും താരിഖ്​ അൻവർ പറഞ്ഞു.

Show Full Article
TAGS:Bihar Election 2020 Rahul Gandhi Congress Shivanand Tiwari RJD mahagathbandhan 
News Summary - Rahul Gandhi Was On Picnic During Polls RJD Leader Shivanand Tiwari
Next Story