Begin typing your search above and press return to search.
proflie-avatar
Login
exit_to_app
exit_to_app
ട്രാക്​ടറോടിച്ച്​ പാർലമെന്‍റിലേക്ക്;​ കാർഷിക പ്രക്ഷോഭത്തിന്​ ഐക്യദാർഢ്യവുമായി രാഹുൽ ഗാന്ധി
cancel
Homechevron_rightNewschevron_rightIndiachevron_rightട്രാക്​ടറോടിച്ച്​...

ട്രാക്​ടറോടിച്ച്​ പാർലമെന്‍റിലേക്ക്;​ കാർഷിക പ്രക്ഷോഭത്തിന്​ ഐക്യദാർഢ്യവുമായി രാഹുൽ ഗാന്ധി

text_fields
bookmark_border

ന്യൂ ഡൽഹി: ഇടവേളക്കു ശേഷം കർഷക സംഘടനകൾ വീണ്ടും സജീവമായ പ്രക്ഷോഭത്തിന്​ കോൺഗ്രസ്​ നേതാവ്​ രാഹുൽ ഗാന്ധിയുടെ വേറിട്ട ഐക്യദാർഢ്യം. മൂന്ന്​ വിവാദ കാർഷിക നിയമങ്ങളും പിൻവലിക്കണമെന്ന ആവശ്യവുമായി ഡൽഹി നഗരമധ്യത്തിലൂടെ ട്രാക്​ടറിലേറി യാത്ര ചെയ്​താണ്​ രാഹുൽ പാർലമെന്‍റിലെത്തിയത്​. പഞ്ചാബ്​, ഹരിയാന എന്നിവിടങ്ങളിൽനിന്നുള്ള കോൺഗ്രസ്​ എം.പിമാരായ ദീപേന്ദർ ഹൂഡ, രവ്​നീത്​ സിങ്​ ബിട്ടു, പ്രതാപ്​ സിങ്​ ബജ്​വ എന്നിവ​ർക്കൊപ്പമായിരുന്നു വിജയ്​ ചൗക്​ വഴി ട്രാക്​ടർ യാത്ര.

എം.പിമാർ 'കാർഷിക നിയമങ്ങൾ പിൻവലിക്കുക', 'കർഷക വിരുദ്ധ കരിനിയമങ്ങൾ പിൻവലിക്കുക' തുടങ്ങിയ പ്ലക്കാർഡുകൾ ഉയർത്തി. ട്രാക്​ടറിന്‍റെ മുന്നിലും ഇതേ ആവശ്യവുമായി കൂറ്റൻ ബാനർ തൂക്കി. എൻ95 മാസ്​കണിഞ്ഞ്​ ഡ്രൈവറുടെ സീറ്റിലിരുന്ന രാഹുൽ മറ്റു എം.പിമാരുമായി ആശയങ്ങൾ പങ്കുവെച്ചും ട്രാക്​ടർ ഓടിച്ചുമായിരുന്നു യാത്ര.

അടിച്ചമർത്തപ്പെട്ടവരുടെ ശബ്​ദങ്ങൾ പാർലമെന്‍റിലെത്തിക്കാനായിരുന്നു യാത്രയെന്ന്​ രാഹുൽ പിന്നീട്​ മാധ്യമ പ്രവർത്തകരോട്​ പറഞ്ഞു.

കഴിഞ്ഞ ആഴ്ച ആരംഭിച്ച പാർലമെന്‍റ്​ വർഷകാല സമ്മേളനത്തിൽ കാർഷിക വിഷയങ്ങൾ കടുത്ത പ്രതിഷേധത്തിനിടയാക്കിയിരുന്നു. കോവിഡ്​ മഹാമാരി കൈകാര്യം ചെയ്​തതിലെ വീഴ്ചകൾക്കെതിരെയും പെഗസസ്​ ചാരപ്പണിക്കെതിരെയും പ്രതിഷേധക്കാർ രംഗത്തെത്തി.



Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Parliamentfarm lawson tractorRahul Gandhi
News Summary - Rahul Gandhi reaches Parliament on tractor in protests against farm laws
Next Story