മുഖ്യമന്ത്രിമാരെ ഉടൻ പ്രഖ്യാപിക്കുമെന്ന് രാഹുൽ ഗാന്ധി

ന്യൂഡൽഹി: മൂന്ന് സംസ്ഥാനങ്ങളിലെ കോൺഗ്രസ് മുഖ്യമന്ത്രിമാരെ ഉടൻ പ്രഖ്യാപിക്കുമെന്ന് അധ്യക്ഷൻ രാഹുൽ ഗാന്ധി. പ ാർട്ടി‍ എം.എൽ.എമാർ, പ്രവർത്തകർ, അനുഭാവികൾ എന്നിവരിൽ നിന്ന് വിവരങ്ങൾ ശേഖരിക്കുകയാണെന്നും രാഹുൽ ഗാന്ധി മാധ്യമങ് ങളെ അറിയിച്ചു.

മധ്യപ്രദേശ്​, രാജസ്​ഥാൻ, ഛത്തിസ്​ഗ​ഢ്​​ സംസ്​ഥാനങ്ങളിലെ വിജയത്തിനു ശേഷം മുഖ്യമന്ത്രിമാരെ തെരഞ്ഞെടുക്കാൻ കോൺഗ്രസ്​ പ്രവർത്തക​രുടെ അഭിപ്രായം തേടുകയാണ് രാഹുൽ ഗാന്ധി. ആരാകണം മുഖ്യമന്ത്രി എന്ന്​ അറിയിക്കാൻ ആവശ്യപ്പെട്ടു കൊണ്ട്​ രാഹുൽ ശബ്​ദ സന്ദേശം പുറത്തു വിട്ടിരുന്നു. ജനാധിപത്യപരമായ രീതിയിൽ ജനങ്ങളുടെ അഭിപ്രായം തേടി മുഖ്യമന്ത്രിമാരെ സ്വീകരിക്കാനാണ് കോൺഗ്രസ് ലക്ഷ്യമിടുന്നത്.

ആരാകണം മുഖ്യമന്ത്രി എന്ന്​ ആവശ്യപ്പെട്ടു കൊണ്ട്​ രാഹുൽ നടത്തിയ ശബ്​ദസന്ദേശം കഴിഞ്ഞ 24 മണിക്കൂറിനുള്ളിൽ 7.3 ലക്ഷം പ്രവർത്തകരിലേക്കാണ്​ എത്തിയത്​. പ്രവർത്തകരുടെ തെരഞ്ഞെടുപ്പ്​ പൂർണമായും രഹസ്യമായിരിക്കുമെന്നും സന്ദേശത്തിൽ ഉറപ്പു നൽകുന്നു.

#WATCH Congress President Rahul Gandhi: We are taking inputs from different people in the party. We are taking inputs from MLAs, from workers. You will see a Chief Minister soon pic.twitter.com/worICTzGqN

— ANI (@ANI) December 13, 2018