Begin typing your search above and press return to search.
exit_to_app
exit_to_app
Deep Sidhu
cancel
Homechevron_rightNewschevron_rightIndiachevron_rightദീപ്​ സിദ്ദുവിന്‍റെ...

ദീപ്​ സിദ്ദുവിന്‍റെ വിഡിയോകൾ ഫേസ്​ബുക്കിൽ പങ്കുവെച്ചത്​ വിദേശത്തുള്ള പെൺസുഹൃത്ത്​

text_fields
bookmark_border

ന്യൂഡൽഹി: പഞ്ചാബി സിനിമ താരം ദീപ്​ സിദ്ദുവിന്‍റെ ട്രാക്​ടർ റാലിക്കിടെയുണ്ടായ അക്രമ സംഭവങ്ങളുമായി ബന്ധപ്പെട്ട വിശദീകരണ വിഡിയോകൾ ​സമൂഹമാധ്യമങ്ങളിൽ പങ്കുവെച്ചത്​ വിദേശത്തുനിന്ന്​ സുഹൃത്ത്​. അക്രമ സംഭവങ്ങൾക്ക്​ ശേഷം ദീപ്​ സിദ്ദുവിന്‍റെ വിശദീകരണങ്ങൾ വിഡിയോയായി ഫേസ്​ബുക്കിൽ പങ്കുവെച്ചിരുന്നു. ഇത്​ വിദേശത്തുള്ള സുഹൃത്താണ്​ പങ്കുവെച്ചിരിക്കുന്നതെന്ന്​ പൊലീസ്​ വൃത്തങ്ങൾ അറിയിച്ചു.

ദീപ്​ സിദ്ദു ഇപ്പോൾ എവിടെയാണെന്ന്​ വ്യക്തമല്ല. ഡൽഹി പൊലീസ്​ സിദ്ദുവിനെതിരെ ലുക്ക്​ഔട്ട്​ നോട്ടീസ്​ പുറപ്പെടുവിച്ചിരിക്കുകയാണ്​. നടനെക്കുറിച്ച്​ വിവരം നൽകുന്നവർക്ക്​ ഒരുലക്ഷം രൂപ പൊലീസ്​ പാരി​േതാഷികം പ്രഖ്യാപിച്ചിട്ടുണ്ട്​.

ദീപ്​ സിദ്ദുവിന്‍റെ വിദേശത്തുള്ള വനിത സുഹൃത്താണ്​ ഫേസ്​ബുക്ക്​ അക്കൗണ്ട്​ കൈകാര്യം ചെയ്യുന്നത്​. ഇന്ത്യയിൽനിന്ന്​ വിഡിയോകൾ സിദ്ദു അവർക്ക്​ അയച്ചുനൽകും. അവിടെനിന്ന്​ ഫേസ്​ബുക്കിൽ അപ്​ലോഡ്​ ചെയ്യും -പൊലീസ്​ വൃത്തങ്ങൾ എൻ.ഡി.ടി.വിയോട്​ പറഞ്ഞു.

ചെ​ങ്കോട്ടയിൽ കൊടി ഉയർത്തുന്നതിനും അക്രമ സംഭവങ്ങൾ ആസൂത്രണം ചെയ്യുന്നതിനും ദീപ്​ സിദ്ദുവാണ്​ നേതൃത്വം വഹിച്ചതെന്ന്​ കർഷക സംഘടനകൾ അറിയിച്ചിരുന്നു. ചെ​ങ്കോട്ടയിൽ അക്രമ സംഭവങ്ങൾക്ക്​ നേതൃത്വം നൽകുകയും പതാക കെട്ടുന്നതടക്കമുള്ള കാര്യങ്ങൾക്ക്​ പ്രേരണയാകുകയും ചെയ്​തയാളാണ്​ ദീപ്​ സിദ്ദു. അക്രമ സംഭവങ്ങൾ നടക്കുന്നതിന്‍റെ തലേദിവസം ഡൽഹിയിലെ പ്രധാന സമരവേദിയിൽ ദീപ്​ സിദ്ദുവിന്‍റെ സാന്നിധ്യമുണ്ടായിരുന്നുവെന്നും അവർ വ്യക്തമാക്കി.

അക്രമ സംഭവങ്ങൾക്ക്​ ശേഷം വിശദീകരണ വിഡ​ിയോയുമായി നടൻ രംഗത്തെത്തുകയായിരുന്നു. കർഷക സംഘടന ​നേതാക്കൾക്കെതിരെ വിമർശനം ഉന്നയിച്ചായിരുന്നു വിഡിയോകൾ. താൻ രാജ്യദ്രോഹിയാണെങ്കിൽ കർഷക നേതാക്കളും ​രാജ്യദ്രോഹികളാണെന്നും കർഷക സംഘടന നേതാക്കൾ പിന്നിൽനിന്ന്​ കുത്തിയെന്നും ദീപ്​ സിദ്ദു വിഡിയോയിലൂടെ ആരോപിച്ചു.

ദീപ്​ സിദ്ദുവി​ന്​ പുറമെ അക്രമ സംഭവങ്ങളുമായി ബന്ധമുള്ള ജഗ്​ബീർ സിങ്​, ബൂട്ട സിങ്​, സുഖ്​ദേവ്​ സിങ്​, ഇഖ്​ബാൽ സിങ്​ എന്നിവ​ർക്കെതിരെയും പൊലീസ്​ കേസെടുത്തിട്ടുണ്ട്​. ഇവരെക്കുറിച്ച്​ വിവരം നൽകുന്നവർക്ക്​ ഡൽഹി പൊലീസ്​ 50,000 രൂപ പാരിതോഷികം പ്രഖ്യാപിക്കുകയും ചെയ്​തു.

Show Full Article
TAGS:Punjabi Actor Deep Sidhu Farmers Tractor Rally 
News Summary - Punjabi Actor Deep Sidhus Facebook Videos Uploaded By Friend Abroad
Next Story