അമർ ജവാൻ ജ്യോതിയുടെ ചിത്രവുമായി രാഹുൽ ഗാന്ധിയുടെ റിപബ്ലിക്​ ദിനാശംസ

ന്യൂഡൽഹി: അമർ ജവാൻ ജ്യോതിയുടെ ചിത്രവുമായി രാജ്യത്തിന്​ റിപബ്ലിക്​ ദിനാശംസകൾ നേർന്ന്​ കോൺഗ്രസ്​ നേതാവും എം.പിയുമായ രാഹുൽ ഗാന്ധി. 1950ലെ റിപബ്ലിക്​ ദിനത്തിൽ നമ്മുടെ രാജ്യം ശരിയായ ദിശയിലുള്ള ആദ്യത്തെ ചുവടുവെപ്പ്​ ആത്​മവിശ്വാസത്തോടെ നടത്തിയെന്ന്​ രാഹുൽ ഗാന്ധി ട്വീറ്റ്​ ചെയ്​തു. സത്യത്തിലേക്കും സമത്വത്തിലേക്കുമായിരുന്നു ആ ചുവടുവെപ്പെന്നും അദ്ദേഹം പറഞ്ഞു.

റിപബ്ലിക്​ ദിനത്തിലെ രാഹുൽ ഗാന്ധിയുടെ ട്വീറ്റിലെ പ്രധാന സവിശേഷത അമർ ജവാൻ ജ്യോതിയുടെ ചിത്രമാണ്​. ട്വിറ്റീനൊപ്പം അമർ ജവാൻ ജ്യോതിയുടെ ഇല്ലുസ്​ട്രേഷനാണ്​ രാഹുൽ ഗാന്ധി ഉൾപ്പെടുത്തിയത്​. നേരത്തെ വീരമൃത്യു വരിച്ച സൈനികരുടെ നിത്യസ്​മരണക്കായുള്ള ഇന്ത്യഗേറ്റിലെ അണയാദീപം ​'അമർ ജവാൻ ജ്യോതി' സമീപത്തെ ദേശീയ യുദ്ധസ്​മാരകത്തിലേക്ക്​ മാറ്റിയിരുന്നു. ഇൻറഗ്രേറ്റഡ്​ ഡിഫൻസ്​ സ്​റ്റാഫ്​മേധാവി എയർ മാർഷൽ ബാലഭദ്ര രാധാകൃഷ്​ണയാണ്​ അമർ ജവാൻ ജ്യോതി ദേശീയ യുദ്ധസ്​മാരകത്തിലെ ജ്യോതിയിൽ ലയിപ്പിച്ചത്​.

ഇന്ത്യയുടെ സൈനിക ചരിത്രത്തി​െൻറ തിളക്കമായി 50 വർഷം ജ്വലിച്ച വിളക്ക്​ 400 മീറ്റർ അകലെ ദേശീയ യുദ്ധ സ്​മാരകത്തി​െൻറ ഭാഗമാക്കിയത്​ രാഷ്​ട്രീയവിവാദവും ആയിരുന്നു. രാഹുൽ ഗാന്ധി തന്നെ ഈ നടപടിക്കെതിരെ രംഗത്തെത്തിയിരുന്നു. റിപബ്ലിക്​ ദിനത്തിലെ ട്വീറ്റിലും അമർ ജവാൻ ജ്യോതി മാറ്റിയതിലെ കടുത്ത എതിർപ്പാണ്​ രാഹുൽ ഗാന്ധി പ്രകടിപ്പിക്കുന്നത്​.