Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഞാനില്ല -തീർത്തുപറഞ്ഞ്...

ഞാനില്ല -തീർത്തുപറഞ്ഞ് രാഹുൽ; ഗെഹ്ലോട്ട് മത്സരിക്കും

text_fields
bookmark_border
രാ​ജ​സ്ഥാ​ൻ മു​ഖ്യ​മ​ന്ത്രി അ​ശോ​ക് ഗെഹ് ലോട്ട്, രാഹുൽ ഗാന്​ധി
cancel
camera_alt

 അ​ശോ​ക് ഗെഹ് ലോട്ട്, രാഹുൽ ഗാന്​ധി 

ന്യൂ​ഡ​ൽ​ഹി: നെ​ഹ്റു കു​ടും​ബ​ത്തി​ൽ​നി​ന്ന് ആ​രും കോ​ൺ​ഗ്ര​സ് പ്ര​സി​ഡ​ന്റാ​കാ​ൻ ഇ​ല്ലെ​ന്ന് തീ​ർ​ത്തു​പ​റ​ഞ്ഞ് രാ​ഹു​ൽ ഗാ​ന്ധി. ഇ​തോ​ടെ, നെ​ഹ്റു​കു​ടും​ബ​ത്തി​ന്റെ ആ​ശീ​ർ​വാ​ദ​മു​ള്ള രാ​ജ​സ്ഥാ​ൻ മു​ഖ്യ​മ​ന്ത്രി അ​ശോ​ക് ഗെഹ് ലോട്ട് സ്ഥാ​നാ​ർ​ഥി​യാ​കും. ര​ണ്ടു പ​ദ​വി പ​റ്റി​ല്ലെ​ന്ന് രാ​ഹു​ൽ ഗാ​ന്ധി വി​ല​ക്കി​യ​തി​നാ​ൽ അ​ദ്ദേ​ഹം മു​ഖ്യ​മ​ന്ത്രി സ്ഥാ​നം രാ​ജി​വെ​ക്കും.

മു​ഖ്യ​മ​ന്ത്രി​പ​ദം നി​ല​നി​ർ​ത്താ​നും പ്ര​സി​ഡ​ന്റാ​കാ​ൻ രാ​ഹു​ലി​നെ പ്രേ​രി​പ്പി​ക്കാ​നും കൊ​ച്ചി​യി​ലെ​ത്തി അ​ശോ​ക് ഗെഹ് ലോട്ട് ന​ട​ത്തി​യ അ​വ​സാ​ന​വ​ട്ട ശ്ര​മം ഫ​ലി​ച്ചി​ല്ല. നെ​ഹ്റു​കു​ടും​ബ​ത്തി​നു പു​റ​ത്തു​നി​ന്നൊ​രാ​ൾ പ്ര​സി​ഡ​ന്റാ​ക​ട്ടെ​യെ​ന്ന നി​ല​പാ​ടി​ൽ രാ​ഹു​ൽ ഉ​റ​ച്ചു​നി​ന്നു. താ​ൻ സ്ഥാ​നാ​ർ​ഥി​യാ​കു​മെ​ന്നും പു​തി​യ മു​ഖ്യ​മ​ന്ത്രി​യെ പാ​ർ​ട്ടി അ​ധ്യ​ക്ഷ സോ​ണി​യ ഗാ​ന്ധി നി​ശ്ച​യി​ക്കു​മെ​ന്നും ഇ​തേ​ത്തു​ട​ർ​​ന്ന് ഗെ​ഹ്‍ലോ​ട്ട് കൊ​ച്ചി​യി​ൽ പ്ര​ഖ്യാ​പി​ച്ചു.

