You are here

രാഹുൽ ഗാന്ധി വിദേശ യാത്ര സംബന്ധിച്ച്​ വിശദീകരണം നൽകണമെന്ന്​ ബി.ജെ.പി

19:50 PM
31/10/2019

ന്യൂഡൽഹി: കോൺഗ്രസ്​ നേതാവും മുൻ അധ്യക്ഷനുമായ രാഹുൽ ഗാന്ധി അടിക്കടി നടത്തുന്ന വിദേശ യാത്രകൾ സംബന്ധിച്ച്​ പാർലമ​െൻറിന്​ വിശദീകരണം നൽകണമെന്ന്​ ബി.ജെ.പി. ‘‘രാഹുലി​​െൻറ വിദേശ യാത്ര സംബന്ധിച്ച വിവരങ്ങൾ ബി.ജെ.പി ആവശ്യപ്പെടുകയാണ്​. ഓരോ യാത്രയുടേയും ഉദ്ദേശം സംബന്ധിച്ചും അതിനുള്ള സാമ്പത്തിക സ്രോതസ്സ്​ സംബന്ധിച്ചും അദ്ദേഹം വിശദീകരിക്കണം’’-ബി.ജെ.പി വക്താവ്​ ജി.വി.എൽ നരസിംഹ റാവു പറഞ്ഞു.

രാഹുൽഗാന്ധി ധ്യാനത്തിനായി വിദേശത്ത്​ പോയതാണെന്നാണ്​ കോൺഗ്രസ്​ പറയുന്നത്​. ഇൗ മാസം ആദ്യവും അദ്ദേഹം രാജ്യത്തിന്​ പുറത്ത്​ പോയിരുന്നു. രാഹുൽഗാന്ധിക്ക്​ ലോക്​സഭയെ അറിയിക്കാൻ കഴിയാത്ത എന്ത്​ വലിയ രഹസ്യമാണുള്ളത്​.? എങ്ങനെയാണ്​ ഈ ആഢംബര യാത്രകൾക്ക്​ രാഹുൽഗാന്ധി പണം ചെലവഴിക്കുന്നത്​. 

കഴിഞ്ഞ അഞ്ച്​ വർഷത്തിനിടക്ക്​ 16 തവണയാണ്​ രാഹുൽ ഗാന്ധി വിദേശയാത്ര നടത്തിയത്​. ഒരു ജനപ്രതിനിധി എന്ന നിലയിലും മുതിർന്ന കോൺഗ്രസ്​ നേതാവ്​ എന്ന നിലയിലും ​അദ്ദേഹം ഇൗ വിവരങ്ങൾ വെളിപ്പെടുത്തുമെന്നാണ്​ പ്രതീക്ഷിക്കുന്നതെന്നും ബി.ജെ.പി വക്താവ്​ വ്യക്തമാക്കി. 

രാഹുൽ അദ്ദേഹത്തി​​െൻറ മണ്ഡലമായ വയനാട്ടി​േലക്ക്​ ​പോകുന്നതി​േനക്കാൾ കൂടുതൽ വി​േദശയാത്രകൾ നടത്തിയിട്ടുണ്ടെന്നും അതുകൊണ്ടാണ്​ അമേഠിയിലെ ജനങ്ങൾ അദ്ദേഹത്തെ തെരഞ്ഞെടുക്കാതെ വീട്ടിലേക്ക്​ പറഞ്ഞയച്ചതെന്നും ജി.വി.എൽ നരസിംഹ റാവു പരിഹസിച്ചു.

Loading...
COMMENTS