രാഹുൽ ഗാന്ധി മംഗളൂരുവിൽ

മംഗളൂരു: കോൺഗ്രസ് അധ്യക്ഷൻ രാഹുൽ ഗാന്ധി ദക്ഷിണ കന്നട, ഉടുപ്പി ജില്ലകളിൽ രണ്ടു ദിവസ പര്യടനത്തിനായി  മംഗളൂരുവിലെത്തി. രാവിലെ 11.30ന് മംഗളൂരു രാജ്യാന്തര വിമാനതാവളത്തിലിറങ്ങിയ രാഹുൽ കർണാടകയിലെ പാർട്ടി നേതാക്കൾക്കൊപ്പം ഹെലികോപ്റ്ററിൽ കാപിലേക്ക് പോയി. മുഖ്യമന്ത്രി സിദ്ധാരാമയ്യ, കെ.പി.സി.സി പ്രസിഡണ്ട് ഡോ.പരമേശ്വര, മന്ത്രിമാരായ ഡി.കെ.ശിവകുമാർ, ബി.രമാനാഥ റൈ, മല്ലികാർജ്ജുന ഖാർഗെ എം.പി, മേയർ ഭാസ്കർ കെ.മൊയ്ലി എന്നിവർ സ്വീകരിച്ചു.