കത്​വ: പ്രതിഷേധം ശക്​തമാവുന്നു; അർധരാത്രി കോൺ​ഗ്രസി​െൻറ​ ഇന്ത്യാഗേറ്റ്​ മാർച്ച്​

ന്യൂഡൽഹി: ജമ്മുകശ്​മീരിലെ കത്​വയിൽ എട്ട്​ വയസുകാരി ബലാത്സംഗത്തിനിരയായ കൊല്ലപ്പെട്ട സംഭവത്തിൽ  പരസ്യ പ്രതിഷേധത്തിന്​ ഒരുങ്ങി കോൺഗ്രസ്​. ഇതി​​​​​​​െൻറ ഭാഗമായി കോൺഗ്രസ്​ അധ്യക്ഷൻ രാഹുൽ ഗാന്ധിയുടെ നേതൃത്വത്തിൽ ഇന്ന്​ അർധരാത്രി ഇന്ത്യഗേറ്റിലേക്ക്​ മാർച്ച്​ നടത്തും. കോൺഗ്രസ്​ ആസ്ഥാനത്ത്​ നിന്നാവും മാർച്ച്​ ആരംഭിക്കുക. മുതിർന്ന കോൺഗ്രസ്​ നേതാക്കളും മാർച്ചി​​​​​​​െൻറ ഭാഗമാകും.

കത്​വ സംഭവത്തെ അപലപിച്ച്​ രാഹുൽ ഗാന്ധി ട്വീറ്റ്​ ചെയ്​തതിന്​ പിന്നാലെയാണ്​ കോൺഗ്രസ്​ മാർച്ച്​. കത്​വ ബലാത്സംഗത്തിലെ പ്രതികൾ ശിക്ഷയിൽനിന്നു രക്ഷപ്പെടരുത്. എങ്ങിനെയാണ് ഈ അക്രമികളെ ചിലർക്ക് സംരക്ഷിക്കാൻ കഴിയുക. നി​ഷ്ക​ള​ങ്ക​യാ​യ ഒരു  കു​ട്ടി​യോ​ട് കാട്ടിയ ക്രൂ​ര​തയെ രാ​ഷ്ട്രീ​യവത്കരിക്കാൻ അനുവദിക്കരുതെന്നും രാഹുൽ ട്വീറ്റിൽ ആവശ്യപ്പെട്ടിരുന്നു.

അതേ സമയം, രാജ്യത്തെ​ ​െഞട്ടിച്ച കത്​വ, ഉന്നാവ സംഭവങ്ങളിൽ ഡൽഹിയിൽ മനുഷ്യാവകശ പ്രവർത്തകരും വിവിധ സംഘടനകളും ഇന്ന്​  ​പ്രതിഷേധമുയർത്തിയിരുന്നു. വ്യാഴാഴ്​ച പാർലമ​​​​​​െൻറ്​ സ്​ട്രീറ്റിലാണ്​ പ്രതികളായ സംഘ്​പരിവാർ പ്രവർത്തകർക്കെതിരെ നടപടി ആവശ്യപ്പെട്ടും കുറ്റുവാളികളെ സംരക്ഷിക്കുന്ന ബി.ജെ.പി സർക്കാറ​ുകൾക്കെതിരെയും ശക്​തമായ പ്രതിഷേധം നടന്നത്​ . പിഞ്ചുകുട്ടികളെയടക്കം പീഡിപ്പിച്ചു കൊല്ലുന്ന കുറ്റവാളികളെ ബി​.ജെ.പിസര്‍ക്കാരുകള്‍ സംരക്ഷിക്കുകയാണ്.

അക്രമികളെ സംരക്ഷിച്ച് സ്ത്രീ സുരക്ഷ അട്ടിമറിക്കുന്ന നീക്കങ്ങള്‍ അവസാനിപ്പിക്കണം തുടങ്ങി മുദ്രവാക്യം ഉയർത്തി നടത്തയ പ്രതിഷേധം പാര്‍ലമ​​​​​​െൻറ്​ സ്ട്രീറ്റ് പൊലീസ് സ്​റ്റേഷനു മുമ്പിൽ ​ ബാരിക്കേഡുയര്‍ത്തി തടഞ്ഞു. ന്യൂനപക്ഷങ്ങള്‍ക്കും ദുര്‍ബലര്‍ക്കുമെതിരെ ക്രൂര പീഡനങ്ങള്‍ നിരന്തരം ആവര്‍ത്തിക്കുകയും കുറ്റവാളികളെ ബി.ജെ.പി സര്‍ക്കാര്‍ സംരഷിക്കുകയും ചെയ്യുന്ന ഭീതിനിറഞ്ഞ സാഹചര്യമാണ് രാജ്യത്തുള്ളതെന്ന് മഹിളാ അസോസിയേഷന്‍ ജനറല്‍ സെക്രട്ടറി മറിയം ദാവ്​ലെ പറഞ്ഞു.

സി.പി.ഐ നേതാവ് ആനി രാജ, ഷബ്നം ഹാഷ്മി, കവിതാ കൃഷ്ണന്‍, സെഹ്ബ ഫറൂഖി, മൈമുന മൊല്ല തുടങ്ങിയവർ സംസാരിച്ചു.  മഹിളാ അസോസിയേഷന്‍, എ.ഐ.പി.ഡബ്ല്യു.എ, എൻ.എഫ്.ഐ.ഡബ്ല്യു, ജെ.എന്‍യു.എസ്​.യു, എസ്.എഫ്.ഐ, എ.ഐ.എസ്.എ തുടങ്ങിയ സംഘടനകളുടെ നേതൃത്വത്തിലായിരുന്നു പ്രതിഷേധം.