എല്ലാ ജനങ്ങൾക്കും വാക്സിൻ ലഭ്യമാക്കണം; വാക്സിൻ വിതരണത്തിൽ നിലപാട് ആവർത്തിച്ച് രാഹുൽ
text_fieldsന്യൂഡൽഹി: കോവിഡ് വാക്സിൻ വിതരണത്തിലെ കേന്ദ്രസർക്കാർ സമീപനത്തിനെതിരെ കോൺഗ്രസ് നേതാവ് രാഹുൽ ഗാന്ധി. തിങ്കളാഴ്ച രാജ്യത്തെ എല്ലാ വിഭാഗം ജനങ്ങൾക്കും കോവിഡ് വാക്സിൻ നൽകണമെന്ന ആവശ്യവുമായി രാഹുൽ രംഗത്തെത്തിയിരുന്നു. ഇത് സാധ്യമല്ലെന്നും കേന്ദ്രസർക്കാർ മറുപടി നൽകുകയും ചെയ്തിരുന്നു. ഇതിന് പിന്നാലെയാണ് രാഹുൽ ഗാന്ധി ഇക്കാര്യത്തിൽ പ്രതികരണവുമായി വീണ്ടും രംഗത്തെത്തിയിരിക്കുന്നത്.
ഇക്കാര്യത്തിലെ തർക്കം അംഗീകരിക്കാനാവില്ല. രാജ്യത്തെ എല്ലാ വിഭാഗം ജനങ്ങൾക്കും ജീവൻ രക്ഷിക്കാനുള്ള അവസരം ലഭിക്കണം. എല്ലാവരും മാസ്ക് ധരിക്കുകയും സാമൂഹിക അകലം ഉറപ്പാക്കുകയും ചെയ്യണമെന്ന് രാഹുൽ ഗാന്ധി ട്വീറ്റിലൂടെ ആവശ്യപ്പെട്ടു.
മഹാരാഷ്ട്ര മുഖ്യമന്ത്രി ഉദ്ധവ് താക്കറെ, ഡൽഹി മുഖ്യമന്ത്രി അരവിന്ദ് കെജ്രിവാൾ എന്നിവരും രാജ്യത്തെ എല്ലാ വിഭാഗം ജനങ്ങൾക്കും വാക്സിൻ നൽകണമെന്ന ആവശ്യവുമായി രംഗത്തെത്തിയിരുന്നു. ഇന്ത്യൻ മെഡിക്കൽ അസോസിയേഷനും സമാന ആവശ്യം ഉന്നയിച്ചിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.