മോദിയുടെ പേര് പരാമർശിക്കാത്തതിന്​ ചാനലിൽ നിന്ന്​ പുറത്താക്കിയെന്ന്​ പു​ണ്യ ​പ്ര​സൂ​ൻ ബാ​ജ്​​പേയ്

ന്യൂ​ഡ​ൽ​ഹി: ആ​ന​ന്ദ്​ ബ​സാ​ർ പ​ത്രി​ക​യു​ടെ ഹി​ന്ദി വാ​ർ​ത്ത ചാ​ന​ലായ എ.​ബി.​പി ന്യൂ​സി​ൽ നി​ന്ന്​ പുറത്താക്കപ്പെട്ടതിന്‍റെ  വിവരങ്ങൾ തുറന്നു പറഞ്ഞ് മാ​ധ്യ​മ​പ്ര​വ​ർ​ത്ത​കൻ പു​ണ്യ ​പ്ര​സൂ​ൻ ബാ​ജ്​​പേയ്. ചാനൽ ചീഫ് എഡിറ്ററുമായി നടത്തിയ സംഭാഷണത്തിന്‍റെ വിശദാംശങ്ങളാണ് ഒാൺലൈൻ ന്യൂസ് സൈറ്റായ ‘ദ  വൈറി’ൽ എഴുതിയ ലേഖനത്തിലൂടെ പ്ര​സൂ​ൻ ബാ​ജ്​​പേയ് പുറത്തുവിട്ടത്. 

ചാനൽ പരിപാടിക്കിടെ കേന്ദ്ര സർക്കാർ പദ്ധതിയെ കുറിച്ച്​ പറയുമ്പോൾ പ്രധാനമന്ത്രി നരേന്ദ്ര മോദിയുടെ പേര് ഒഴിവാക്കുന്നത് താങ്കൾ ആവർത്തിക്കുകയാണെന്ന് ചീഫ് എഡിറ്റർ പറഞ്ഞു. എന്നാൽ, അതാതു മന്ത്രാലയങ്ങളുടെ വിവരങ്ങൾ പരാമർശിക്കുമ്പോൾ മന്ത്രിമാരുടെ പേരുകൾ പറയുന്നു. എന്നാൽ, പ്രധാനമന്ത്രിയുടെ പേര് പരാമർശിക്കുന്നില്ലെന്ന് ചീഫ് എഡിറ്റർ ആരോപിച്ചതായും പ്ര​സൂ​ൻ ബാ​ജ്​​പേയ് വെളിപ്പെടുത്തി. 

തന്‍റെ വകുപ്പുകളുടെയും മറ്റ് വകുപ്പുകളുടെയും അടക്കം എല്ലാ സർക്കാർ പരിപാടികളും പ്രഖ്യാപിക്കുന്നത് പ്രധാനമന്ത്രിയാണ്. കൂടാതെ മന്ത്രിമാർ എപ്പോഴും പ്രധാനമന്ത്രിയുടെ പേരാണ് പദ്ധതി പ്രഖ്യാപിക്കുമ്പോൾ പറയാറുള്ളത്. പിന്നെ എന്തിനാണ് പ്രധാനമന്ത്രിയുടെ പേര് നമ്മൾ പറയുന്ന​തെന്നും എഡിറ്ററോട് ചോദിച്ചതായി പ്ര​സൂ​ൻ ബാ​ജ്​​പേയ് വിശദീകരിക്കുന്നു.

എന്നാൽ, മര്‍ക്കടമുഷ്ടി അവസാനിപ്പിക്കണമെന്നാണ് എഡിറ്റർ തന്നോട് പറഞ്ഞത്. കുറച്ചു ദിവസങ്ങളായി താങ്കൾ നാടകം കളിക്കുകയാണ്. ‍യാഥാർഥ്യം മനസിലാക്കണം. അത്തരത്തിലുള്ള നടപടികൾ അവസാനിപ്പിക്കണമെന്നും എഡിറ്റർ നിർദേശിച്ചതായും ലേഖനത്തിൽ പ്ര​സൂ​ൻ ബാ​ജ്​​പേയ് ചൂണ്ടിക്കാട്ടുന്നു.

ആ​ന​ന്ദ്​ ബ​സാ​ർ പ​ത്രി​ക​യു​ടെ ഹി​ന്ദി വാ​ർ​ത്ത ചാ​ന​ലായ എ.​ബി.​പി ന്യൂ​സി​ൽ​ നി​ന്ന്​ ‘മാ​സ്​​റ്റ​ർ സ്​​ട്രോ​ക്ക്​’ ഷോ ​അ​വ​താ​ര​ക​ൻ പു​ണ്യ​പ്ര​സൂ​ൻ ബാ​ജ്​​പേ​യ്, മാ​നേ​ജി​ങ്​ എ​ഡി​റ്റ​ർ മി​ലി​ന്ദ്​ ഖ​​ണ്ഡേ​​ക​ർ എ​ന്നി​വരാണ് മോ​ദി​യെ വി​മ​ർ​ശി​ച്ച​ റി​പ്പോ​ർ​ട്ടിന്‍റെ പേരിൽ പുറത്തായത്. മാധ്യമ പ്രവർത്തകരുടെ രാജി പ്രഖ്യാപനത്തിന് പിന്നാലെ വിഷയം വലിയ ചർച്ചകൾക്കും വിമർശനത്തിനും വഴിവെച്ചിരുന്നു. 

മാധ്യമ പ്രവർത്തകർ പുറത്താക്കപ്പെട്ടത് ലോ​ക്​​സ​ഭ​യി​ലും പ്രതിപക്ഷം ഉന്നയിച്ചത് ഭ​ര​ണ, പ്ര​തി​പ​ക്ഷ ഏ​റ്റു​മു​ട്ട​ലിനും വഴിവെച്ചു. മാ​ധ്യ​മ സ്വാ​ത​​ന്ത്ര്യ​ത്തി​ന് കൂ​ച്ചു​വി​ല​ങ്ങി​ടാ​ൻ സ​ർ​ക്കാ​ർ ശ്ര​മി​ക്കു​ക​യാ​ണെ​ന്നാണ്​ ​കോ​ൺ​ഗ്ര​സ്​ സ​ഭാ നേ​താ​വ്​ മ​ല്ലി​കാ​ർ​ജു​ൻ ഖാ​ർ​ഗെ കു​റ്റ​പ്പെ​ടു​ത്തിയത്. എന്നാൽ, വാ​ർ​ത്ത​വി​ത​ര​ണ പ്ര​ക്ഷേ​പ​ണ മ​ന്ത്രി രാ​ജ്യ​വ​ർ​ധ​ൻ സി​ങ്​ റാ​ത്തോ​ഡ്​ ആ​രോ​പ​ണം നി​ഷേ​ധിച്ചിരുന്നു.