പഞ്ചാബിൽ വൈക്കോൽ കത്തിക്കുന്നത്​ തുടരുന്നു

ഛണ്ഡിഗഢ്​: ഡൽഹി വായുമലിനീകരണത്തിൽ വലയു​േമ്പാഴും പഞ്ചാബിൽ വൈക്കോൽ കത്തിക്കുന്നത്​ തുടരുന്നു. ജലന്ധറിൽ നാകേ ാഡാർ-ഫിലാപൂർ ​ദേശീയപാതക്ക്​ സമീപമാണ്​ കൃഷിയിടങ്ങളിലെ വൈക്കോൽ കത്തിച്ചത്​.

അതേസമയം, വൈക്കോൽ കത്തിക്കുകയല്ലാതെ തങ്ങൾക്ക്​ മുന്നിൽ മറ്റ്​ വഴികളില്ലെന്ന്​ കർഷകനായ മംഗൽ സിങ്​ പറഞ്ഞു. ​കൃഷിയിടങ്ങളിലെ വൈക്കോൽ ഒഴിവാക്കാൻ സർക്കാർ ഒരു സൗകര്യവും നൽകുന്നില്ല. ഇതിനായി യാതൊരു ഉപകരണവും തങ്ങളുടെ കൈവശമില്ലെന്നും കർഷകൻ കൂട്ടിച്ചേർത്തു.

പഞ്ചാബിലെ ലുധിയാന ഭരണകൂടം വൈക്കോൽ കത്തിച്ചതിന്​ 22 കർഷകരെ അറസ്​റ്റ്​ ചെയ്യുകയും 45 പേർക്കെതിരെ കേസെടുക്കുകയും ചെയ്​തിരുന്നു. പഞ്ചാബിൽ, ഹരിയാന, ഉത്തർപ്രദേശ്​ തുടങ്ങിയ സംസ്ഥാനങ്ങളിൽ വൈക്കോൽ കത്തിക്കുന്നതാണ് ഡൽഹിയിലെ​ മലിനീകരണത്തി​​െൻറ പ്രധാനകാരണമെന്നാണ്​ ആരോപണം.