ഇന്ത്യ വൻ ശക്​തിയെന്ന് പുടിൻ; വെല്ലുവിളികൾക്കിടയിലും റഷ്യയുമായുള്ള സൗഹൃദം സ്ഥിരതയാർന്നതെന്ന്​ മോദി

ന്യൂഡൽഹി: ഇന്ത്യയെ വൻ ശക്​തിയെന്ന്​​ വിശേഷിപ്പിച്ച്​ റഷ്യൻ പ്രസിഡന്‍റ്​ വ്ലാഡമിർ പുടിൻ. സൈനികതലത്തിലും സാ​ങ്കേതികതലത്തിലും ഇന്ത്യയുമായി ചേർന്ന്​ പ്രവർത്തിക്കുമെന്ന്​ അദ്ദേഹം പറഞ്ഞു. ഇന്ത്യ-റഷ്യ ബന്ധം ശക്​തമായി നിലനിർത്തുന്നതിന്‍റെ ഭാഗമായാണ്​ പുടിൻ ഇന്ത്യയിലെത്തിയതെന്നും ഇന്ത്യൻ പ്രധാനമന്ത്രി നരേന്ദ്ര മോദി പറഞ്ഞു. റഷ്യയുമായുള്ള ബന്ധത്തിൽ നിർണായക വർഷമാണ്​ 2021. 1971ലാണ്​ ഇന്ത്യയും സോവിയറ്റ്​ യൂണിയനും തമ്മിൽ സമാധനത്തിനും പരസ്​പര സഹകരണത്തിനുമായി കരാർ ഒപ്പിട്ടത്​.

ആഗോള രാഷ്​ട്രീയത്തിൽ മാറ്റങ്ങൾ ഉണ്ടാവുമെങ്കിലും ഇന്ത്യയും റഷ്യയും തമ്മിലുള്ള സൗഹാർദം സ്ഥിരതയോടെ തുടരുമെന്നും അദ്ദേഹം പറഞ്ഞു. അഫ്​ഗാനിസ്​താൻ അടക്കമുള്ള വിഷയങ്ങളിൽ പരസ്​പര സഹകരണമുണ്ടാവുമെന്നും അദ്ദേഹം കൂട്ടിച്ചേർത്തു.

ഇ​ന്ത്യ​യും റ​ഷ്യ​യും ചേ​ർ​ന്ന്​ രൂ​പ​വ​ത്​​ക​രി​ച്ച ക​മ്പ​നി യു.​പി​യി​ലെ അ​മേ​ത്തി​യി​ൽ നി​ന്ന്​ എ.​കെ 203 ഇ​ന​ത്തി​ൽ​പെ​ട്ട 6,01,427 റൈ​ഫി​ൾ നി​ർ​മി​ക്കാ​ൻ ക​രാ​ർ ഒ​പ്പു​വെ​ച്ചിരുന്നു. ഇ​ന്ത്യ​ൻ സാ​യു​ധ​സേ​ന​ക്കു വേ​ണ്ടി ഇ​ന്തോ-​റ​ഷ്യ ​റൈ​ഫി​ൾ​സ്​ പ്രൈ​വ​റ്റ്​ ലി​മി​റ്റ​ഡ്​ എ​ന്ന സം​യു​ക്ത സം​രം​ഭ​ത്തി​ന്​ റൈ​ഫി​ൾ നി​ർ​മാ​ണ ചെ​ല​വാ​യി 5,000 കോ​ടി രൂ​പ നീ​ക്കി​വെ​ച്ചു.

പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി​യും റ​ഷ്യ​ൻ പ്ര​ധാ​ന​മ​ന്ത്രി വ്ലാ​ദി​മി​ർ പു​ടി​നു​മാ​യി ന​ട​ന്ന ഉ​ച്ച​കോ​ടി​ക്കു മു​മ്പ്​ ഇ​ത​ട​ക്കം നാ​ലു ക​രാ​റു​ക​ൾ ഒ​പ്പു​വെ​ച്ചു. നി​ല​വി​ലെ പ്ര​തി​രോ​ധ പ​ങ്കാ​ളി​ത്തം 2031 വ​രെ​യു​ള്ള അ​ടു​ത്ത 10 വ​ർ​ഷ​ത്തേ​ക്ക്​ പു​തു​ക്കു​ന്ന​താ​ണ്​ മ​​റ്റൊ​രു പ്ര​ധാ​ന ക​രാ​ർ