Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightവിവിധ രാജ്യങ്ങളിലുള്ള...

വിവിധ രാജ്യങ്ങളിലുള്ള ഇന്ത്യൻ നഴ്​സുമാരുമായി രാഹുലിൻെറ കൂടിക്കാഴ്​ച

text_fields
bookmark_border
വിവിധ രാജ്യങ്ങളിലുള്ള ഇന്ത്യൻ നഴ്​സുമാരുമായി രാഹുലിൻെറ കൂടിക്കാഴ്​ച
cancel

ന്യൂഡൽഹി: ഡോക്​ടേഴ്​സ്​ ദിനത്തിൽ കോൺഗ്രസ്​ നേതാവ്​ രാഹുൽ ഗാന്ധി വിവിധ രാജ്യങ്ങളിലുള്ള ഇന്ത്യൻ നഴ്​സുമാരുമായി കൂടിക്കാഴ്​ച നടത്തി. അനുഭവജ്ഞാനത്തിൻെറ വെളിച്ചത്തിൽ കോവിഡ്​ പ്രതിസന്ധിയെ എങ്ങനെ മറികടക്കാം എന്ന്​ നഴ്​സുമാർ ചർച്ചയിൽ വിശദീകരിച്ചു.

ഡൽഹി എയിംസിൽ നിന്നും മലയാളി കൂടിയായ നഴ്​സ്​ വിപിൻ കൃഷ്​ണൻ, ന്യൂസിലൻഡിൽ നിന്നും അനു രാഗ്​നാഥ്​, ആസ്​ത്രേലിയയിൽ നിന്നും നരേന്ദ്ര സിങ്​, ബ്രിട്ടണിൽ നിന്നും ഷെൽലിമോൾ എന്നിവരാണ്​ ചർച്ചയിൽ പ​ങ്കെടുത്തത്​.

സ്വകാര്യ ആശുപത്രികളിൽ ജോലിചെയ്യുന്ന നഴ്​സുമാരുടെ ശമ്പളം വെട്ടിക്കുറന്നതിലുള്ള പരിഭവമായിരുന്നു ഡൽഹി എയിംസിൽ ജോലിചെയ്യുന്ന മലയാളിയായ വിപിൻ കൃഷ്​ണക്ക്​ പറയാനുണ്ടായിരുന്നത്​. തനിക്കും ഭാര്യക്കും കോവിഡ്​ പോസിറ്റീവ്​ ആയിരുന്നെന്നും ഇപ്പോഴും ക്വാറൻറീനിൽ തുടരുകയാണെന്നും വിപിൻ പറഞ്ഞു. സുഖം പ്രാപിച്ചാൽ കോവിഡ്​ ​പ്രതിരോധ പ്രവർത്തനങ്ങളിൽ വ്യാപൃതരാകാൻ തയ്യാറാണെന്നും വിപിൻ അറിയിച്ചു.

പ്രധാനമന്ത്രി ജസീന്ത ആർഡൻെറ നടപടികൾ കോവിഡ്​ വ്യാപനത്തെ പിടിച്ചുകെട്ടുന്നതിൽ നിർണായകമായെന്ന്​ ന്യൂസിലൻഡിൽ ജോലിചെയ്യുന്ന അനു രാഗ്​നാഥ്​ അഭിപ്രായപ്പെട്ടു. കോവിഡിനെതിരായ പോരാട്ടത്തിൻെറ മുന്നണിപ്പോരാളികളോട്​​ വളരെയധികം കടപ്പാടുണ്ടെന്ന്​ രാഹുൽ ഗാന്ധി പറഞ്ഞു. 

Show Full Article
TAGS:rahul gandhi doctors day india news 
Next Story