റഫാലിൽ മോദിയുടെ പങ്ക്​ അന്വേഷിക്കണം -രാഹുൽ

ന്യൂഡൽഹി: റഫാൽ പോർവിമാന ഇടപാടിൽ അഴിമതി വ്യക്തമാണെന്നും പ്രധാനമന്ത്രി നരേന്ദ്ര മോദിക്കെതിരെ അന്വേഷണം നടക ്കണമെന്നും കോൺഗ്രസ്​ അധ്യക്ഷൻ രാഹുൽ ഗാന്ധി. ഫ്രഞ്ച്​ സർക്കാറും ദസോ കമ്പനിയുമായി വിദഗ്​ധ സംഘം ചർച്ച നടത്തു​ േമ്പാൾതന്നെ പ്രധാനമന്ത്രിയുടെ ഒാഫിസ്​ സമാന്തര ചർച്ച നടത്തിയത്​ അനിൽ അംബാനിയെ സഹായിക്കാനാണെന്ന്​ രാഹുൽ ആരോപിച്ചു.

പ്രധാനമന്ത്രിയുടെ ഒാഫിസ്​ റഫാൽ ഇടപാടിൽ ബൈപാസ്​ സർജറി നടത്തുകയാണ്​ ചെയ്​തത്​. അങ്ങനെ ​ചെയ്യുന്നതിന്​ തീർച്ചയായും ഒരു കാരണമുണ്ട്​. അത്​ കണ്ടെ​ത്തണം. വിമാനം ഇന്ത്യക്ക്​ നൽകിത്തുടങ്ങുന്ന സമയപരിധി നീട്ടിക്കൊടുത്തതിനെക്കുറിച്ചും അന്വേഷണം നടക്കണം. പ്രധാനമന്ത്രി കുറ്റക്കാരനല്ലെങ്കിൽ അന്വേഷണത്തെ ഭയക്കേണ്ട കാര്യമില്ല.

ചില ഫയലുകൾ കൈവശംവെച്ച്​ അന്നത്തെ പ്രതിരോധമന്ത്രി മനോഹർ പരീകർ പലരെയും ബ്ലാക്​മെയിൽ ചെയ്യുന്നുവെന്ന വെളിപ്പെടുത്തലും ഇതിനിടെ ഉണ്ടായിട്ടുണ്ട്​. പ്രതിരോധ മന്ത്രാലയത്തിൽനിന്ന്​ രേഖകൾ മോഷ്​ടിക്കപ്പെട്ടു എന്ന വാദവും അന്വേഷിക്കപ്പെടണം. ധീരത കാണിക്കുന്ന മാധ്യമ പ്രവർത്തകരെ ശിക്ഷിക്കുന്ന ഏർപ്പാടാണ്​ സർക്കാർ നടത്തുന്നത്​.

മോദിയുടെ ഭരണത്തിൽ കീഴിൽ ‘കാണാതാകൽ’ ഒരു പുതിയ സംഭവമായി മാറിയിട്ടുണ്ട്​. റഫാൽ ഫയൽ പ്രതിരോധ മന്ത്രാലയത്തിൽനിന്ന്​ കാണാതാവുന്നു. രണ്ടു കോടി തൊഴിൽ ചെറുപ്പക്കാർക്കിടയിൽനിന്ന്​ അപ്രത്യക്ഷമാവുന്നു. കർഷക​​​െൻറ ഉൽപന്നങ്ങൾക്ക്​ ന്യായവില എന്നതും കാണാനില്ല.

ഇന്ത്യ-പാക്​ വിഷയത്തിൽ പ്രതിപക്ഷം പാകിസ്​താനുവേണ്ടി സംസാരിക്കുന്നുവെന്ന ​േമാദിയുടെ ആക്ഷേപം രാഹുൽ തള്ളിക്കളഞ്ഞു. പാകിസ്​താ​​െൻറ പോസ്​റ്റർ ബോയ്​ മോദിയാണ്​. സത്യപ്രതിജ്​ഞക്ക്​ അന്നത്തെ പാക്​ പ്രധാനമന്ത്രിയെ ഡൽഹിക്ക്​ വിളിച്ചതും പത്താൻകോ​േട്ടക്ക്​ ചാരസംഘടനയായ ​െഎ.എസ്​.​െഎക്ക്​ കടന്നുവരാൻ വഴിയൊരുക്കിയതും മോദിയാണെന്ന്​ രാഹുൽ കുറ്റപ്പെടുത്തി.