മോദിയെ അസഭ്യം പറയുകയും രാജ്യത്തെ അപകീർത്തിപ്പെടുത്തുകയുമാണ് രാഹുലിന്‍റെ ഏക ജോലി -കിരൺ റിജിജു

ന്യൂ​ഡ​ൽ​ഹി: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കെ​തി​രെ അ​മേ​രി​ക്ക​യി​ൽ കോൺഗ്രസ് നേതാവ് രാ​ഹു​ൽ ഗാ​ന്ധി ന​ട​ത്തി​യ വി​മ​ർ​ശ​ന​ങ്ങ​ൾ​ക്കെതിരെ കേന്ദ്ര മന്ത്രി കിരൺ റിജിജു. സാധാരണക്കാരൻ പ്രധാനമന്ത്രിയായത് രാഹുൽ ഗാന്ധിക്ക് ദഹിക്കുന്നില്ലെന്ന് കിരൺ റിജിജു ആരോപിച്ചു.

മോദിയെ അസഭ്യം പറയുകയും പോകുന്നിടത്തെല്ലാം രാജ്യത്തെ അപകീർത്തിപ്പെടുത്തുകയും ചെയ്യുകയാണ് രാഹുലിന്‍റെ ഏക ജോലി. എന്തുകൊണ്ടാണ് അദ്ദേഹം മോദിയെ ഇത്രയധികം വെറുക്കുകയും രാജ്യത്തിനെതിരെ സംസാരിക്കുകയും ചെയ്യുന്നതെന്ന് തനിക്ക് മനസിലാകുന്നില്ല.

ഒരു സാധാരണക്കാരന് സങ്കൽപിക്കാവുന്നതിലും അപ്പുറമാണ് ഈ രാജ്യം തന്റെ കുടുംബത്തിന് എല്ലാം നൽകിയതെന്ന് രാഹുൽ അറിയണം. ഒരു സാധാരണക്കാരൻ രാജ്യത്തിന്‍റെ പ്രധാനമന്ത്രിയാകുന്നത് രാഹുലിന് ദഹിക്കാനാവില്ല. ആരും രാഹുലിനെ കാര്യമായി എടുക്കുന്നില്ലെന്നും കിരൺ റിജിജു വ്യക്തമാക്കി.

മോദിയെയും ബി.ജെ.പിയെയും വിമർശിച്ച രാഹുലിനെതിരെ കഴിഞ്ഞ ദിവസം കേ​ന്ദ്ര വാ​ർ​ത്ത​വി​ത​ര​ണ പ്ര​ക്ഷേ​പ​ണ മ​ന്ത്രി​യു​മാ​യ അ​നു​രാ​ഗ് സി​ങ് ഠാ​കു​ർ രംഗത്തെത്തിയിരുന്നു. രാ​ഹു​ൽ ഗാ​ന്ധി വി​ദേ​ശ​യാ​ത്ര​ക​ളി​ൽ ഇ​ന്ത്യ​യെ നി​ന്ദി​ക്കു​ക​യാ​ണെ​ന്നും വി​ദേ​ശ നേ​താ​ക്ക​ളി​ൽ​ നി​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്ക് കി​ട്ടു​ന്ന പ്ര​ശം​സ അ​ദ്ദേ​ഹ​ത്തി​ന് ദ​ഹി​ക്കു​ന്നി​ല്ലെ​ന്നുമാണ് ഠാ​കു​ർ വിമർശിച്ചത്.

ക​ഴി​ഞ്ഞ വി​ദേ​ശ യാ​ത്ര​യി​ൽ പ്ര​ധാ​ന​മ​ന്ത്രി 24 രാ​ഷ്​​ട്ര​ങ്ങ​ളു​ടെ പ്ര​ധാ​ന​മ​ന്ത്രി​മാ​രെ​യും പ്ര​സി​ഡ​ന്റു​മാ​രെ​യും ക​ണ്ടു. മോ​ദി​യു​ടെ കാ​ൽ തൊ​ട്ടാ​ണ് ഒ​രു രാ​ജ്യ​ത്തി​ന്റെ പ്ര​ധാ​ന​മ​​ന്ത്രി വ​ന്ദി​ച്ച​ത്. ഇ​ത് രാ​ഹു​ൽ ഗാ​ന്ധി​ക്കും കോ​ൺ​ഗ്ര​സി​നും ദ​ഹി​ക്കു​ന്നി​ല്ലെന്നും അനുരാഗ് ഠാക്കൂർ പറഞ്ഞു.

രാ​ഹു​ൽ ഗാ​ന്ധി വി​ദേ​ശ​ത്ത് പോ​കു​മ്പോ​ഴെ​ല്ലാം പാ​കി​സ്താ​ൻ രാ​ഷ്​​ട്ര​പി​താ​വ് മു​ഹ​മ്മ​ദ​ലി ജി​ന്ന​യു​ടെ ആ​ത്മാ​വ് അ​ദ്ദേ​ഹ​ത്തി​ൽ പ്ര​വേ​ശി​ക്കു​ക​യാ​ണെ​ന്നാ​യി​രു​ന്നു മു​ൻ ന്യൂ​ന​പ​ക്ഷ മ​ന്ത്രി മു​ഖ്താ​ർ അ​ബ്ബാ​സ് ന​ഖ്‍വി​യു​ടെ വി​മ​ർ​ശ​നം.