കോവിഡ്​ പോരാളികളെ സഹായിക്കാതെ മോദി സർക്കാർ പിന്മാറുന്നു -രാഹുൽ

ന്യൂഡൽഹി: കോവിഡിനെതിരെ പോരാടുന്ന ആരോഗ്യപ്രവർത്തകരെ സഹായിക്കാതെ മോദി സർക്കാർ പിൻമാറുകയാണെന്ന്​ കോൺഗ്രസ്​ നേതാവ്​ രാഹുൽ ഗാന്ധി. രാജ്യത്ത്​ ഇരുനൂറിനടുത്ത്​ ഡോക്​ടർമാർ കോവിഡ്​ ബാധിച്ച്​ മരിച്ചതായും ഇക്കാര്യത്തിൽ പ്രധാനമന്ത്രി പ്രത്യേക ശ്രദ്ധപതിപ്പിക്കണമെന്നും ആവശ്യപ്പെട്ട്​ ​ഇന്ത്യൻ മെഡിക്കൽ അസോസിയേഷൻ രംഗത്തുവന്നതിന്​ പിന്നാലെയാണ്​ രാഹുലി​െൻറ ട്വീറ്റ്​.

'കൊറോണ​ പോരാളികളെ പ്രകീർത്തിച്ച്​ കൈയടിച്ച പൊതുജനങ്ങൾ മോദിയിൽ ആത്മവിശ്വാസം പ്രകടിപ്പിച്ചു. എന്നാൽ, പതിവുപോലെ മോദി സർക്കാർ കൊറോണ​ പോരാളികളെ സഹായിക്കുന്നതിൽനിന്ന്​ പിൻമാറുകയാണ്​ ഉണ്ടായത്​. ഇവർക്കാവശ്യമായ സുരക്ഷ, ബഹുമാനം, സൗകര്യങ്ങൾ എന്നിവ ഉറപ്പാക്കണം' -രാഹുൽ ട്വിറ്ററിൽ കുറിച്ചു.