രേവ സോളാർ പദ്ധതി എഷ്യയിലെ ഏറ്റവും വലുതെന്ന് പ്രധാനമന്ത്രി; വിമർശിച്ച് രാഹുൽ
text_fieldsന്യൂഡൽഹി: മധ്യപ്രദേശിൽ ഉദ്ഘാടനം നിർവഹിച്ച രേവ സൗേരാർജ്ജ പദ്ധതി ഏഷ്യയിലെ തന്നെ ഏറ്റവും വലുതാണെന്ന പ്രധാനമന്ത്രി നരേന്ദ്രമോദിയുടെ പരാമർശത്തിനെതിരെ കോൺഗ്രസ് നേതാവ് രാഹുൽ ഗാന്ധി. ട്വിറ്ററിലാണ് രാഹുൽ ഇതിനെതിരെ രംഗത്തു വന്നത്.
രേവ പദ്ധതിയെകുറിച്ചുള്ള പ്രധാനമന്ത്രിയുടെ ട്വീറ്റിൽ അത് ഏഷ്യയിലെ ഏറ്റവും വലിയ പദ്ധതിയാണെന്ന് അവകാശപ്പെട്ടിരുന്നു. ഇത് പങ്കുവെച്ചുകൊണ്ട് രാഹുൽ ‘അസത്യാഗ്രഹി’ എന്ന് ട്വീറ്റ് ചെയ്തു.
असत्याग्रही! https://t.co/KL4aB5t149
— Rahul Gandhi (@RahulGandhi) July 11, 2020
കർണാടകയിൽ രണ്ട് വർഷം മുമ്പ് തുറന്ന ‘പവഗത സൗരോർജ്ജ പാർക്ക്’ (2000 മെഗവാട്ട്) ബൃഹത് പദ്ധതിയായി നിലനിൽക്കെ എങ്ങനെയാണ് കേന്ദ്ര സർക്കാറിന് രേവ സൗരോർജ്ജ പാർക്കാണ്(750 മെഗവാട്ട്) ഏഷ്യയിലെ ഏറ്റവും വലുതെന്ന് അവകാശപ്പെടാൻ സാധിക്കുകയെന്ന് കർണാടക കോൺഗ്രസ് അധ്യക്ഷൻ ഡി.കെ. ശിവകുമാർ കഴിഞ്ഞ ദിവസം ചോദിച്ചിരുന്നു. ഇക്കാര്യത്തിൽ കേന്ദ്ര ഊർജ്ജ വകുപ്പ് മന്ത്രി ഉത്തരംപറയണമെന്നും അദ്ദേഹം ആവശ്യപ്പെട്ടിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.