ഐൻസ്​റ്റീനെ ഉദ്ധരിച്ച് കേന്ദ്ര സർക്കാറിനെതിരെ​ രാഹുൽ ഗാന്ധി

ന്യൂഡൽഹി: കോവിഡ്​ പ്രതിസന്ധി കൈകാര്യം ചെയ്യുന്നതിൽ കേ​ന്ദ്ര സർക്കാറിനെ കടന്നാക്രമിച്ച്​ കോൺഗ്രസ്​ നേതാവ്​ രാഹുൽ ഗാന്ധി. വിഖ്യാതനായ ശാസ്​ത്രജ്ഞൻ ആൽബർട്ട്​ ഐൻസ്​റ്റീ​​െൻറ വാചകം ഉദ്ധരിച്ചുകൊണ്ടായിരുന്നു കേന്ദ്രസർക്കാറിനെതിരെ രാഹുലി​​െൻറ ട്വീറ്റ്​. 

ഇത്​ ഈ ലോക്​ഡൗൺ തെളിയിക്കുന്നു: ‘അജ്ഞതയേക്കാൾ ഏറെ അപകടകരമായ ഒരേയൊരു കാര്യം​ ധാർഷ്​ട്യം ആണ്​’ ആൽബർട്ട്​ ഐൻസ്​റ്റീൻ - എന്നായിരുന്നു രാഹുലി​​െൻറ ട്വീറ്റ്​. ഇതോടൊപ്പം ‘ഫ്ലാറ്റണിങ്​ ദി റോങ്​ കർവ്​’ എന്ന തലക്കെ​​ട്ടോടെ വിവിധ ലോക്​ഡൗണുകളുടെ സമയത്ത്​​ സമ്പദ്​ വ്യവസ്ഥ താഴേക്കും കോവിഡ്​ മരണ നിരക്ക്​ മുകളിലേക്കും ഉയരുന്നതി​​െൻറ  ഗ്രാഫിക്സ്​ വിഡിയോയും ഉൾപ്പെടുത്തിയിരുന്നു. 

This lock down proves that:

“The only thing more dangerous than ignorance is arrogance.”
Albert Einstein pic.twitter.com/XkykIxsYKI

— Rahul Gandhi (@RahulGandhi) June 15, 2020

കോവിഡ്​ ബാധിതരുടെ എണ്ണത്തിൽ ലോകത്തിൽ നാലാം സ്ഥാനത്താണ്​ ഇന്ത്യ. രണ്ടുദിവസത്തിനിടെ രാജ്യത്തെ കോവിഡ്​ ബാധിതരുടെ എണ്ണത്തിൽ 7.6 ശതമാനം വർധനയാണ്​ രേഖപ്പെടുത്തിയത്​. 3,32,424 പേർക്കാണ് ഇന്ത്യയിൽ ഇതുവരെ​ കോവിഡ്​ സ്​ഥിരീകരിച്ചത്​. മരണസംഖ്യ 9,520 ആയി ഉയരുകയും ചെയ്​തു. കഴിഞ്ഞ 16 ദിവസത്തിനിടെ രാജ്യത്തെ മരണസംഖ്യ ഇരട്ടിയായി ഉയർന്നിട്ടുണ്ട്​.