കോൺഗ്രസ് അധികാരമേറ്റാൽ എല്ലാവർക്കും മിനിമം വരുമാനം -രാഹുൽ

റായ്​പുർ: കേന്ദ്രത്തിൽ കോൺ​ഗ്രസ് അധികാരത്തിൽ വന്നാൽ രാജ്യത്തെ എല്ലാ ദരിദ്രർക്കും മിനിമം വരുമാനം ഉറപ്പാക് കുമെന്ന്​ പാർട്ടി അധ്യക്ഷൻ രാഹുൽ ഗാന്ധി പറഞ്ഞു. ഛത്തിസ്​ഗഢിൽ 15 വർഷത്തെ ഇടവേളക്കു ശേഷം കോൺഗ്രസിനെ അധികാരത്തില െത്തിച്ച ​േവാട്ടർമാർക്കും കർഷകർക്കും നന്ദി രേഖ​പ്പെടുത്താനായി റായ്​പുരിൽ നടത്തിയ പരിപാടിയിൽ (കിസാൻ ആഭാർ സമ് മേളൻ) സംസാരിക്കുകയായിരുന്നു അദ്ദേഹം.

പ്രധാനമന്ത്രിയും ബി.ജെ.പിയും രണ്ടുതരം ഇന്ത്യക്കാരെ സൃഷ്​ടിക്കാനാണ്​ ശ്രമിക്കുന്നതെന്ന്​ രാഹുൽ ആരോപിച്ചു. അനിൽ അംബാനിയും നീരവ്​ മോദിയും വിജയ്​ മല്യയും മെഹുൽ ചോക്​സിയുമെല്ലാം ആണ്​ ഇതിൽ ഒരു വിഭാഗം. മറുവിഭാഗമാക​െട്ട ദരിദ്ര കർഷകരും. കോൺഗ്രസ്​ ചരിത്രപരമായ തീരുമാനമാണ്​ പ്രഖ്യാപിക്കു​ന്നത്​. കോൺഗ്രസ്​ നേതൃത്വത്തിലുള്ള സർക്കാർ എല്ലാവർക്കും മിനിമം വരുമാനം ഉറപ്പാക്കും. അതുവഴി, ഇന്ത്യയിലെ എല്ലാ ദരിദ്രർക്കും നിശ്ചിത വരുമാനം ലഭിക്കുന്ന അവസ്​ഥയുണ്ടാകും. വിശന്ന്​ കഴിയുന്നവർ രാജ്യത്ത്​ ഇല്ലാത്ത അവസ്​ഥക്ക്​ ഇൗ പദ്ധതി ഉപകാരപ്പെടും -രാഹുൽ പറഞ്ഞു.

കർഷകരുടെ കടം എഴുതിത്തള്ളിയ രേഖയും രാഹുൽ ചടങ്ങിൽ വിതരണം ചെയ്​തു. ഛത്തിസ്​ഗഢ്​​ മുഖ്യമന്ത്രി ഭൂപേശ്​ ബാ​േഘൽ, മുതിർന്ന നേതാവ്​ പി.എൽ. പുനിയ തുടങ്ങിയവർ സന്നിഹിതരായിരുന്നു. ഇക്കഴിഞ്ഞ ഛത്തിസ്​ഗഢ്​​ നിയമസഭ തെരഞ്ഞെടുപ്പിൽ കോൺഗ്രസ്​ 90ൽ 68 സീറ്റ്​ നേടിയാണ്​ വിജയം കൊയ്​തത്​. ഇവിടെ പാർട്ടി അധി​കാരത്തിൽ വന്നാൽ കാർഷികവായ്​പകൾ എഴുതിത്തള്ളുമെന്ന്​ രാഹുൽ ഗാന്ധി പ്രഖ്യാപിച്ചിരുന്നു.