You are here

അമേത്തിയെ ഇളക്കി മറിച്ച് റോഡ് ഷോ; രാഹുൽ പത്രിക സമർപ്പിച്ചു VIDEO

13:11 PM
10/04/2019
rahul-amethi

അമേത്തി: ലോക്​സഭാ തെരഞ്ഞെടുപ്പിൽ മത്സരിക്കുന്ന രണ്ടാം മണ്ഡലമായ ഉത്തർപ്രദേശിലെ അമേത്തിയിൽ കോൺഗ്രസ്​ അധ്യക്ഷൻ രാഹുൽ ഗാന്ധി നാമനിർദേശ പത്രിക സമർപ്പിച്ചു. യു.പി.എ അധ്യക്ഷ സോണിയ ഗാന്ധി, സഹോദരിയും എ.ഐ.സി.സി ജനറൽ സെക്രട്ടറിയുമായ പ്രിയങ്ക ഗാന്ധി, സഹോദരി ഭർത്താവും വ്യവസായിയുമായ റോബർട്ട്​ വാദ്ര എന്നിവർ രാഹുലിനൊപ്പമുണ്ടായിരുന്നു. 

rahul-amethi

ആയിരങ്ങൾ അണി നിരന്ന റോഡ്​ ഷോക്ക്​ ശേഷമാണ്​ രാഹുൽ പത്രിക സമർപ്പിച്ചത്​. പ്രിയങ്ക ഗാന്ധിയെ കൂടാതെ പ്രിയങ്കയുടെ ഭർത്താവ് റോബർട്ട്​ വാദ്രവും മക്കളും റോഡ് ഷോയിൽ പങ്കെടുത്തു. എന്നാൽ, സോണിയ ഗാന്ധി പങ്കെടുത്തില്ല. 

നേരത്തെ, ​വയനാട്​ ലോക്​സഭാ മണ്ഡലത്തിലും പ്രവർത്തകരെ ആവേശത്തിലാഴ്​ത്തിയ റോഡ്​ ഷോയ്​​ക്ക്​ ശേഷം രാഹുൽ പത്രിക സമർപ്പിച്ചിരുന്നു. വലിയ ജനപങ്കാളിത്തമാണ് വയനാട്ടിലും കണ്ടത്.

rahul-amethi

രാ​ഹു​ൽ ഗാ​ന്ധി​യു​ടെ നാ​മ​നി​ർ​ദേ​ശപ​ത്രി​ക സ​മ​ർ​പ്പ​ണ​ത്തി​ന് സാ​ക്ഷി​യാ​കാ​ൻ അദ്ദേഹത്തിൻെറ ക്ഷണം സ്വീകരിച്ച്​ വ​യ​നാ​ട് ലോ​ക്സ​ഭ മ​ണ്ഡ​ല​ത്തി​ലെ അ​ഞ്ചു​പേ​ർ അ​മേ​ത്തി​യി​ലെ​ത്തി​യിരുന്നു​. ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റ് എ. ​പ്ര​ഭാ​ക​ര​ൻ, മ​ല​പ്പു​റം ഡി.​സി.​സി വൈ​സ് പ്ര​സി​ഡ​ൻ​റ് അ​ഡ്വ. ബാ​ബു മോ​ഹ​ന കു​റു​പ്പ്, പോ​രൂ​ർ സ്വ​ദേ​ശി കെ. ​സു​നി​ൽ​കു​മാ​ർ, ബി.​എം. ജം​നാ​സ്, ഊ​ർ​ങ്ങാ​ട്ടേ​രി സ്വ​ദേ​ശി കെ. ​അ​നൂ​പ് എന്നിവരാണ് അ​മേ​ത്തി​യി​ലെ​ത്തി​യ​ത്. അ​മേ​ത്തി​യി​ലെ വി​വി​ധ പ്ര​ദേ​ശ​ങ്ങ​ളി​ൽ രാ​ഹു​ൽ ഗാ​ന്ധി​ക്ക് വേ​ണ്ടി ഇ​വ​ർ പ്ര​ചാ​ര​ണം ന​ട​ത്തും.

Loading...
COMMENTS