രാഹുലും പ്രിയങ്കയും ഹാഥറസിൽ; കുടുംബാംഗങ്ങളെ കാണുന്നു

ന്യൂഡൽഹി: പ്രതിബന്ധങ്ങളെ വകഞ്ഞുമാറ്റി കോൺഗ്രസ്​ നേതാക്കളായ രാഹുൽ ഗാന്ധിയും പ്രിയങ്ക ഗാന്ധിയും ഉത്തർപ്രദേശിലെ ഹാഥറസിൽ കൂട്ടബലാത്സംഗത്തിനിരയായി കൊല്ലപ്പെട്ട ദലിത്​ പെൺകുട്ടിയുടെ വീട്ടിലെത്തി. കനത്ത സുരക്ഷാവലയത്തിലാണ്​ ഇരുവരും പെൺകുട്ടിയുടെ വീട്ടിലേക്കെത്തിയത്​. കോൺഗ്രസ്​ നേതാക്കളായ അധീർ രഞ്​ജൻ ചൗധരി, കെ.സി വേണുഗോപാൽ, രൺദീപ്​ സിങ്​ സുർജേവാല എന്നിവരും കൂടെയുണ്ട്​.

വീടിനകത്തേക്ക്​ കയറി കുട​ുംബാംഗങ്ങളുമായി കോൺഗ്രസ്​ നേതാക്കൾ വിവരങ്ങൾ ചോദിച്ചറിഞ്ഞു.പെൺക​​ുട്ടിയുടെ വീട്​ സന്ദർശിക്ക​ാൻ പുറപ്പെട്ട കോൺഗ്രസ്​ നേതാക്കളെ ഡൽഹി-യു.പി അതിർത്തിയിൽ ​പൊലീസ്​ തടഞ്ഞതിനെ തുടർന്ന്​ സംഘർഷമുണ്ടായിരുന്നു. പ്രതിഷേധങ്ങൾക്കൊടുവിൽ അഞ്ചുപേർക്ക്​ ഹഥ്​റസിലേക്ക്​ പോകാൻ അനുമതി നൽകുകയായിരുന്നു.

പ്രിയങ്ക ഓടിക്കുന്ന വാഹനത്തിൽ രാഹുലും പിന്നാലെയുള്ള വാഹനങ്ങളിൽ കോൺ​ഗ്രസ്​ എം.പിമാരും ചേർന്നാണ്​ ഡൽഹിയിൽനിന്ന്​ ഹാഥറസിലേക്ക്​ പു​റപ്പെട്ടത്​​. 30ൽ അധികം ​എം.പിമാർ രാഹുൽ ഗാന്ധിയെ അനുഗമിച്ചിരുന്നു​. അതിനിടെ കോൺഗ്രസ്​ യു.പി പി.സി.സി അധ്യക്ഷൻ അജയ്​ കുമാർ ലല്ലുവിനെ വീട്ടുതടങ്കലിലാക്കിയിട്ടുണ്ട്​.