രാഹുൽ മുത്തച്​ഛൻ ഫിറോസ്​ ഗാന്ധിയുടെ ശവകുടീരം സന്ദർശിക്കാറില്ലെന്ന്​ യു.പി മന്ത്രി

ലക്​നോ: രാഹുൽ ഗാന്ധിയുടെ മുത്തച്​ഛ​നായ ഫിറോസ്​ ഗാന്ധി ന്യൂനപക്ഷ സമുദായത്തിൽ നിന്നുള്ള വ്യക്തിയായതിനാൽ പ ്രയാഗ്​രാജിലെ അദ്ദേഹത്തി​​​​െൻറ ശവകുടീരം സന്ദർശിക്കാൻ കോൺഗ്രസ്​ അധ്യക്ഷൻ പോകാറില്ലെന്ന്​ ഉത്തർപ്രദേശ്​ ന്യൂനപക്ഷ കാര്യ മ​ന്ത്രിയ മുഹ്​സിൻ റാസ. ന്യൂനപക്ഷ വിഭാഗത്തിൽ നിന്നുള്ള ആളായാതിനാലാണ്​ ഫിറോസ്​ ഗാന്ധി അവഗണി ക്ക​പ്പെടുന്നതെന്നും റാസ പറഞ്ഞു.

സ്വാതന്ത്ര്യസമര സേനാനിയും രാഷ്​ട്രീയ പ്രവർത്തകനും മാധ്യമപ്രവർത്തകനുമായിരുന്നു ഫിറോസ്​ ഗാന്ധി. ഇന്ത്യൻ സ്വാതന്ത്ര്യ സമരത്തിന്​ മഹത്തായ പങ്കുവഹിച്ച ഇദ്ദേഹത്തി​​​​െൻറ ശവകുടീരം സന്ദർശിക്കാൻ പോലും കോൺഗ്രസ്​ നേതാക്കൾ എത്താറില്ല. കോൺഗ്രസ്​ അധ്യക്ഷനായ പൗത്രൻ രാഹുൽ ഗാന്ധി പോലും അദ്ദേഹത്തിന്​ ശവകുടീരത്തിൽ സന്ദർശനം നടത്താറില്ലെന്നും മന്ത്രി പറഞ്ഞു.
ബി.​ജെ.പി ഒരു രാഷ്​ട്രീയ വിഷയമായി ഇതിനെ കാണുന്നില്ല. ഫിറോസ്​ ഗാന്ധിയുശട ശവകുടീരം ഉപേക്ഷിച്ച നിലയിലാണുള്ളത്​. ഇവിടെ ഇത്രയും മഹാനായ ഒരാൾ അന്ത്യവിശ്രമം ചെയ്യുന്നുണ്ടെന്നത്​ പോലും ആർക്കും അറിയില്ല. രാഹുൽ ഗാന്ധി ഒരിക്കലെങ്കിലും ഇവിടം സന്ദർശിച്ച്​ അദ്ദേഹത്തിന്​ മുത്തച്​ഛനോടുള്ള ബഹുമാനം കാണിക്കണമെന്നും മുഹ്​സിൻ റാസ കൂട്ടിച്ചേർത്തു.

എന്നാൽ മന്ത്രിയുടെ ആരോപണങ്ങൾ ഉത്തർപ്രദേശ്​ കോൺഗ്രസ്​ വക്താവ്​ തള്ളി. പബ്ലിസിറ്റിക്ക്​ വേണ്ടിയാണ്​ റാസ ഫിറോസ്​ ഗാന്ധിയുടെ ശവകുടീരത്തെ കുറിച്ച്​ സംസാരിക്കുന്നതെന്നും സ്വന്തം പാർട്ടിയിലെ വിഷയങ്ങൾ കൈകാര്യം ചെയ്യാൻ അദ്ദേഹത്തിന്​ കഴിവില്ലെന്നും കോൺഗ്രസ്​ വക്താവ്​ ഷീസാൻ ഹൈദർ പ്രതികരിച്ചു.