‘അടുത്തവട്ടം ചോദ്യങ്ങൾക്ക് ഉത്തരം നൽകാൻ അമിത് ഷാ അനുവദിച്ചേക്കും’; മോദിയെ കളിയാക്കി രാഹുൽ
text_fieldsന്യൂഡൽഹി: അഞ്ചു വർഷത്തിനിടെ ആദ്യമായി നടത്തിയ വാർത്താസമ്മേളനത്തിൽ ഒറ്റ ചോദ്യങ്ങൾക്കുപോലും മറുപടി പറയാതിര ുന്ന പ്രധാനമന്ത്രി നരേന്ദ്ര മോദിയെ കളിയാക്കി കോൺഗ്രസ് അധ്യക്ഷൻ രാഹുൽ ഗാന്ധി. ‘‘മോദിജിക്ക് അഭിനന്ദനങ്ങൾ. ഗംഭീര വാർത്താ സമ്മേളനം. അടുത്തവട്ടം ഏതാനും ചോദ്യങ്ങൾക്ക് ഉത്തരം പറയാൻ അമിത് ഷാ താങ്കളെ അനുവദിച്ചേക്കും.’’ -രാഹുൽ ട്വിറ്ററിൽ കുറിച്ചു.
ബി.ജെ.പി അധികാരത്തിൽ തിരിച്ചെത്തുമെന്നുപറഞ്ഞ് വാർത്താസമ്മേളനം ആരംഭിച്ച മോദ ി, പാർട്ടി അധ്യക്ഷൻ ഇരിക്കുേമ്പാൾ താൻ ഉത്തരം പറയുന്നില്ലെന്നുപറഞ്ഞ് ചോദ്യങ്ങൾ അമിത് ഷാക്ക് കൈമാറുകയായി രുന്നു. ലോക്സഭ തെരഞ്ഞെടുപ്പ് ഫലം വരുന്നതിന് തൊട്ടുമുമ്പ് മോദി വാർത്താസമ്മേളനം നടത്തിയത് നല്ല കാര്യമാണെന്നും രാഹുൽ അഭിപ്രായപ്പെട്ടു.
Congratulations Modi Ji. Excellent Press Conference! Showing up is half the battle. Next time Mr Shah may even allow you to answer a couple of questions. Well done!
— Rahul Gandhi (@RahulGandhi) May 17, 2019
‘‘തെരഞ്ഞെടുപ്പ് ഫലം വരുന്നതിന് 4-5 ദിവസം മുമ്പ് പ്രധാനമന്ത്രിയുടെ ആദ്യ വാർത്താസമ്മേളനം വന്നിരിക്കുന്നു. വാർത്താസമ്മേളനത്തിൽ അമിത് ഷായെ അനുഗമിക്കുകയായിരുന്നു അദ്ദേഹം. ഇത് അസാധാരണം തന്നെ. പ്രധാനമന്ത്രിയോട് ചോദ്യങ്ങൾ ചോദിക്കുമെന്ന് കരുതിയിരുന്ന മാധ്യമപ്രവർത്തകർ തടയപ്പെട്ടുവെന്നും കേട്ടു. മഹത്തായ ഒരു വാർത്താസമ്മേളനം തന്നെ ഇത്’’ -രാഹുൽ മാധ്യമങ്ങളോട് പറഞ്ഞു. മോദിയുടെ വാർത്താസമ്മേളനം നടന്ന അതേസമയത്തുതന്നെയായിരുന്നു രാഹുലും മാധ്യമങ്ങളെ കണ്ടത്.
PM Modi is "accompanying" @AmitShah in a press conference, which is an unprecedented event for him. Let me ask him a question right now- Mr. PM, why did you not accept my challenge to debate on corruption in Rafale? : Congress President @RahulGandhi #ModiHaiTohGodseHai pic.twitter.com/ZWADLlneSL
— Congress (@INCIndia) May 17, 2019
‘‘റഫാലിൽ ഒരു സംവാദത്തിന് തയാറാകാത്തത് എന്താണെന്നാണ് എനിക്ക് പ്രധാനമന്ത്രിയോട് ചോദിക്കാനുള്ളത്. ഇതുസംബന്ധിച്ച് ഒരു സംവാദത്തിന് മോദിയുടെ വസതിയിൽ വരാൻ ഞാൻ തയാറാണ്.’’ -രാഹുൽ പറഞ്ഞു. മറ്റു കോൺഗ്രസ് നേതാക്കളും മോദിയുടെ വാർത്താസമ്മേളനത്തെ പരിഹസിച്ച് രംഗത്തെത്തി. ‘‘നിങ്ങൾക്കുവേണ്ടി മറ്റൊരാൾ ഉത്തരം പറയുന്നത് ആദ്യമായി കാണുകയാണ്. ഒരു കാര്യം തെളിയിക്കാൻവേണ്ടി പ്രധാനമന്ത്രിയുടെ ഒാഫിസിെൻറ മാന്യത ഇത്ര താഴ്ത്തേണ്ട കാര്യമില്ലായിരുന്നു’’ -കോൺഗ്രസ് വക്താവ് രൺദീപ് സുർജേവാല ട്വീറ്റ് െചയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.