രാഹുൽ കർഷക സമരത്തിന്; ഭാരത് ജോഡാ യാത്രയുടെ ഝാർഖണ്ഡിലെ രണ്ടാം ഘട്ടം റദ്ദാക്കി

റാഞ്ചി: കർഷകസമരത്തിൽ പങ്കെടുക്കാൻ കോൺഗ്രസ് നേതാവ് രാഹുൽ ഗാന്ധി ഡൽഹിയിലേക്ക് പോയതിനാൽ ഭാരത് ജോഡോ ന്യായ് യാത്രയുടെ ഝാർഖണ്ഡിലെ രണ്ടാം ഘട്ട പര്യടനം റദ്ദാക്കി. രാഹുൽ ബുധനാഴ്ച ഛത്തിസ്ഗഢിൽനിന്ന് ഝാർഖണ്ഡിൽ പ്രവേശിച്ചായിരുന്നു പര്യടനം തുടങ്ങേണ്ടിയിരുന്നത്. ഗർവ ജില്ലയിലെ ഗ്രാമീണ തൊഴിലുറപ്പ് പദ്ധതി തൊഴിലാളികളുമായി തീരുമാനിച്ചിരുന്ന സംവാദത്തിൽ കോൺഗ്രസ് ജനറൽ സെക്രട്ടറി ജയ്റാം രമേശ് ഉൾപ്പെടെയുള്ള നേതാക്കൾ പങ്കെടുക്കും.

ഫെബ്രുവരി ആദ്യവാരമായിരുന്നു ഝാർഖണ്ഡിൽ യാത്രയുടെ ഒന്നാംഘട്ടം. പശ്ചിമബംഗാളിൽനിന്ന് ഫെബ്രുവരി രണ്ടിനാണ് യാത്ര സംസ്ഥാനത്ത് എത്തിയത്. ആറിന് ഒഡിഷയിൽ പ്രവേശിച്ചു.

പൊലീസ്​ വേലിക്കെട്ടിൽ ശ്വാസംമുട്ടി ഡൽഹി

ന്യൂ​ഡ​ൽ​ഹി: ക​ർ​ഷ​ക​സ​മ​രം നേ​രി​ടാ​ൻ ഡ​ൽ​ഹി പൊ​ലീ​സ് കൊ​ണ്ടു​വ​ന്ന നി​യ​ന്ത്ര​ണ​ങ്ങ​ളി​ലും അ​ട​ച്ചു​പൂ​ട്ട​ലി​ലും ശ്വാ​സം​മു​ട്ടി ത​ല​സ്ഥാ​ന ന​ഗ​രി. അ​തി​ർ​ത്തി​ക​ളി​ലെ ഭൂ​രി​ഭാ​ഗം റോ​ഡു​ക​ളും അ​ട​ച്ച​തി​നാ​ൽ അ​യ​ൽ​സം​സ്ഥാ​ന​ങ്ങ​ളി​ലേ​ക്കു പോ​കാ​നും വ​രാ​നും വ​ലി​യ പ്ര​യാ​സ​മാ​ണ് നേ​രി​ടു​ന്ന​തെ​ന്ന് യാ​ത്ര​ക്കാ​ർ പ​റ​യു​ന്നു. തു​റ​ന്ന റോ​ഡു​ക​ളി​ൽ കി​ലോ​മീ​റ്റ​റു​ക​ൾ നീ​ണ്ട ട്രാ​ഫി​ക് കു​രു​ക്കാ​ണ് അ​നു​ഭ​വ​പ്പെ​ടു​ന്ന​ത്.

ഡ​ൽ​ഹി​യി​ൽ ഒ​രു മാ​സ​ത്തേ​ക്ക് നി​രോ​ധ​നാ​ജ്ഞ പ്ര​ഖ്യാ​പി​ച്ചി​രി​ക്കു​ക​യാ​ണ്. മു​ൻ​ക​രു​ത​ലി​ന്റെ ഭാ​ഗ​മാ​യി ചൊ​വ്വാ​ഴ്ച നി​ര​വ​ധി മെ​ട്രോ സ്റ്റേ​ഷ​നു​ക​ളു​ടെ ഗേ​റ്റു​ക​ൾ അ​ട​ച്ചി​രു​ന്നു. എ​ന്നാ​ൽ, ബു​ധ​നാ​ഴ്ച ഈ ​നി​യ​ന്ത്ര​ണം ഒ​ഴി​വാ​ക്കി.

അ​തേ​സ​മ​യം, അ​തി​ർ​ത്തി​ക​ളി​ലെ മെ​ട്രോ പാ​ല​ങ്ങ​ളു​ടെ അ​ടി​യി​ലൂ​​ടെ ക​ർ​ഷ​ക​ർ ഡ​ൽ​ഹി​യി​ലേ​ക്കു ​പ്ര​വേ​ശി​ക്കു​ന്ന​ത് നി​രീ​ക്ഷി​ക്കാ​ൻ പൊ​ലീ​സ് സി.​സി.​ടി.​വി കാ​മ​റ​ക​ൾ സ്ഥാ​പി​ച്ചു. നി​യ​ന്ത്ര​ണം ക​ടു​പ്പി​ച്ച​തി​ൽ അ​തി​ർ​ത്തി​പ്ര​ദേ​ശ​ങ്ങ​ളി​ൽ വ​ലി​യ എ​തി​ർ​പ്പാ​ണ് ഉ​യ​രു​ന്ന​ത്.