Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightരാഹുൽ ഗാന്ധിയുടേത്​...

രാഹുൽ ഗാന്ധിയുടേത്​ വിദേശീയ മാനസികാവസ്ഥയെന്ന്​ ​ ബി.ജെ.പി എം.എൽ.എ സുരേന്ദ്ര സിങ്​

text_fields
bookmark_border
രാഹുൽ ഗാന്ധിയുടേത്​ വിദേശീയ മാനസികാവസ്ഥയെന്ന്​ ​ ബി.ജെ.പി എം.എൽ.എ സുരേന്ദ്ര സിങ്​
cancel

ബല്ലിയ: മാതാപിതാക്കൾ തങ്ങളുടെ പെൺമക്കളിൽ സംസ്​കാരവും നല്ല മൂല്യങ്ങളും വളർത്തിയാൽ മാത്രമേ ബലാത്സംഗങ്ങൾ തടയാൻ കഴിയുകയുള്ളൂയെന്ന വിവാദ പ്രസ്​താവനക്ക്​ പിറകെ, ഹാഥറസിലെ പെൺകുട്ടിയു​െട കുടുംബത്തെ സന്ദർശിച്ച കോൺഗ്രസ്​ നേതാവ്​ രാഹുൽ ഗാന്ധിയെ വിമർശിച്ച്​ ബി.ജെ.പി എം.എൽ.എ. ഉത്തർപ്രദേശ്​ ബല്ലിയയിലെ ബെയ്‌രിയ എം.എൽ.എ സുരേന്ദ്ര സിങ്ങാണ്​ വീണ്ടും വിവാദ പ്രസ്​താവനയുമായി രംഗത്തെത്തിയിരിക്കുന്നത്​. രാഹുൽ ഗാന്ധിക്ക്​ വിദേശീയരുടെ മാനസികാവസ്ഥയാണെന്നും അദ്ദേഹത്തിന്​ ഇന്ത്യൻ സംസ്​കാരത്തെ കുറിച്ച്​ ഒന്നും അറിയില്ലെന്നുമാണ്​ സുരേന്ദ്ര സിങ്ങി​െൻറ പുതിയ വാദം.

ദ്വന്ദ വ്യക്തിത്വവും വിദേശ മാനസികാവസ്ഥയുമുള്ള വ്യക്തിയാണ് രാഹുൽ. ഇന്ത്യൻ സംസ്കാരത്തെക്കുറിച്ച് അദ്ദേഹത്തിന് ഒരറിവുമില്ല. ദേശീയവാദികളിൽ നിന്ന് ട്യൂഷൻ എടുക്കുകയാണെങ്കിൽ ദേശീയതയുടെ നിർവചനം അദ്ദേഹത്തിന് മനസ്സിലാകും. രാജ്യത്തെ സംസ്കാരത്തിൻെറ പ്രാധാന്യം അദ്ദേഹത്തിന് മനസ്സിലാക്കാൻ കഴിഞ്ഞിട്ടില്ല- സുരേന്ദ്ര സിങ്​ പി.ടി.ഐ വാർത്താ ഏജൻസജിയോട്​ പറഞ്ഞു.

ഹാഥറസിലെ പെൺകുട്ടിയുടെ കുടുംബത്തെ സന്ദർശിക്കാനുള്ള യാത്രയിൽ രാഹുലി​െൻറയും പ്രിയങ്കയുടെയും ദ്വന്ദവ്യക്തിത്വം വ്യക്തമായതാണ്​. യാത്രക്കിടെ അവർ ചിരിക്കുമ്പോൾ, അവർ വീടുകളിലെത്തു​േമ്പാൾ കണ്ണുനീർ ഒഴുക്കുന്നു- സുരേന്ദ്ര സിങ് പറഞ്ഞു.

ശനിയാഴ്​ച വൈകീട്ടാണ്​ രാഹുലും പ്രിയങ്കയും ഹാഥറസിലെത്തി കൂട്ടബലാത്സംഗത്തിനിരയായി കൊല്ലപ്പെട്ട പെൺകുട്ടിയുടെ കുടുംബാംഗങ്ങളെ സന്ദർശിച്ചത്​.

ഹാഥറസ്​ സംഭവത്തിൽ രാജ്യമാകെ പ്രതിഷേധം അലയടിക്കു​​േമ്പാൾ പെൺകുട്ടികളെ സംസ്​കാരവും മൂല്യങ്ങളും പഠിപ്പിക്കാത്തതാണ്​ ബലാത്സംഗത്തിനും മറ്റും കാരണമെന്നും നല്ല മൂല്യങ്ങൾ പകർന്നു നൽകിയാൽ മാത്രമേ ഇത്തരം സംഭവങ്ങൾ അവസാനിക്കുകയുള്ളൂ എന്നുമുള്ള സുരേന്ദ്ര സിങ്ങി​െൻറ പ്രസ്​താവന വിവാദമായിരുന്നു.

Show Full Article
TAGS:Surendra Singh Hathras rape Foreign Mentality Rahul Gandhi 
Next Story