Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right‘രാഹുൽ ഗാന്ധിയുടേത്​...

‘രാഹുൽ ഗാന്ധിയുടേത്​ നാടകം, പെട്ടിയുമെടുത്ത്​ തൊഴിലാളികളോടൊപ്പം നടക്ക​ട്ടെ’; ധനമന്ത്രിയുടെ പ്രസ്​താവനക്കെതിരെ കോൺഗ്രസ്​

text_fields
bookmark_border
rahul-and-nirmala
cancel

ന്യൂഡൽഹി: ക​ഴിഞ്ഞദിവസം രാഹുൽ ഗാന്ധി എം.പിക്കെതിരെ കേന്ദ്ര ധനമന്ത്രി നിർമല സീതാരാമൻ നടത്തിയ പ്രസ്​താവനക്കെതിരെ കോൺഗ്രസ്​ രംഗത്ത്​. അന്തർ സംസ്​ഥാന തൊഴിലാളികളുടെ കൂടെ ഇരിക്കുന്നതിന്​ പകരം അദ്ദേഹം അവരോടൊപ്പം പെട്ടിയുമെടുത്ത്​ നടക്ക​ട്ടെയെന്നാണ്​ ധനമന്ത്രി നിർമല സീതാരാമൻ പറഞ്ഞത്​. കേന്ദ്ര സർക്കാർ പ്രഖ്യാപിച്ച​ ​കോവിഡ്​ പാക്കേജുമായി ബന്ധപ്പെട്ട വിവരങ്ങൾ വിശദീകരിക്കാൻ വിളിച്ചുചേർത്ത വാർത്തസമ്മേളനത്തിലായിരുന്നു ധനമന്ത്രിയുടെ വിവാദ പ്രസ്​താവന. 

‘അന്തർ സംസ്​ഥാന ​െതാഴിലാളിക​ളെ കാണാൻ പോയ രാഹുൽ ഗാന്ധിയുടേത്​ ശുദ്ധനാടകമാണ്​. ലോക്​ഡൗൺ കാലത്ത്​ കേന്ദ്ര സർക്കാറി​െന വിമർശിക്കാതെ കുറച്ചുകൂടി ഉത്തരവാദിത്വം കോൺഗ്രസ്​ കാണിക്കേണ്ടതുണ്ട്​. കോൺഗ്രസ്​ ഭരിക്കുന്ന സംസ്​ഥാനങ്ങളിൽ അന്തർ സംസ്​ഥാന​ തൊഴിലാളികളെ നാട്ടി​ലെത്തിക്കുന്നതിന്​ കൂടുതൽ ട്രെയിനുകൾ ഓടിക്കാൻ അഭ്യർഥിക്കണം. കാര്യങ്ങൾ കൂടുതൽ ഉത്തരവാദിത്വത്തോടെ എടുക്കണമെന്നാണ്​ സോണിയ ഗാന്ധിയോടുള്ള എ​​െൻറ അപേക്ഷ’ -ധനമന്ത്രി കൂട്ടിച്ചേർത്തു. 

അതേസമയം, ഉത്തരവാദിത്വപ്പെട്ട സ്​ഥാനത്തിരിക്കുന്ന ധനമന്ത്രിയിൽനിന്ന്​ ഇത്തരമൊരു പ്രസ്​താവന ഉണ്ടാകാൻ പാടില്ലെന്ന വിമർശനം പലകോണുകളിൽനിന്നും ഉയർന്നുകഴിഞ്ഞു. ‘കേന്ദ്രം അന്തർ സംസ്​ഥാന തൊഴിലാളികളെ അവഗണിച്ചു, കോൺഗ്രസ്​ അവർക്ക്​ സഹായം നൽകി’ എന്നായിരുന്നു ഇതിനെതിരെ കോൺഗ്രസി​​െൻറ ഔദ്യോഗിക ട്വീറ്റ്​. പതിനായിരങ്ങൾ ലോക്​ഡൗൺ കാലത്ത്​ നാടണയാൻ കാൽനടയായി കിലോമീറ്ററുകൾ താണ്ടു​േമ്പാൾ അവർക്ക്​ അൽപ്പം സാന്ത്വനം നൽകാൻ ശ്രമിക്കുന്നത്​ എങ്ങനെയാണ്​ നാടകമാകുന്നതെന്ന​ ചോദ്യവും ഉയർന്നു. 

കഴിഞ്ഞദിവസമാണ്​ ഡൽഹിയിലെ ​ൈഫ്ലഓവറിന്​ താഴെ വിശ്രമിക്കുകയായിരുന്ന അന്തർ സംസ്​ഥാന തൊഴിലാളികളെ രാഹുൽ ഗാന്ധി സന്ദർശിച്ചത്​. ഹരിയാനയിലെ അംബാലയിൽനിന്ന്​ ഉത്തർ പ്രദേശിലേക്കും​ മധ്യപ്രദേശിലേക്കും കാൽനടയായി പോകുന്നവരായിരുന്നു അവിടെയുണ്ടായിരുന്നത്​. 130 കിലോമീറ്റർ പിന്നിട്ടാണ്​ അവർ ഡൽഹിയിലെത്തിയത്​. 

‘രാഹുൽ ഗാന്ധി ഞങ്ങളെ കാണാൻ വന്നിരുന്നു. നമ്മുടെ ബുദ്ധിമുട്ടുകൾ എല്ലാം അദ്ദേഹം ചോദിച്ചു മനസിലാക്കി. ഞങ്ങൾക്ക്​ ഭക്ഷണം ലഭിക്കുന്നില്ലെന്ന്​ അദ്ദേഹത്തോട്​ പറഞ്ഞു. 50 ദിവസത്തോളമായി ജോലിയില്ല. എല്ലാത്തിനും പരിഹാരം കാണാൻ എന്തെങ്കിലും ചെയ്യുമെന്ന്​ അദ്ദേഹം ഉറപ്പുനൽകി. ആരെങ്കിലും ഞങ്ങളെ കാണാൻ എത്തിയതിൽ അതീവ സന്തോഷം. -മഹേഷ്​ കുമാർ എന്ന അന്തർസംസ്​ഥാന തൊഴിലാളി പറഞ്ഞു. 

അതേസമയം, രാഹുൽ ഗാന്ധിയോട്​ സംസാരിച്ചതിന്​ പിന്നാലെ ചില തൊഴിലാളികളെ ഡൽഹി പൊലീസ്​ പ്രതിരോധ തടവിൽ പാർപ്പിച്ചതായി കോൺഗ്രസ് ആരോപിച്ചിരുന്നു​. എന്നാൽ, ആരോപണം നിഷേധിച്ച്​ പൊലീസ്​ രംഗത്തെത്തി. ‘രാഹുൽ ഗാന്ധി വരികയും തൊഴിലാളികളുമായി സംസാരിച്ചശേഷം അദ്ദേഹത്തി​​​െൻറ അനുയായികൾ അവരുടെ വണ്ടിയിൽ തൊഴിലാളികളെ കയറ്റിക്കൊണ്ടു പോവുകയായിരുന്നുവെന്നാണ്​ ഒരു പൊലീസുകാരൻ ഹിന്ദുസ്ഥാൻ ടൈംസിനോട്​ പറഞ്ഞത്​.

Show Full Article
TAGS:lock down nirmala seetharaman raul gandhi finance minister Migrant workers 
News Summary - rahul gandhi against nirmala seetharaman
Next Story