ര​ണ്ടു പ​ദ​വി​യി​ലും തു​ട​രാ​ൻ പ​റ്റി​ല്ലെ​ന്നു​വ​ന്ന​തോ​ടെ, ത​ന്റെ വി​ശ്വ​സ്ത​നെ മു​ഖ്യ​മ​ന്ത്രി​യാ​ക്ക​ണ​മെ​ന്ന ഗെഹ് ലോട്ടിന്റെ ആ​വ​ശ്യം നെ​ഹ്റു​കു​ടും​ബം ത​ള്ളി​ക്ക​ള​ഞ്ഞി​ട്ടി​ല്ല. ഗെഹ് ലോട്ട് മാ​റി​യാ​ൽ സ​ചി​ൻ പൈ​ല​റ്റാ​ണ് രാ​ജ​സ്ഥാ​നി​ലെ സ്വാ​ഭാ​വി​ക പി​ൻ​ഗാ​മി. ഗെഹ് ലോട്ട്-​സ​ചി​ൻ​ പോ​ര് ഒ​തു​ക്കാ​ൻ രാ​ഹു​ൽ മു​മ്പ് ഈ ​വാ​ഗ്ദാ​നം ന​ൽ​കി​യി​രു​ന്നു. എ​ന്നാ​ൽ ത​ന്റെ മ​ന്ത്രി​സ​ഭ അ​ട്ടി​മ​റി​ക്കാ​ൻ ശ്ര​മി​ച്ച പൈ​ല​റ്റി​ന് മു​ഖ്യ​മ​ന്ത്രി​സ്ഥാ​നം വി​ട്ടു​കൊ​ടു​ക്ക​രു​ത് എ​ന്ന​ത് ഗെഹ് ലോട്ടിന്റെ പ്ര​ധാ​ന ആ​വ​ശ്യ​മാ​ണ്. മു​തി​ർ​ന്ന നേ​താ​വ് സി.​പി. ജോ​ഷി​യും മു​ഖ്യ​മ​ന്ത്രി​ക്ക​സേ​ര​ക്ക് ശ്ര​മം ന​ട​ത്തു​ന്നു​ണ്ട്.

ഗെഹ് ലോട്ട് ഡ​ൽ​ഹി​യി​ലെ​ത്തി തി​ങ്ക​ളാ​ഴ്ച പ​ത്രി​ക ന​ൽ​കി​യേ​ക്കും. രാ​ഹു​ൽ ഗാ​ന്ധി ഇ​ല്ലെ​ന്ന് ഉ​റ​പ്പാ​യ​തോ​ടെ തി​രു​ത്ത​ൽ​പ​ക്ഷം മ​ത്സ​ര​ത്തി​ന് ത​യാ​റെ​ടു​ക്കു​ക​യാ​ണ്. ശ​ശി ത​രൂ​ർ സ്ഥാ​നാ​ർ​ഥി​യാ​വും. മ​ത്സ​രി​ക്കാ​നു​ള്ള അ​ർ​ഹ​ത വി​ളി​ച്ചു​പ​റ​ഞ്ഞ മ​ധ്യ​​പ്ര​ദേ​ശ് മു​ൻ​മു​ഖ്യ​മ​ന്ത്രി ദി​ഗ്‍വി​ജ​യ്സി​ങ് പി​ന്മാ​റ്റം പ്ര​ഖ്യാ​പി​ച്ചി​ട്ടു​ണ്ട്. മ​ധ്യ​പ്ര​ദേ​ശ് മു​ൻ മു​ഖ്യ​മ​ന്ത്രി ക​മ​ൽ​നാ​ഥ്, മു​ൻ​കേ​ന്ദ്ര​മ​ന്ത്രി മ​നീ​ഷ് തി​വാ​രി, മ​ഹാ​രാ​ഷ്ട്ര മു​ൻ മു​ഖ്യ​മ​ന്ത്രി ​പൃ​ഥ്വി​രാ​ജ് ച​വാ​ൻ എ​ന്നി​വ​ർ അ​ന്തി​മ നി​ല​പാ​ട് എ​ടു​ത്തി​ട്ടി​ല്ല. നാ​മ​നി​ർ​ദേ​ശ പ​ത്രി​ക ശ​നി​യാ​ഴ്ച മു​ത​ൽ 30വ​രെ സ്വീ​ക​രി​ക്കും. ര​ണ്ടു പ​തി​റ്റാ​ണ്ടി​നു​ശേ​ഷ​മാ​ണ് നെ​ഹ്റു​കു​ടും​ബ​ത്തി​നു പു​റ​ത്തൊ​രാ​ൾ കോ​ൺ​ഗ്ര​സി​ന്റെ അ​മ​ര​ത്തേ​ക്ക് വ​രു​ന്ന​ത്. 2000ത്തി​ലാ​ണ് ഏ​റ്റ​വു​മൊ​ടു​വി​ൽ മ​ത്സ​രം ന​ട​ന്ന​ത്. അ​തേ​സ​മ​യം, ന​ര​സിം​ഹ റാ​വു​വി​നു​ശേ​ഷം നെ​ഹ്റു​കു​ടും​ബ​ത്തി​ന്റെ മേ​ധാ​വി​ത്വം അം​ഗീ​ക​രി​ക്കാ​ത്ത പ്ര​സി​ഡ​ന്റ് കോ​ൺ​ഗ്ര​സി​ന് ഉ​ണ്ടാ​യി​ട്ടി​ല്ല.

Show Full Article
TAGS:congress president rahul gandhi ashokgehlot 
News Summary - Rahul Gandhi is not for the post of Congress President
Next Story