രാഹുലിന്​ എസാറ്റും നാടകസെറ്റും തമ്മിലുള്ള വ്യത്യാസം അറിയില്ല - മോദി

ന്യൂഡൽഹി: എസാറ്റും നാടകത്തിലെ സെറ്റും ഒന്നാണെന്ന്​​​ രാഹുൽഗാന്ധി തെറ്റിദ്ധരിച്ചുവെന്ന്​​ പ്രധാനമന്ത്രി നര േന്ദ്ര മോദി. ​ ബൗദ്ധിക നിലവാരം കുറഞ്ഞയാൾ നാടകത്തെ കുറിച്ച്​ പറയു​േമ്പാൾ വിഷമവും തമാശയും തോന്നും. നാടകത്തിൽ മ ാറിമാറി വരുന്ന സെറ്റുകൾ കാണാം. എന്നാൽ നാടകത്തിലെ സെറ്റും എസാറ്റും തമ്മിലുള്ള വ്യത്യാസം അറിയാത്തവരെ കുറിച്ച്​ എന്ത്​ പറയാൻ? - മോദി പരിഹസിച്ചു. ലോക്​സഭാ തെരഞ്ഞെടുപ്പ്​ പ്രചാരണത്തിന്​ ഉത്തർ പ്രദേശിലെ മീററ്റിൽ തുടക്കം കു റിച്ച്​ സംസാരിക്കുകയായിരുന്നു പ്രധാനമന്ത്രി.

ഇന്ത്യ ബഹിരാകാശത്ത്​ നേട്ടം വരിക്കുന്നത്​ എല്ലാവരും കണ്ടു. ആഗോള തലത്തിൽ നാം ശക്​തരും സുരക്ഷിതരുമായിരിക്കുകയാണ്​. എന്നാൽ പ്രതിപക്ഷം എത്ര പരിഹാസ്യമായാണ്​ പെരുമാറിയതെന്ന്​ കണ്ടില്ലേ. അവർക്ക്​ അവരുടെ ബൗദ്ധിക നിലവാരത്തിൽ നിന്ന്​ മാത്രമേ ചോദ്യങ്ങൾ ചോദിക്കാനാവൂ -മോദി വിമർശിച്ചു.

കഴിഞ്ഞ ദിവസം എസാറ്റ്​ വിക്ഷേപണത്തെ സംബന്ധിച്ച രാഹുൽ ഗാന്ധിയുടെ ട്വീറ്റാണ്​ മോദിയുടെ പരിഹാസത്തിന്​ വഴിവെച്ചത്​. എസാറ്റിൻെറ വിജയത്തിൽ ഡി.ആർ.ഡി.ഒയിലെ ശാസ്​ത്രജ്​ഞർക്ക്​ അഭിനന്ദനം അറിയിച്ച രാഹുൽ മോദിക്ക്​ നാടക ദിനാശംസകൾ നേർന്നിരുന്നു.

അഞ്ചു വർഷം മുമ്പ്​ നിങ്ങളുടെ അനുഗ്രഹം തേടി ഞാൻ വന്നു. പലിശ സഹിതം തിരിച്ചു നൽകുമെന്ന്​ അന്ന്​ പറഞ്ഞു. ഞാൻ എൻറെ പ്രവർത്തനങ്ങളുടെ കണക്കുകൾ നൽകാം. കൂടാതെ മറ്റുള്ളവർ 60 വർഷമായി ചെയ്യുന്നതിൻെറ കണക്കുകളും നോക്കാം. ഞാൻ നിങ്ങളുടെ ചൗക്കീദാറാണ്​. നാം വികസനത്തിൻെറ വ​ഴിയിലാണ്​. എന്നാൽ മറ്റുള്ളവർക്ക്​ നയമോ കാഴ്​ചപ്പാടുകളോ ഇല്ല -മോദി പറഞ്ഞു.

കോൺഗ്രസിൻറെ ന്യായ്​ പദ്ധതിയെ വിമർശിച്ച മോദി ബാങ്ക്​ അക്കൗണ്ടുകൾ തുറക്കാൻ സാധിക്കാത്തവർ ഇപ്പോൾ പാവങ്ങൾക്ക്​ നേരിട്ട്​ പണം നൽകുമെന്ന് പറയുന്നുവെന്ന്​ പരിഹസിച്ചു​. ചൗക്കീദാറിൻെറ സർക്കാറിനാണ്​ സർജിക്കൽ സ്​ട്രൈക്ക്​ നടത്താൻ ധൈര്യമുണ്ടായതെന്നും ഇന്ത്യ വികസിക്കുകയും ശത്രുക്കളിൽ നിന്ന്​ രക്ഷനേടുകയും ചെയ്യുമെന്നും പ്രധാനമന്ത്രി കൂട്ടിച്ചേർത്തു.